გურია , ჩოხატაურის რაიონი სოფელი ზემოხეთი "მთა ორკე" / Guria , Choxatauri , Zemoxeti " MTA ORKE"" скачать в хорошем качестве

გურია , ჩოხატაურის რაიონი სოფელი ზემოხეთი "მთა ორკე" / Guria , Choxatauri , Zemoxeti " MTA ORKE""

ისტორია : ვიდეო ეძღვნება ძველ ნატაძრალს რომელისგანაც ამჟამად მხოლოდ ნანგრევებია დარჩენილი . ძლიერმა ინტერესმა და დაუზარელმა სულისკვეთებამ გვაიძულა მოგვენახულებინა ეს ისტორიული და ულამაზესი ადგილი . სანამ ამ ნაბიჯს გადავდგამდით გადავწყვიტეთ მოსახლეობისგან გაგვეგო ამ მთაზე არსებული ეკლესიის ისტორია , იყო აზრთა სხვადასხვაობა , ზუსტი და სანდო მონაცემების მოპოვება ვერ შევძელით, მაგრამ იმდენი მაინც მოვახერხეთ, რომ მოკლე ისტორია გაგიზიაროთ : "თურქების თარეშის დროს მდინარე ხევისწყალის ხეობაში არსებული სოფლები ძალიან აწიოკებული იყო . თურქსელჩუკები იტაცებდნენ ბავშვებს . მათგან თავის დასაცავად ადგილობრივებმა მშვენიერი ხერხი გამოიყენეს , თურქები გადმოდიოდნენ სამხრეთ კავკასიონის მთებზე არსებული სერების გამოყენებით , ადგილობრივებმა მაღალ მთებზე დააწესეს საყარაულოები , მთის მწვერვალებზე თივის კოცონს აჩაღებდნენ და ასე ავრცელებდნენ შვიდ მწვერვალზე , ბოლო მთა იყო ორკე , ორკეზე დანთებულ კოცონს ხედავდნენ ყველა სოფლიდან . გაფრთხილებული ხალხი იოლად უმკლავდებოდა გამტაცებლებს , ხალხმა გადაწყვიტა ორკესთვის მიენიჭებინათ წმინდა სტატუსი და ააშენეს წმინდა გიორგის სახელობის ეკლესია , სადაც კოცონის მაგივრობას უზარმაზარი ზარი ასრულებდა . ზარის რეკვა მტრის გამოჩენას აუწყებდა ხალხს , რა ბედი ეწია ორკეზე არსებულ ეკლეისას ? ის 1924–1926 წლებში დაანგრიეს ბოლშევიკებმა და ააშენეს სოფელ ზემოხეთში სკოლა , მადლიანი ზარი კი დაიკარგა. მისი ისტორია დღემდე უცნობია ჩვენთვის . " თუ ფლობთ მეტად ზუსტ ინფორმაციას გაგვიზიარეთ .