#ព្រះបន្ទូលនៃសេចក្ដីពិតសម្រាប់ថ្ងៃព្រហស្បត្តិ៍ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃព្រហស្បត្តិ៍

#ចំណងជើងវីដេអូ៖ «គោលបំណងចុងក្រោយរបស់ព្រះ» His Ultimate Purpose #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃព្រហស្បត្តិ៍ ទី០៣ ខែមេសា ឆ្នាំ២០២៥។ «គោលបំណងចុងក្រោយរបស់ព្រះ» His Ultimate Purpose #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ឯ​សិរីល្អ​ដែល​ទ្រង់​បាន​ប្រទាន​មក​ទូលបង្គំ នោះ​ទូលបង្គំ​បាន​ឲ្យ​ដល់​គេ​ហើយ ដើម្បី​ឲ្យ​គេ​បាន​រួម​គ្នា​តែ​មួយ ដូច​ជា​យើង​ក៏​រួម​តែ​មួយ​ដែរ» (យ៉ូហាន ១៧:២២)។ នៅពេលដែលព្រះបានបង្កើតមនុស្ស ទ្រង់មិនពេញចិត្តនឹងមនុស្ស ដោយគ្រាន់តែមើលទៅដូចទ្រង់ ឬមានតួននាទីដូចទ្រង់នោះទេ, នោះគ្រាន់តែជាការចាប់ផ្តើមប៉ុណ្ណោះ។ គោលដៅដ៏សំខាន់បំផុតរបស់ព្រះ គឺជាការបានរួមគ្នាតែមួយជាមួយមនុស្ស។ ទ្រង់​បាន​បង្កើត​យើង​ ដើម្បីឲ្យបានរួមតែមួយក្នុង​យើង ហើយជាការរួមគ្នាតែមួយដែលមិនអាចញែកពីគ្នាបាន។ ព្រះ​អម្ចាស់​យេស៊ូវ​មាន​បន្ទូល​ថា «ខ្ញុំ​នៅ​ក្នុង​ព្រះ​វរបិតា ហើយ​ព្រះ​វរបិតា​ក៏​គង់​នៅ​ក្នុង​ខ្ញុំ»។ ព្រះ​ទ្រង់​ក៏បាន​ធ្វើ​ដូចគ្នា​នឹង​យើងដែរ ហើយក៏សម្រាប់​យើងរាល់គ្នាដែរ។ នេះជាសុបិនរបស់ទ្រង់តាំងតែពីដើមមកម្លេះ។ កូល៉ុស 1:26-27 ចែងថា «គឺ​ជា​សេចក្តី​អាថ៌កំបាំង​ដែល​លាក់​ទុក តាំង​ពី​អស់​កល្ប​រៀង​រាល់​តែ​ដំណ​ត​មក តែ​ឥឡូវ​នេះ បាន​បើក​សំដែង​ឲ្យ​ពួក​បរិសុទ្ធ​ទ្រង់​ស្គាល់ ព្រះ​ទ្រង់​បាន​សព្វ​ព្រះហឫទ័យ នឹង​សំដែង​ឲ្យ​ពួក​បរិសុទ្ធ​នោះ​ដឹង​ថា សិរីល្អ​ដ៏​បរិបូរ​របស់​សេចក្តី​អាថ៌កំបាំង​នេះ​ជា​យ៉ាង​ណា ក្នុង​ពួក​សាសន៍​ដទៃ គឺ​ថា ព្រះគ្រីស្ទ​ទ្រង់​សណ្ឋិត​នៅ​ក្នុង​អ្នក​រាល់​គ្នា ដែល​ជា​ទី​សង្ឃឹម​យ៉ាង​ឧត្តម»។ កូរិនថូសទី១ 6:17 ចែងថា «ឯ​អ្នក​ដែល​នៅ​ជាប់​នឹង​ព្រះអម្ចាស់ នោះ​ក៏​ជា​វិញ្ញាណ​តែ​១​នឹង​ទ្រង់​ដែរ»។ នេះ​គឺ​លើស​ពី​ភាព​ដូចគ្នា​នឹង​ព្រះ​អម្ចាស់​ទៅ​ទៀតផង។ វាដូចជា នៅពេលដែលព្រះយេស៊ូវមានបន្ទូលថា “អ្នកណាដែលបានឃើញខ្ញុំ នោះបានឃើញព្រះវរបិតាដែរ” វាលើសពីភាពដូចគ្នា ឬតួននាទី, នេះហើយ គឺជាការបើកសម្តែងនៃការរួមគ្នាតែមួយនឹងព្រះ។ ព្រះរបស់យើង ទ្រង់មិនគ្រាន់តែស្វែងរកផ្ទះដើម្បីនឹងស្នាក់នៅប៉ុណ្ណោះទេ, តែព្រះអង្គមានគោលបំណង​ដ៏អស្ចារ្យណាស់ គឺ​ដើម្បីឲ្យបាន​បង្ហាញ​សិរីល្អ​របស់​ទ្រង់ ​តាមរយៈ​ខ្លួនអ្នក​ទៅកាន់​ប្រជាជាតិ​នានា។ នៅពេលដែលព្រះគម្ពីរនិយាយអំពីប្រជាជាតិនានា វាមិនគ្រាន់តែសំដៅទៅលើប្រទេសប៉ុណ្ណោះទេ។ ផ្ទុយទៅវិញ វាបង្ហាញពីមនុស្សដែលមានទំនាក់ទំនងគ្នា បែបជាចាំណាប់អារណ្ម៍រួម ឬលក្ខណៈសណ្ឋាន។ ពាក្យក្រិកគឺ (អេសណូស)"ethnos" - គឺមានន័យថា ក្រុមមនុស្សដែលមានចំណាប់អារណ្ម៍រួម ឬមនោគមគំនិតរួមគ្នា។ ចូរទទួលស្គាល់ខ្លួនឯងថា អ្នកជាមនុស្សម្នាក់ដែលមិនអាចញែកចេញបានពីព្រះឡើយ, ដ្បិតអី គឺព្រះហើយជាអ្នកបញ្ជូនអ្នកឲ្យទៅ ដើម្បីបានបង្ហាញសិរីល្អរបស់ទ្រង់ដល់ពិភពលោករបស់អ្នក។ កន្លែងណាដែលអ្នកនៅ ឥឡូវនេះ ចូរលាតត្រដាង ទាំងបង្ហាញពីសិរីល្អរបស់ទ្រង់នៅកន្លែងនោះចុះ, នេះគឺជាការត្រាស់ហៅរបស់អ្នក។ អ្នក​គឺ​ជា​អ្នក​ដឹក​នាំដែលមកពី​ព្រះ ជា​ប្រសិទ្ធភាព​នៃ​សិរី​ល្អ​របស់​ទ្រង់ផងដែរ។ ពីព្រោះតែ​សិរី​ល្អ​របស់​ទ្រង់​ស្ថិត​នៅ​ក្នុង​អ្នក នោះអ្នក​អាច​បង្ហាញ​វាបាន និង​ជះឥទ្ធិពល​ដល់​ពិភពលោក​របស់​អ្នក​ជាមួយ​នឹងសិរីល្អនោះបានផងដែរ។ ហាលេលូយ៉ា! #សេចក្ដីអធិស្ឋាន ឱ​ព្រះបិតា​អើយ កូន​សូម​អរ​ព្រះគុណ​ទ្រង់ ដែល​បាន​ធ្វើ​ឲ្យ​កូនក្លាយ​ជា ​អ្នក​នាំ​សិរី​រុងរឿង​របស់​ព្រះអង្គ​ទៅកាន់​ប្រជាជាតិ​នានា។ កូននឹងខិតខំបំពេញតួននាទីនៃការត្រាស់ហៅនេះ ​ដោយ​ប្រាជ្ញា ឧត្តមភាព និង​ព្រះគុណ ទាំងធ្វើឲ្យមានឥទ្ធិពល ​ផ្លាស់ប្តូរចំពោះ​ពិភពលោក​របស់​កូន ​សម្រាប់​ជាសិរីល្អ​របស់ទ្រង់ កូនសូមអធិស្ឋាននៅក្នុង​ព្រះនាម​ព្រះយេស៊ូវ។ អាម៉ែន។ #ការសិក្សាបន្ថែម៖ អេសាយ ៦០:១-៣ កូរិនថូសទី២ ៣:១៨ ហាបាគុក 2:14