XALQ YAZIÇISI YUSİF SƏMƏDOĞLUNUN DOĞUM GÜNÜDÜR скачать в хорошем качестве

XALQ YAZIÇISI YUSİF SƏMƏDOĞLUNUN DOĞUM GÜNÜDÜR

XX əsr Azərbaycanın tanınmış ziyalılarından biri, Səməd Vurğun yadigarı, istedadlı yazıçı Yusif Səmədoğlunun ad günüdür. Ölümündən 20 ildən çox vaxt keçməsinə baxmayaraq, ailəsi hər il onun ad gününü qeyd edir. Qızı Mehriban xanım həyatsevər Yusif Səmədoğlunun qayğıkeş ata obrazını daha çox xatırlayır. Yusif Səmədoğlu 1935-ci il dekabrın 25-də Bakıda anadan olub. Moskvada Maksim Qorki adına Ədəbiyyat İnstitutuna daxil olub. Sonra təhsilini Bakıda davam etdirib. Müxtəlif illərdə "Azərbaycanfilm" kinostudiyasının direktor müavini, "Ulduz jurnalının və "Azərbaycan" jurnalının baş redaktoru vəzifələrində işləyib. O, ömrünün bir qismini mərkəzdəki bu mənzildə indi Səməd Vurğunun ev muzeyinə çevrilən bu otaqlarda keçirdib. “Şöhrət” ordeni ilə təltif olunan Yusif Səmədoğlu həm də millət vəkili kimi vətəndaşların problemlərinin həlli uğrunda çalışıb. Dövlət başçısının fərmanı ilə xalq yazıçısı fəxri adına layiq görülüb. Yusif Səmədoğlu atasının poemasını əsasında “Yeddi oğul istərəm” filminə ssenari də yazıb. Vətənini, xalqını, dilini həddən artıq sevən Yusif Səmədoğlu övladlarının rus dilində orta təhsilinə qarşı çıxıb. Daim azadlıq, demokratiya, müstəqillik duyğusu ilə yaşayıb. Həm ədəbi, həm də ictimai-siyasi fəaliyyətində azərbaycançılıq mövqeyini üstü tutan yazıçı Azadlıq meydanında keçən mitinqlərdə iştirak edib. Yusif Səmədoğlunun əsərləri arasında Azərbaycan nəsrində fərqli hadisə sayılan “Qətl günü”nü xüsusi qeyd etmək lazımdır. Əbədi mübarizə - bitmək bilməyən Xeyir-Şər savaşından bəhs edən “Qətl günü” və onun əsas obrazlarından biri olan Kirlikir (burda sican heykəli var, onu göstərmək lazımdır) Mehriban xanımın sevimli personajlarından biridir. Amma Mehriban Ziyadova atasının digər əsərlərinin də diqqətə layiq olduğunu bildirir. Görkəmli ziyalı, xalqını sevən yazıçının ürəyi 1998-ci il avqustun 16-da dayanıb. 63 yaşlı Yusif Səmədoğlunun nəfəsi ilə eyni anda evdəki bu saatın əqrəbləri də hərəkətini dayandırıb...