環港島跑 61km 順走 環島行 環香港島跑 Round the island 香港島環島徑挑戰 Hong Kong Island Coastal Trail Challenge 4K скачать в хорошем качестве

環港島跑 61km 順走 環島行 環香港島跑 Round the island 香港島環島徑挑戰 Hong Kong Island Coastal Trail Challenge 4K

環港島跑 長度： 61km 時間：8小時多(連影相休息） 裝備 : 背心短褲，只用腰belt，無咁焗，鞋著 hoka clifton 路跑鞋，一個500ml軟水樽，糖零食能量棒等 由上環信德出發，順時針由上環圍香港島跑一圈，終點返回上環 全程慢跑 + 行，影下嘢睇下嘢 順走好處 ： 將較辛苦路段放在前段，較多體力應付 順走壞處 ： 如果天晴+太陽+熱，順走個太陽會由起步全程係你頭頂同顏射你塊面到終點... 小弟會全程分幾段去計 第1段 約14km - 上環至小西灣 全段補水補給多，所以起步裝1/3水都夠，全段平路多，避走柴灣道，轉走阿公岩村入東廊去杏花邨，小西灣要補給夠至好上山 第2段 約24km - 龍躍徑至赤柱 下個補水位要走約10km到土地灣藍記士多，但士多好似只開星期六及假期，所以上山前記得補水，龍躍徑上砵甸乍山郊遊徑為全段一次過最多爬升路段，但前段體力應付問題不大，轉入山徑，避上龍脊轉走山腰，除了想避開人潮，仲可以慳番d力，全程最辛苦嘅一段應該係呢段約7km港島徑7段極沉悶嘅引水道，但捱過呢段走多4km到大潭就有可以買汽水飲，再行多4km引水道就可以到赤柱大休，之後嘅路就好走好多了 第3段 約11km - 赤柱至香港仔 赤柱過淺水灣，開頭有約2km斜路要行，呢段補水補給位多，基本都無乜要注意，經海洋公園及黃竹坑MTR，想走都方便，但走到呢度剩番十幾km就完，無理由唔走埋落去 第4段 約11km - 香港仔至上環 最後一段，風景&景點都幾多，神像山，瀑布灣，就拆嘅華富，數碼港，芝加哥大學(睇日落)，西環泳棚(太多大陸遊客)都可以花多點時間望下，如果順走嘅話，夾到時間可以一路睇日落一路返上環 早上天陰，但下午出太陽好熱，冬天會再去跑，除咗港島徑7段，成程都好值得去跑同慢慢睇多幾次。 ～完～