തമിഴ് പുലികളുടെ നേതാവ് വേലുപിള്ള പ്രഭാകരനെ ഇന്ത്യൻ ദൗത്യ സംഘം ശ്രിലങ്കയിൽ നിന്നും രക്ഷപ്പെടുത്തിയ കഥ скачать в хорошем качестве

തമിഴ് പുലികളുടെ നേതാവ് വേലുപിള്ള പ്രഭാകരനെ ഇന്ത്യൻ ദൗത്യ സംഘം ശ്രിലങ്കയിൽ നിന്നും രക്ഷപ്പെടുത്തിയ കഥ

1987 -ജൂലായ് 24 ,സമയം രാവിലെ 6 മണി , ഇന്ത്യ സമുദ്രത്തിലെ പ്രധാന കടലിടുക്കുകളിൽ ഒന്നും , ദക്ഷിണേഷ്യൻ രാജ്യങ്ങളായ ഇന്ത്യയെയും ശ്രീലങ്കയെയും തമ്മിൽ വേർതിരിക്കുന്ന പ്രധാന ചാനലുമായ മാന്നാർ ഉൾക്കടലിൻറ്റെ കിഴക്കേ ഭാഗം ഇതേ സമയം ആ മേഖലയിൽ പതിവില്ലാത്ത വിധമുള്ള ഒരു സൈനിക നീക്കത്തിനു വേദിയാവുകയായിരുന്നു ..അടിമുടി ആയുധ സജ്ജരായ ഒട്ടനേകം കമാൻഡോകളെയും വഹിച്ചു കൊണ്ടുള്ള കുറെയധികം പട്രോൾ ബോട്ടുകളുടെ ഒരു വ്യൂഹം ബേ ഓഫ് മാന്നാർ എന്നറിയപ്പെടുന്ന ഈ ഉൾക്കടലിനെ ഇളക്കി മറിച്ചു കൊണ്ട് തദവസരത്തിൽ ലങ്കയുടെ സമുദ്രാതിർത്തിയെ ലക്ഷ്യമാക്കി നീങ്ങിയതായിരുന്നു അതിനു കാരണവും ,പെട്ടെന്ന് ഒരു ദക്ഷിണ ഇന്ത്യൻ തീരമായ തമിഴ്നാട്ടിലെ വേദദാരണ്യത്തിൻറ്റെ ദിക്കിൽ നിന്നും ഒന്നിന് പിറകെ ഒന്നെന്ന കണക്കിൽ വളരെ താഴ്ന്നു പറന്നു വന്ന രണ്ടു റഷ്യൻ നിർമ്മിത എം.ഐ -പതിനേഴു ഹെലികോപ്റ്ററുകൾ അസാധാരണമായ ഒരു ഡെക്ക് ഫ്ലയിങ് മോഡിൽ ഈ ഫാസ്റ്റ് പെട്രോൾ ബോട്ടുകൾക്ക് മുകളിലൂടെ ഉത്തര പൂർവ്വ ലങ്കൻ തീര നഗരമായ ജാഫ്നയെ ഉന്നമിട്ടു കൊണ്ട് അതിവേഗം കടന്നു പോയി. .റോക്കറ്റ് പോഡുകൾ ഘടിപ്പിച്ച ഹെവി ഗൺഷിപ്പുകളോട് സാമ്യമുണ്ടായിരുന്ന പ്രസ്തുത ചോപ്പറുകൾ തങ്ങളുടെ കാഴ്ച്ചയിൽ നിന്നും മറഞ്ഞതും ഈ പെട്രോൾ ബോട്ടുകളിലെ സൈനികർ അവരുടെ പക്കലുള്ള നൂതന മെഷിൻ ഗണ്ണുകളുമായി മാന്നാർ കടൽ മേഖലയുടെ ഷിപ്പിംഗ് ചാനലുകളിൽ ഒരു സമ്പൂർണ്ണ ഉപരോധമാണ് ആരംഭിച്ചത് ..കുറഞ്ഞ സമയം കൊണ്ട് തന്നെ ശ്രീലങ്കൻ തീരത്തു നിന്നും മടങ്ങിയെത്തിയ -ഈ ഹെലികോപ്റ്ററുകൾ വീണ്ടും താഴ്ന്നു പറന്നു വരുമ്പോഴേക്കും ,മാന്നാറിലെ കടൽപ്പരപ്പ് ഇന്ത്യൻ കോസ്റ്റ് ഗാർഡിൻറ്റെ നിരീക്ഷണ യാനങ്ങൾ കയ്യടക്കിയിരുന്നു, ക്ഷണ നേരം കൊണ്ട് ഈ തീരം മറി കടന്ന എം.ഐ ചോപ്പറുകൾ തമിഴ് നാട്ടിലെ തന്നെ കാരകുടി ഭാഗത്തേക്കാണ് പിന്നീട് നീങ്ങിയതും ..എന്നാൽ ലങ്കയിലെ ജാഫ്നയിൽ ഇന്ത്യൻ ചാര സംവിധനങ്ങൾ നടത്തിയ ഒരു രഹസ്യ ദൗത്യത്തിൻറ്റെ വിജയകരമായ പരിസമാപ്തിക്കു വേണ്ടിയായിരുന്നു അപ്പോഴവിടെ അരങ്ങേറിയ പ്രകടനങ്ങളെന്നു തത്സമയവും ആരും അറിഞ്ഞിരുന്നില്ല,ആഭ്യന്തര യുദ്ധം രൂക്ഷമായിരുന്ന ശ്രീലങ്കയിൽ നിന്നും തമിഴ്പുലികളുടെ തലവൻ വേലുപ്പിള്ള പ്രഭാകരനെയും കുടുംബംഗങ്ങൾ ഉൾപ്പെടയുള്ള അദ്ദേഹത്തിൻ്റെ ഉറ്റവരെയും ഇന്ത്യയിലേക്ക് രക്ഷപെടുത്താൻ ന്യൂഡൽഹി നടത്തിയ ഒരു ടോപ് സീക്രട്ട് മിഷനായിരുന്നു ഈ സംഭവമെന്നത് പിന്നീട് വർഷങ്ങൾ കഴിഞ്ഞാണ് ലോകം അറിയുന്നത് തന്നെ..ഓപ്പറേഷൻ ബട്ടർഫളൈ എന്ന രഹസ്യ കോഡ് നാമത്തിൽ അറിയപെടുന്നതും ,ഇന്ത്യൻ വ്യോമസേനയും ,റോ യും തോളോട് ചേർന്ന് നടത്തിയ രഹസ്യ ദൗത്യങ്ങളിൽ അതിസാഹസികവുമെന്ന് വിശേഷിപ്പിക്കപ്പെടുന്ന ഈ ഓപറേഷനെ പറ്റിയാണ് ചാണക്യൻറ്റെ പുതിയ വിഡിയോ ,ഒപ്പം ഇതിലെ മറ്റു അറിയാകഥകളും നമുക്ക് കൂടുതലായി മനസ്സിലാക്കാം (38)