వేటూరి గారిపై దండకం | Veturi Dandakam | Dandakam on Veturi | Rajan PTSK скачать в хорошем качестве

వేటూరి గారిపై దండకం | Veturi Dandakam | Dandakam on Veturi | Rajan PTSK

సినీ శ్రీనాథుడైన వేలపాటల వేటూరి గారిపై సినీ ప్రముఖుల పేర్లతో నేను రచించిన ఛందోబద్ధమైన దండకమిది. శ్రీకాకుళాంధ్రవిష్ణువు కారుణ్య దృష్టి సోకినటువంటి కృష్ణాతీరం పెదకళ్ళేపల్లి గ్రామంలో పండిత వంశంలో పుట్టిన వేటూరిగారు, తల్లిదండ్రుల దగ్గర నుండి సంగీతసాహిత్య మర్మాలను తెలుసుకుని, ఆపై ఆకాశవాణిని కూడా ఒక గురువుగా స్నేహితునిగా సంభావించి, మరింతగా జ్ఞానాన్ని సంపాదించారు. కళాశాల చదువు పూర్తయ్యాక, పత్రికారంగంలో చేరి అక్కడ చాలా మంచి పేరు తెచ్చుకొని, ఆపై ఆంధ్రుల అన్నగారైన నందమూరి తారకరామారావుగారి ప్రోద్బలంతో సినీరంగంలో ప్రవేశించారు. మల్లాది వారు, పింగళిగారు, ఆత్రేయగారు వేటూరిగారికి అభిమాన సినీగీత రచయితలు. కె. విశ్వనాథ్ గారు సినీకవిగా మొదటి అవకాశమివ్వగా, కె. రాఘవేంద్రరావు గారు వేటూరిగారికి ఆప్తుడై ఆయనను ఎంతగానో ప్రోత్సహించారు. ఇంకా ఎందరో ప్రసిద్ధులైన దర్శకులు, నిర్మాతలు, సంగీత దర్శకులు, గాయనీ గాయకులు, హీరో, హీరోయిన్లకు వేటూరిగారే ఇష్టమైన పాటల రచయిత. ఆ విషయాలన్నింటిని ఇలా చిన్నపాటి ఓ దండకంగా కూర్చి ఆ పాటల ఱేడుకు అలంకరిస్తున్నాను. దండకం ఛందస్సు కనుక అన్నీ త గణాలే ఉండి చివర గురువుతో పూర్తవుతుంది. అంటే మొత్తం దండకమంతా కూడా రెండు గురువులు ఒక లఘువు - మరలా రెండు గురువులు ఒక లఘువు ఇలానే సాగి చివర గురువుతో ముగుస్తుంది. ఇక ఆ దండకంలోకి ప్రవేశిద్దాం. #veturi #veturisundararamamurthy