Female Tigress Sighting in Ranthambore - T99 Aishwarya | Wildlife Safari in Zone 10 Ranthambore 4K скачать в хорошем качестве

Female Tigress Sighting in Ranthambore - T99 Aishwarya | Wildlife Safari in Zone 10 Ranthambore 4K

September Safaris Link Ep 1 -    • Safari Khatam Hone se 5 Minute Pehle Dikha...   Ep 2 -    • Ranthambore National Park - Zone 10 Tiger ...   Ep 3 -    • Tiger Sighting in Zone 10 - T99 Aishwarya ...   Bharat ke itihaas mein kayi mahaan shoor-veeron ka zikr hai. Koi Mangal Pandey ki wah waahi karta hai toh koi Bhagat Singh aur Chandra Shekhar ki. Lekin ek naam aisa bhi hai jiske zikr ke bina bharat ki azaadi ki baat humesha adhuri rahegi. Aur wo naam hai Rani Laxmi Bai ka. Rani Laxmi Bai akele angrezon se bohot hi himmat se ladhi. Aur ye aaj ki humari video bhi ek aise hi rani ki baare mein hai, jo ek aankh na hone ke baad bhi Ranthambore ke zone 10 pe rule karti hai. Toh shuru karen? Shuru karne se pehle ek chota sa nivedan. Ye sab videos banana mein humari bohot mehnat lagti hai. Safari ki booking se leke, aake videos edit karne tak, paisa aur paseena dono hi lagta hai. Aur uske baad jab 500-600 views aate hain, toh aage videos banane ka motivation thoda kam ho jaata hai. Toh please iss video ko end tak dekhen, aur acha lage toh like aur subscribe zarur karen. Chaliye shuru karte hain video ki. Ye safari June 2022 ki thi, aur iss din hum mile T-99 yaani Aishwarya se. Ye ek morning safari thi aur hum time se gate pe pahonch gaye. Zone 10 Ranthambore ka ek aisa zone hai, jahan jam ke tiger sighting hoti hai aur booking bhi asaani se mil jaati hai. Jab tak humare guide safari ki permit kata rahe hain, chaliye humare driver se jante hai Ranthambore ke baare mein kuch basic cheezein. Hum Zone 10 sirf Aishwarya ko dhundne nahi aaye the. Yahan pe do bade male ki territory hai, T58 – Rocky aur T108 – Jai. Aur T99 ke bache bhi yahin ghumte rehte hain. Toh hum shuru ke samay mein har area check karne lage. Abhi August mein bhi hum 3 din ke liye Ranthambore aaye the aur 6 safari ki thi. Uss experience ke vlogs bhi humne apne channel pe daale hain. Usme bhi achi achi tiger sighting hui thi. Videos dekhne ke liye neeche description mein diye link pe click karen. Thoda duur chalne ke baad hume panje ke nishaan dikhe aur hum wahan ruk ke guide aur driver se baatein karne lage. Aur jaise ki kismat mein kabhi kabhi jaldi sighting hoti hai, kuch hi aage badhte hi hume T99 ke darshan ho gaye. Na koi alarm calls, na panje aur na hi kisi ka phone call. Bass gaadi chalate chalate hum pahonch gaye seedha tiger ke pass. Sighting hote hi sab ke sab relaxed state mein aa jaate hain. Dekhte hi Dekhte aur gaadiyan aane lagi. Ho ye raha tha ki Aishwarya bachon ko alag chor hunt karne nikli thi. Aur ek do try mein fail hone ke baad wo thak ke yahan araam karne aa gayi. Baagh ke liye shikaar karna bohot mushqil hota hai. Khaas kar Ranthmabore jaise jungle mein jahan pe chupne ke liye cover kam rehta hai. Aur jab baaghin teen bachon ke saath ho, toh usko lagbhag roz hi shikaar karna padta hai. Har baar bachon ko chorke shikaar karne jaane ke liye usse unhe chupane ki nayi jagah dhundni padti hai aur jald se jald shikaar kar apne bachon ke paas wapas aana hota hai. Aishwarya ka janm January 2016 mein hua tha, aur iski maa ka tiger code tha T60, jiska naam forest walon ne choti indu Rakha tha. Naam ki baat karen toh jungle mein baaghon ke naam kabhi kabhi bohot hi funny rakh dete hain. Jaise iska naam Aishwarya Rakha samajh aata hai, par iski beti ka naam Aradhya rakh diya. Bohot der tak hum isse dekhte rahe, par ye tass se mass na hui. Aise so rahi thi jaise pait bhar Rakha ho, aur kisi cheez ki koi fikr hi nahi. Par hume ye jitni relaxed lag rahi thi, asal mein ye utni hi satark thi. Isse dekhte dekhte hua ye, ki hume kaafi der tak movement nahi dikha toh humne kuch der ke liye camera band kar diya. Aur camera band kiya hi tha ki ye langur pe jhapti. Aankhon ne toh dekh liye par camera se capture nahi hua. Sabhi gaadiyon mein bhi turant hulchul mach gayi aur iske peeche peeche badhne lage. Ab wo itna andar jaake baith gayi thi ki theek se shots lena mushqil tha. Par bandar pe hamla karne ke baad se iski bhi neend udd gayi thi aur satark hoke hum sabko dekh rahi thi. Kuch der ke baad wahan VIP gaadi bhi aa gayi. Yahan ke chote bade jo adhikaari hote hain, wo kayi baar andar patrolling karne aate hain. Ye dekhne ke liye ki sab rules follow ho rahe hain ya nahi. Iss Sarkari gaadi ki kismat kharab thi ki ye yahan pe tab pahonche jab tigress andar jaa chuki thi. Ek ghante tak jab wo bahar leti rahi, tab ye forest chowki pe chai pi rahe the. Sighting toh hume ho gayi thi par iss queen ko ek baar paas se dekhne ka mann tha. Aur thodi hi der mein bahar nikalne se pehle ye uth ke thoda main road ke paas aa gayi. Ek Ek kar har gaadi ne iske paas jaake darshan kiye aur bahar ki orr rawana ho gaye.