Pro Business - “G’juhadoli ” nga lagjia legjendare te hoteli që rrëfen Shkodrën скачать в хорошем качестве

Pro Business - “G’juhadoli ” nga lagjia legjendare te hoteli që rrëfen Shkodrën

" Pro Business" një emision nga Oljana Maloku në Tv Klan. Emisioni “Pro Business” në TV Klan kishte sot në fokus një nga subjektet turistike më të frekuentuara në zemrën e Shkodrës “G’juhadoli Hotel”. G’juhadoli është një rrugicë e veçantë për shkodranët. E shtruar me kalldrëm dhe me ndërtesa që i japin një pamje unike. Pikërisht të njëjtin emër, të mbajtur me krenari, mban edhe ky subjekt turistik, i cili tashmë është në referencë për turistët e huaj. Fryma e historisë dhe traditës shkodrane nuk është thjesht një emër. Ajo rrënjëzohet thellë në çdo ambient të këtij hoteli. Janë dy godina që në total ofrojnë për turistët 60 dhoma, ndërsa kapacitetet e restoranteve janë për afro 300 persona. Në vend që të fokusohen në luksin e ftohtë që imponon çmimet e larta, “Gjuhadoli Hotel” vë në plan të parë shërbimin e shkëlqyer, gatimin e shijshëm dhe pastërtinë e papërshkruar. Ofron tipologji të ndryshme të dhomave, të gjitha me një raport cilësi-çmim jashtëzakonisht ekonomik. I gjithë ambienti ofron edhe parkim të përshtatshëm. Gatimet janë, pa dyshim, një pikë shumë e fortë në restorantet e Hotel Gjuhadol. Cilësia e shërbimit dhe autenticiteti i përjetueshëm kanë bërë që agjencitë ndërkombëtare turistike ta përfshijnë Gjuhadolin në udhërrëfimet e tyre. Por si lindi, Gjuhadol Hotel? Nisur nga kërkesat e larta nga turistët, sipërmarrësi Lazer Lelja, rrëfen për Pro Business se nga fusha e ndërtimit ku operon prej vitesh i hodhi sytë në investimet në hoteleri e turizëm duke ruajtur traditën Shkodrane. “Unë merrem me pjesën e ndërtimit dhe bashkë me babën tim, domethënë kemi punuar ndërtim dhe kemi bërë një kompani ndërtimi jo shumë të madhe dhe që merremi me ndërtime me prodhime betoni e të tjerë. Atëherë, duke parë pjesën e turizmit që kishte rritje shumë të madhe, sidomos Shkodra që ka shumë burime për turizmin, shumë pasuri, menduam të bëjmë diçka të vogël si fillim dhe bëmë një restorant dhe bëmë edhe disa dhoma hoteli, pastaj duke parë ecurinë. Me të thënë të drejtën duket që është punë shumë e mirë dhe me perspektivë sidomos për ne të rinjtë që kemi hyrë në këtë fushë, në fushën e turizmit dhe kaq pak kohë ka rrëmbyer zemrat. Po dhe me të thënë të drejtën është shumë punë më e bukur se ndërtimi, se punët e tjera.”- thotë LAZER LELJA, SIPËRMARRËS Sot, shumica e banesave private në këtë lagje historike janë kthyer në biznese të vogla që i shërbejnë turizmit. Por cilat janë pikat e forta që e dallojnë Gjuhadolin? “Jemi në qendër të Shkodrës por jemi në rrugën më të vjetër që është shumë rrugë më e frekuentuar në Shkodër, turistat e preferojnë shumë këtë rrugë. Ata edhe po ta marrin hotelin 10 minuta nga këtu ose 20 minuta, të gjithë në darkë vijnë e mblidhen këtu sepse këtu është ajo pjesë dhe unë prandaj vendosa të punoj këtu dhe të investoj këtu.”-shpjegon më tej themeluesi. Vizitorët vijnë nga të gjitha anët e botës dhe shprehen shumë të kënaqur me mikpritjen. “Vizitorët i kemi nga polakë, gjermanë, italianë sepse italianëve ju pëlqen shumë, kemi grekë, kemi turq.” Ndiqni për më tepër emisionin e plotë! SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/