Tv Klan - Trump mban fjalimin për gjendjen e federatës скачать в хорошем качестве

Tv Klan - Trump mban fjalimin për gjendjen e federatës

Donald Trump mbajti fjalimin më të gjatë vjetor në histori mbi gjendjen e federatës para Kongresit, 1 orë e 47 minuta. Foli për të gjitha arritjet përgjatë pak më shumë se një viti pas kthimit në Shtëpinë e Bardhë, ku veçoi ekonominë, për të cilën ka bërë “kthesën e shekujve”, siç e quajti ai. Për konfliktin me Iranin, shefi i Shtëpisë së Bardhë tha se preferonte të zgjidhej me diplomaci, por paralajmëroi rrezikun që i kanoset aleatëve nga programet raketore dhe bërthamore të këtij vendi. “Ata kanë zhvilluar tashmë raketa që kërcënojnë Europën dhe bazat tona jashtë vendit, dhe së shpejti mund të ndërtojnë raketa që mbërrijnë edhe në SHBA”, tha Trump. Trump shprehu bindjen se konflikti në Ukrainë do të jetë i 9-ti në listën e luftërave të mbyllura prej tij. Megjithatë, bëri edhe një paralajmërim: “Jemi duke punuar shumë fort që t’i jepet fund masakrave dhe vrasjeve mes Rusisë dhe Ukrainës. Si president, do bëj paqe kudo që të mundem, por nuk do të hezitoj kurrë të përballem me kërcënimet ndaj Amerikës kudo”, shtoi ai. Mes të ftuarve gjatë fjalimit ishte edhe bashkëshortja e Çarli Kërk, aktivistit pro-Trump të vrarë në mes të fjalimit, shtatorin e kaluar. Kur foli për luftën kundër emigracionit të paligjshëm, u përball me thirrje si “vrasës” nga përfaqësuesit demokratë. Kongresmeni demokrat Al Green u nxorr nga salla për të dytin vit radhazi, pasi protestoi duke mbajtur në duar pankartën “Njerëzit me ngjyrë nuk janë majmunë”. Sipas një sondazhi të agjencisë së lajmeve Reuters, 61% e amerikanëve, përfshirë edhe shumë republikanë, mendojnë se Trump po shfaq gjithnjë e më shumë çrregullime me kalimin e moshës. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/