မိမိကိုယ်တိုင်ရေးထိုးနေတဲ့ မိမိဘဝရဲ့အရည်အသွေး скачать в хорошем качестве

မိမိကိုယ်တိုင်ရေးထိုးနေတဲ့ မိမိဘဝရဲ့အရည်အသွေး

"မိမိကိုယ်တိုင်ရေးထိုးနေတဲ့ မိမိဘဝရဲ့အရည်အသွေး" "ငါ ဘာအတွက် အသက်ရှင်နေတာလဲ... ဘယ်သူ့အတွက် အသက်ရှင်နေတာလဲ... ငါ့ရဲ့ အသက်ရှင်ခြင်းဟာရော တကယ်ပဲ အနှစ်သာရ ရှိရဲ့လား..." အချိန်တွေ ကုန်လွန်လို့ အသက်အရွယ်တွေ ကြီးရင့်လာပေမဲ့ မရေရာ မသေချာတဲ့ ဦးတည်ချက်တွေနဲ့ အသက်ရှင်နေကြသူတွေ အများကြီးပါ။ အသက်ကြီးလာပေမဲ့ အသိဉာဏ် မရင့်ကျက်လာသူတွေ၊ မိုက်မှားခဲ့ဖူးသလို အခုထိလည်း မိုက်မှားနေဆဲ၊ နောင်လည်း မိုက်မှားဦးမယ့်သူတွေဟာ လောကမှာ ဒုနဲ့ဒေးပါပဲ။ ကိုယ့်ရဲ့ လုပ်ရပ်က ကိုယ့်ဘဝကို ပြန်လည်သတ်ဖြတ်နေတာမျိုး၊ ကိုယ့်ဘဝကို ကိုယ်တိုင် ဖျက်ဆီးနေမိတာမျိုးတွေကလည်း အလွန်ပဲ များလှပါတယ်။ ဒီနေရာမှာ "ငါကော ဘယ်လိုလူမျိုးလဲ" ဆိုတာ ပြန်လည်ဆန်းစစ်ဖို့ လိုလာပါပြီ။ အနည်းဆုံးတော့ မိမိရဲ့ အသက်ရှင်သန်ခြင်းဟာ မိမိအတွက် အကျိုးရှိသင့်ပါတယ်။ မိမိရဲ့ အပြုအမူ၊ အပြောအဆိုနဲ့ အတွေးအခေါ်တွေ ဖြူစင်နေခြင်းဟာ မိမိအတွက် အကျိုးရှိတဲ့ အသက်ရှင်ခြင်းပါပဲ။ အဲဒီထက်ပိုပြီး... မိမိရဲ့ အပြုအမူ၊ အပြောအဆိုကြောင့် သူတစ်ပါးရဲ့ ဘဝတွေ မြင့်မားလာမယ်၊ စိတ်ထားတွေ ဖြူစင်လာမယ်၊ စိတ်အေးချမ်းမှုတွေ ရရှိလာမယ်ဆိုရင်တော့... မိမိလည်း အပြစ်ကင်း၊ သူတစ်ပါးကိုလည်း အပြစ်ကင်းအောင် စွမ်းဆောင်ပေးနိုင်တဲ့အတွက် မိမိရဲ့ အသက်ရှင်ခြင်းဟာ ပိုလို့တောင် အနှစ်သာရ ရှိသွားပါလိမ့်မယ်။ အသက်ရှင်နေထိုင်ခြင်းချင်း တူညီကြပေမယ့်.... အချို့က တန်ဖိုးရှိသူတွေ ဖြစ်သွားကြတယ်၊ အချို့က လူပိုတွေ၊ လူမိုက်တွေ၊ လူယုတ်မာတွေ ဖြစ်သွားကြတယ်။ ဒါတွေဟာ မိမိရဲ့ "စိတ်" ကို ဘယ်လောက်အထိ ထိန်းကျောင်းနိုင်သလဲ ဆိုတဲ့အပေါ်မှာ မူတည်ပြီး လူတစ်ဦးချင်းစီရဲ့ အရည်အသွေးတွေ ကွာဟသွားကြတာပဲ ဖြစ်ပါတယ်။ အရှင်သုဒဿန(မြတ်ပါရမီ) ၁၉၊၂၊၂၀၂၆(ကြာသပတေး)