《造星》崔可迪專訪︱日間做地盤 夜晚玩音樂：邊搵生活費邊做歌｜娛壹足本專訪（ скачать в хорошем качестве

《造星》崔可迪專訪︱日間做地盤 夜晚玩音樂：邊搵生活費邊做歌｜娛壹足本專訪（

追夢要付代價，過程迂迴艱辛，但有些人就是帶着傻勁向目標進發。 《全民造星2》參賽者阿Lu崔可迪日間在地盤做雜工，晚上玩音樂，最近推出新歌《You Never Know》。 現年36歲的他，於2013年已組成Myar出道，有隊員早已轉行，但他只想唱下去。 「以前有諗過畀個期限自己，做到40歲定30幾？但去到依家，我覺得可以一邊工作去搵生活費，一邊抽時間做歌，唔會完全唔做音樂。」 對他來說，堅持絕對比放棄容易。 【推出新歌《You Never Know》】 阿Lu參加過頭兩季《全民造星》，第一季首個回合就出局，第二季雖然40強止步，但他跳得又唱得，被認為實力和顏值俱備，他被out時，同組的Anson Lo也為他落淚。 後來他以NeverLu之名重新出發，簽約音樂人曹震豪的音樂廠牌F.E.A.R. Music旗下。去年歌曲《Never Look Back》面世時，fans眾籌拍MV，非常支持他。最近他推出新歌《You Never Know》，之前亦有自己創作的《我看著你時便是永恆》，同時開始勤力拍片，搞好自己的YouTube個人頻道。 但為維生，他非常貼地實在，近年做過電訊公司Sales、電話銷售Sales、地盤和裝修等等，「有一次去屋苑Sell電訊plan，一拍門，開門個婆婆認得我，話喺一個為公公婆婆表演嘅活動見過我，仲話：『你唔係做音樂嘅咩？』當時我既開心又面懵，個感覺好複雜。」 之前他在一個台灣app，做直播搵食，「做咗5年開live，每日3個鐘彈結他唱歌，fans會點唱，但做到個人有少少lost，依家停一停。」 現在他轉做地盤，「明買明賣，實實在在，我返地盤雜工，由朝早8點入地盤，下晝5點收工，付出勞力去搵錢，我覺得好好。搵食啫，我都要生存，唔係去偷唔係去搶。」 他可能是最型仔的地盤工友，「我喺地盤係做『電』，裝燈、拉電線、整燈槽，都唔係好辛苦，係污糟囉，好大塵。雖然有戴口罩，但收工塊面同鼻哥窿都會黑晒。」 【解約打足5年官司】 阿Lu的音樂路相當迂迴，2010年參加英皇新秀獲第4名，「當時簽咗英皇，但自己唔識諗，好似等運到咁，以為公司自然會畀嘢我做，我就等佢電話囉。原來唔係咁嘅，依家先明白要返公司爭取。」 後來有另一間經理人公司找他過檔，英皇無條件讓他解約，但卻是噩夢的開始。 「當時新公司安排我同幾個男仔組成Myar，經常去學校同老人院表演，但一直冇人工嘅，經理人仲問我哋攞錢去食飯，佢去開會，又問我哋攞錢搭車。嗰時乜都唔識，佢叫我哋做乜咪做乜囉。但去到一個階段，仲叫我哋跟佢做保險，佢話我哋簽到單，公司就有錢做歌。跟住我哋同佢傾解約，佢要我哋每個賠100萬。」 他們本身以為自己簽約10年，但律師細看下，發現合約寫了公司有優先續約權，份約最長可以去到30年。 由於他跟隊員都沒錢，最後嘗試申請法援打官司，「我哋呢單case，係法援第一單藝人合約case。」 官司期間，經理人不斷no show，左拖右拖，最終由2013年搞到2018年才告終，他回復自由身後，即參加首季《造星》。 阿Lu想告訴花姐：「雖然你一直都話我老，對比起MIRROR，我的確係老咗少少嘅，嚟緊我會繼續努力，等你知道你揀得入去《造星》嘅人，都真係可以做到一粒星！我會加油，多謝花姐！」 他參加了首兩季《造星》，特別感謝第二季的導師陳潔靈：「Miss Chan Chan，你喺芸芸學員入面，揀咗我入去《埋班作樂作品展》，參與《標本》呢個作品，希望可以做到成績畀你睇。」 【覺得自己好衰仔】 阿Lu家境普通，但媽媽和哥哥很支持他追夢，哥哥更肩負家中大部份開支。 隨着媽媽年紀漸長，他想給媽媽更好的生活，有想過放棄當歌手。 「有諗過打份工，正正經經搵舊錢照顧媽咪，佢成日同我講唔知自己可以擺幾耐，可能隨時擺低，我一聽到就好忟，覺得自己好衰仔。」他聲音哽咽，停一停再說：「但媽咪好想我做音樂，佢想我做自己鍾意嘅嘢，鍾意聽我唱John Lennon《Imagine》，我成日錄歌畀佢聽，佢梗係首首都話鍾意啦！如果做音樂又養到佢，咁就好啦！」 而他的fans絕非勝利球迷，在《造星》後，一直在他身邊，各式應援令他很感動。 在成功之前，得到的支持是最寶貴，雪中送炭，遠勝錦上添花。 扶我們一把的人，我們永遠記得。 #娛壹 #全民造星 #崔可迪 #NeverLu #阿Lu ---------------------------------------------------------- 即刻跟住Follow 晒我哋Channel： FB： http://fb.me/as1hk.entertainment IG：   / as1.entertainment   YT：   / @as1.entertainment