خربوشة و القايد عيسى بن عمر l'histoire de Kharboucha скачать в хорошем качестве

خربوشة و القايد عيسى بن عمر l'histoire de Kharboucha

قصة الشيخة خربوشة...مولاتْ الكلام الموزون... معروفة ومتداولة بين سكان عبدة ودكالة... هي قصة امرأة «فحلة» وقفات فوجه فساد السلطة...فوجه (القايد عيسى بن عمر) ونصرات أهلها المظلومين...وقالت فالظالم كلام عمرو تنسى لدابا... الشيء لي خلا المخرج الزوغي يخرج فيلم بعنوان «خربوشة»...وكانظن بلي الاغلبية فيكم شافو...فيلم كايحكي على فترة السيبة والظلم لي عاشتها خربوشة واهلها تحت الطغيان ديال القايد عيسى بن عمر... فيلم حاز على عدة جوائز سينمائية... قصة خربوشة لي صبحات رمز للنضال فعبدة...مغاديش نشوفو فيها العيطة من جهة النشاط و الحيحة و الزهو... وانما وسيلة خداتها خربوشة وتقناتها وعزلات كلامها ونظماتها باش تفيق الضمائر ديال ولاد قبيلتها (ولاد زيد) باش تكون فيهم الهمة والحرقة و ينوضو نوضة وحدة ومايسكتوش على حقهم لي غصبهم فيه القايد عيسى... القايد عيسى بن عمر العبدي واحد من كبار القياد في المغرب ديك الوقت...ولد قبيلة البحاترة في عبدة... قايد ابا عن جد...ماقراش اللوحة فالجامع مزيان ولكن كان قافز و شاد الحكام من صغرو و عندو شلا نواعر وهادشي لي خلا خوه الكبير يثيق فيه ويخليه خليفة ليه بعد الموت ديالو... ومن غير الدهاء ديالو كان عيسى بن عمر رجل نشاط وزهو، وكايسهر الليالي مع الفن الشعبي... تابعينو العيوط فينما مشى... وباش يضمن المنصب ديالو كقايد متحكم ويحافظ عليه كان مثقل على سكان قبايل عبدة بالضرائب، حتى لو كانو فسنوات القحط والأمراض...وتايراكم وراهم المال والجاه والنفوذ كما بغا... كان حاكمها وقاطعها فيهم وباسو شديد... والناس فالقبايل لي حاكمها تجوع ماهي للشتا لي ماصبات والارض لي نشفات والامراض لي كثرات... ووصلات به الحال يحيد لقبايلو السلاح ويحرمهم من الخيل