Энурезни даволаш.​⁠ скачать в хорошем качестве

Энурезни даволаш.​⁠

Ўз навбатида, “Энурез” бу қуйидаги касалликларда намоён бўлади. пешоб ажратиш тизими норасоликлари; ЛОР тизими касалликлари; гижжа касалликлари; авитаминоз; ўта толиқиш; асаб тизими фаолиятидаги ўзгаришлар ва умуртқа поғонасидаги айрим нуқсонлар; эндокрин безлар билан боғлиқ касалликлар; Эслатиб ўтамиз: бола руҳиятида ҳар қандай салбий таъсир оқибатида ҳам энурез кузатилиши аниқланган. Клиник белгилари: Болаларда 2 ёшгача тунги сийғоқлик физиологик ҳисобланиб ўғил болаларда қизларга нисбатан кўпроқ учрайди. Энурезни келтириб чиқарган сабабига қараб унинг белгилари ҳам турли хил бўлади. Пешоб ажратиш тизими норасоликларида: энурез ягона, яъни хасталикнинг илк белигиси сифатида намоён бўлади. Вақт ўтиши билан касаллик зўрайиб кучаниб тез-тез сийиш, қорин оғриши, тана хароратининг кўтарилиши, безовталик кузатилади. Шу маҳал ўз вақтида даволанмаса, дард оғирлашиб кўнгил айниш, иштахасизлик, бош оғриши, холсизлик, тез чарчаш, тана териси рангининг ўзгариши, чанқаш, кўп сув ичиш, кўп сийиш, оғзидан ёқимсиз ҳид келиб, охир оқибат буйрак етишмовчиликка олиб келади. Бу хасталикнинг оғир даражаси хисобланиб, даволаш анча мушкуллашади. ЛОР тизими касалликлари: тез-тез томоғининг яллиғланиб йўталиши, оғиз орқали нафас олиши, уйқуда хуррак отиши билан бирга сийғоқлик кузатилади. Гижжа касаллиги: бола уйқусининг бузилиши, тана вазнининг ўз ёшига нисбатан кам бўлиши, тана терисида оқиш доғлар пайдо бўлиши, иштахасизлик, инжиқлик, уйқуда тишини ғичирлатиши билан бирга гоҳида кечаси сийиб қўяди. Ҳозирги пайтда болалар орасида кўпайиб бормоқда. Асаб тизими фаолиятидаги ўзгаришлар ва умуртқа поғонасидаги айрим нуқсонлар: қўл-оёқларда мускуллар ривожланишининг бузилиши, бундай болалар инжиқ, жахлдор бўлиб уйқуси жуда қаттиқ бўлади, хаттоки кечаси сийиб қўйганини билмасдан ҳўл ўринда ётаверади.