ရခိုင်တွင် တိုက်ပွဲများ ပိုမိုကျယ်ပြန့်လာ скачать в хорошем качестве

ရခိုင်တွင် တိုက်ပွဲများ ပိုမိုကျယ်ပြန့်လာ

ရခိုင်ပြည်နယ်အတွင်းက စစ်ကောင်စီတပ်နဲ့ AA ရက္ခိုင့်တပ်တော်ကြားက တိုက်ပွဲတွေဟာ ရခိုင်တောင်ပိုင်းအထိ ကျယ်ပျံ့လာနေသလို မြို့တွေနဲ့ အနီးအနားတွေမှာလည်း တိုက်ပွဲတွေ ဖြစ်လာနေပါတယ်။ ရခိုင်ဒေသမှာ စစ်ကောင်စီနဲ့ ရခိုင့်တပ်တော်တို့ကြား နှစ်ဖက်ရင်ဆိုင်တိုက်ပွဲများ ပြင်းထန်လျက်ရှိနေသလို စစ်ရေးမယှဉ်နိုင်တဲ့ စစ်ကောင်စီဖက်မှ ရေကြောင်း၊ လေကြောင်းဖြင့် ရက်ဆက်အင်အားဖြည့်တင်းခြင်းတို့ မပြတ်လုပ်ဆောင်နေတဲ့အတွက် စစ်ဘောင်ကျယ်ပြန့်လာမယ့်အသွင် ရှိနေကြောင်း ရခိုင့်တပ်တော်(AA) ပါဝင်တဲ့ ညီနောင်မဟာမိတ်သုံးဖွဲ့က သတင်းထုတ်ပြန်ထားပါတယ်။ ရခိုင်ပြည်နယ်အတွင်း ကျောက်ဖြူ၊ ရမ်းဗြဲ၊ တောင်ကုတ်နဲ့ မြေပုံမြို့နယ်တွေမှာ စစ်ကောင်စီတပ်က စစ်ရေးပြင်ဆင်တာနဲ့ စစ်အင်အား တိုးချဲ့တာတွေ ဆက်တိုက်လုပ်လာနေတယ်လို့ ရက္ခိုင့်တပ်တော်(အေအေ)ကလည်း ပြောပါတယ်။ ရက္ခိုင့်တပ်တော်(AA)နဲ့ တိုက်ပွဲတွေဖြစ်ပွားနေတဲ့ ပေါက်တော၊ မင်းပြား၊ ကျောက်တော်နဲ့ ရသေ့တောင် မြို့နယ်တွေမှာလည်း စစ်ကောင်စီနဲ့ တိုက်ပွဲတွေ ဆက်ရှိနေတယ်လို့ မြောက်ပိုင်းညီနောင်မဟာမိတ်သုံးဖွဲ့ရဲ့ ဇန်နဝါရီလ ၂၃ ရက်ည ထုတ်ပြန်ချက်မှာဖော်ပြထားပါတယ်။ ရခိုင်ပြည်နယ်မှာ ပြီးခဲ့တဲ့ ၂၀၂၃ ခုနှစ် အောက်တိုဘာလ ၁၃ ရက်နေ့ကတည်းက စတင်ခဲ့တဲ့ စစ်ကောင်စီတပ်နဲ့ AA ရက္ခိုင့်တပ်တော်ကြား တိုက်ပွဲတွေဟာ တနေ့ထက်တနေ့ ပြင်းထန် လာနေသလို တိုက်ပွဲဧရိယာတွေဟာလည်း ရခိုင်တောင်ပိုင်းက ရမ်းဗြဲနဲ့ ကျောက်ဖြူမြို့ နယ်အထိကျယ်ပြန့်လာနေတာပါ။ အရင်က တိုက်ပွဲတခါမှ ဖြစ်ပွားလေ့မရှိတဲ့ ကျောက်ဖြူမြို့နယ် ဓညဝတီရေတပ်စခန်းကို ဒီရက်ပိုင်းအတွင်း AA ရခိုင်တပ်က ဝင်ရောက်တိုက်ခိုက်ခဲ့တာကြောင့် စစ်ကောင်စီတပ်ကလည်း လက်နက်ကြီးတွေနဲ့ အပြန်အလှန်ပစ်ခတ်ကာ တိုက်ပွဲပြင်းထန်နေတယ်လို့သိရပတယ်။ စစ်ကောင်စီက ရခိုင်ပြည်တွင်း ကုန်စည်စီးဆင်းမှုနဲ့ ကုန်းလမ်း၊ ရေလမ်းတွေ ပိတ်ဆို့ထားတာကြောင့် ဒေသတွင်းစားနပ်ရိက္ခာပြတ်တောက်တာတွေလည်း ရှိနေတယ်လို့ ဒေသခံတွေက ပြောပါတယ်။ ပလက်ဝဒေသတွင်းရှိ စစ်ကောင်စီစခန်းတွေကို ရခိုင့်တပ်တော်(AA)က ချေမှုန်းသုတ်သင်ခဲ့စဉ် အိန္ဒိယနယ်စပ်သို့ ထွက်ပြေးလွတ်မြောက်သွားကြတဲ့ ရန်သူ့တပ်ဖွဲ့ဝင်အချို့ကိုလည်း စစ်ကောင်စီက ရက္ခိုင်ဒေသတွင်းရှိ စစ်မျက်နှာစာအသီးသီးမှာ နေရာချထားရန် စစ်ရေးပြင်ဆင်နေတယ်လို့သိရပါတယ်။ ယခင်အင်အား ၄၀၀ကျော်ခန့်ဟာလည်း လက်ရှိရခိုင်စစ်မျက်နှာပြင်အနှံ့မှာ ရခိုင့်တပ်တော်နဲ့ ဆက်လက်ထိုးစစ်ဆင် တိုက်ခိုက် နေတယ်လို့ ညီနောင်သုံးဖွဲ့ရဲ့ထုတ်ပြန်ချက်မှာဖော်ပြထားပါတယ်။ စစ်ရှိန်မြင့်တက်နေတဲ့ ရခိုင်ဒေသအပါအဝင် ရှမ်းမြောက်နဲ့ ထိစပ်နေတဲ့ နေရာအချို့မှာ စစ်ကောင်စီက ဆက်သွယ်ရေးဆိုင်ရာ သတင်းအချက်အလက်များ ဖြတ်တောက်ထားတဲ့ အတွက် အရပ်သားပြည်သူတွေ အပေါ် စစ်ကောင်စီရဲ့ လူ့အခွင့်အရေးချိုးဖောက်မှုများမှာ ပိုမိုမြင့်တက်လာနိုင်ဖွယ်ရှိတယ်လို့ ဆိုထားပါတယ်။ ဒါ့အပြင် AA အနေနဲ့ မိတ်ဖက်အဖွဲ့တွေနဲ့ ပူးတွဲစစ်ရေးလှုပ်ရှားနေတဲ့ စစ်ကိုင်းတိုင်း အပါအဝင် တခြားဒေသအချို့မှာလည်း စစ်ကောင်စီနဲ့ ထိတွေ့တိုက်ပွဲများ ရှိနေခဲ့ကြောင်း အသိပေးထုတ်ပြန်ထားပါတယ်။ #Political News #MizzimaTV ----------------------------------------- မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U Subscribe our channel:    / @mizzimanewstv   Follow us: Facebook | Myanmar Language   / mizzimadaily   Facebook | English language   / mizzimamyanmarnews   Facebook | Mizzima+TV   / mizzimaplustv   Twitter   / mizzimanews   Telegram https://t.me/mizzimatv Sportify https://open.spotify.com/show/0JqldUl... Get Mizzima TV App Free http://bit.ly/44WaGEU Website : https://www.mizzima.com https://www.mizzimaburmese.com https://www.mizzima.tv ..................... About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.