"ဘယ်သူဆုတ်ဖြဲသွားပါလိမ့်" ‌စာရေးသူ -‌မောင်ပြည်သိမ်း (မကွေး) / LH စာစဉ် အတွဲ (၂၉) скачать в хорошем качестве

"ဘယ်သူဆုတ်ဖြဲသွားပါလိမ့်" ‌စာရေးသူ -‌မောင်ပြည်သိမ်း (မကွေး) / LH စာစဉ် အတွဲ (၂၉)

စာအုပ်အသစ်၊ စာရေးသူ အသစ်တွေ လာမေးတဲ့ စာဖတ်သူတွေအတွက် ကျနော်တို့ Listener's Heaven ရဲ့ LH စာစဉ် အတွဲ (၂၉) မှ "စာရေးသူ - မောင်ပြည်သိမ်း (မကွေး)" ရဲ့ "ဘယ်သူဆုတ်ဖြဲသွားပါလိမ့်" ဆိုတဲ့စာမူပဲဖြစ်ပါတယ် "ဘယ်သူဆုတ်ဖြဲသွားပါလိမ့်" စာရေးသူ - မောင်ပြည်သိမ်း (မကွေး) စာဖတ်သူ - နန်းသိင်္ဂီ ကြာချိန် - ၁၅ မိနစ် : ၅၆ စက္ကန့် စာမြည်း ဒီဘက်နှစ်တွေထဲမှာ ကျုပ်နဲ့အလုပ်နဲ့တော့ ဗေဒင်အလိုအရ ဓမ္မာ၊သောက၊အင်းဝ၊ရာဇာ ကိန်းကို ကျနေတယ်လို့များ ဆိုရမလားဘဲ။ ဘယ်အလုပ်မှ ကြာကြာအဆင်ပြေတယ်လို့ကို မရှိဘူး။ဒီတော့ အကြံကုန်ဂဠုန်ဆားချက်လို့ ပြောရင်လည်း ပြောကြပေရော့။ သုံးစရာမရှိတော့ ကြံရာမရ၊ဟိုတုန်းက ဘာရယ်မဟုတ် အပျင်းပြေ ဖတ်ဖို့ဆိုပြီး ဝယ်ထားမိတဲ့၊ တချို့စာအုပ်အငှားဆိုင်ကနေ ငှားပြီး ပြန်မပေးဖြစ်တဲ့ စာအုပ်အဟောင်းနဲ့ အစုတ်တွေ။လိုချင်တုန်းကသာ ဝယ်ထား၊ငှားထား၊ ပြီးပြန်မပေးဖြစ်ဆိုပေမဲ့ စာအုပ်တိုင်းတော့လည်း လုံးစေ့ ပတ်စေ့ မဖတ်ဖြစ်ပါဘူး။ ခုတော့လည်းကြေး၊ဒန်၊သံနဲ့ အဟောင်းပစ္စည်းမျိုးစုံဝယ်တဲ့ ကုလားဆိုင်မှာ သွားရောင်းဖို့ထုတ်လာခဲ့ပြီ။ အကုန်စုပြီး ထုပ်မယ်ပိုးမယ်ပြင်ခါနီးမှ စိတ်ထဲမှာ နှမြောသလိုလို ၊ ပျင်းသလို လိုဖြစ်လာတာနဲ့ သွားမရောင်းသေးပဲငိုင်နေမိပြန်ရော။ နောက်တော့လောလောလတ်လတ်အပျင်းပြေဖတ်ဖို့ ဘယ်စာအုပ်ရယ်လို့ရွေးမနေဘဲ နီးရာစာအုပ်တစ်အုပ်ကိုမျက်စိမှိတ်ပြီး လှမ်းဆွဲလိုက်တယ်။ ဆွဲမိတဲ့ စာအုပ် ကတောင် ကျုပ်ကိုလှောင်နေသလိုပဲ။ မျက်နှာဖုံးမပါ၊မာတိကာမပါ။ဒီပုံနဲ့ဆို စာမျက်နှာမှ စုံအောင် ပါပါ့မလားမသိ။ စိတ်ပျက်ပျက်နဲ့ပြန်ပစ်ချမယ်လုပ်ပြီးခါမှ ပျင်းတာနဲ့နောက်တစ်အုပ်ထပ်မရှာ တော့ဘဲ ဖတ်မိသွားရော။စာအုပ်ကလေးက မထူမပါး။ စာရေးဆရာသုံးလေးဦး စုပေါင်းပြီးထုတ်ထားတဲ့ ဝတ္ထုတို ပေါင်းချုပ်ကလေး။ ပထမဆုံးဖတ်မိတာက အချစ်ဇာတ်လမ်းလေး။ ဒါပေမဲ့ ထိပ်ဆုံးစာမျက်နှာပါမလာတော့ ဖတ်ရတာသိပ်အရသာမတွေ့သလိုဘဲ။ နောက်တစ်ပုဒ်ကျပြန်တော့ ကိုယ်ကအဆင်မပြေပါဘူးဆိုမှ ရေးထား တာကအကြပ်အတည်းဖြစ်ရတဲ့ အကြောင်းတွေချည်းပဲ။ နောက်တစ်ပုဒ် ကျော်ပြီးဖတ်ပစ်လိုက်တယ်။ အဲဒီတစ်ခါကျတော့ ဝတ္ထုခေါင်းစဉ်က အများနဲ့မတူ တမူထူးလို့ "ဘောလုံးပွဲ"တဲ့။ ဝတ္ထုခေါင်းစဉ်ကိုကြည့်ပြီး ပြုံးမိတယ်။ ကျုပ်ကလည်းဘောလုံးပွဲဝါသနာအိုး ဖြစ်နေတာကိုး။ အပေါင်းအသင်းတွေကို ဒီဝတ္ထုခေါင်းစဉ်သာ ပြလိုက်လို့ကတော့ ပြောကြအုံးမှာပါပဲ။ "ဒီလောက် နလန်မထူအောင်မွဲနေတာတောင်မှ ရှာရှာဖွေဖွေဗျာ ဖတ်လိုက်တဲ့ဝတ္ထုက ဘောလုံးပွဲတဲ့"လို့၊ ဝတ္ထု ကို အောက်ပါလင့်ခ် ကို နှိပ်ပြီး ဖတ်ရှုခံစားနိုင်ပြီဖြစ်ပါတယ်။ စာစဉ်ဖတ်ရန် နှိပ်ပါ https://online.fliphtml5.com/zlxdu/Bi... *ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။ *အဖွဲ့ဝင်လိုပါက ဖော်ပြပါ Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။ 🔰 https://fliphtml5.com/site/13979096/i...