91 yaşlı Azərbaycanlı Nənənin CAVANLIQ SİRRİ - Hər Gün 1 QAŞIQ Yeyir скачать в хорошем качестве

91 yaşlı Azərbaycanlı Nənənin CAVANLIQ SİRRİ - Hər Gün 1 QAŞIQ Yeyir

#azerbaycan #kənd #kəndhəyatı Azərbaycanda uzun ömürlülüyün sirri dağ havası və təmiz qidalanmadır. Hər kəs bu düsturu bilir, ancaq əməl edərək uzun ömür yaşamağın sirrini əldə edə bilmir. Demək məsələ bu düsturda göstərilənlərə əməl etməkdən keçir. Azərbaycanda da uzun ömürlüyü ilə məşhurlaşan bölgələrimiz var. Dağ havası və təmiz qidalar – bəli bu 2 şərtə uyğun şərait hansı bölgələrimizdə var? Bu gün sizə Azərbaycanın qeyri-adi, sirli təbiəti ilə seçilən,sıx meşələr ətrafında yerləşən, sakit, huzurlu bir kəndi ilə tanış edəcəm. Gözəl havası, təbiəti, təmiz qidaları ilə seçilən bölgələrimizdən biri də Astaradır. Yolumuz isə Astaranın adı kimi, təbiəti, mənzərəsi, qeyri-adi bulağı ilə seçilən, dəniz səviyyəsindən 1100 metr hündürlükdə yerləşən Miki kəndinədir. Astara rayonunun Miki kəndi nəinki respublikada, hətta bəzi xarici ölkələrdə də məşhurdur. Bu məşhurluğu Mikiyə kənddə tədarük edilən "bal" gətirib. "Miki balı", demək olar ki, hər yerdə tanınır. Eyni zamanda Miki adlı çox məşhur, qədim bulaq da kənddə yerləşir. Bulağın suyu təmizliyi, müalicəvi əhəmiyyəti ilə seçilir. Hər tərəfi dağlarla əhatə olunub, sıx meşəliklər içərisində, cənnətin sanki yerə enmiş bir güşəsidir. Sakitlik, huzur, təmiz hava üçün əvəzolunmaz yerdi. Kənddən Miki çayı axır. Kənd sakinlərinin əksəriyyəti arıçılıqla məşğuldur. Miki kəndinin ərazisi əvvəllər yaylaq olub. Kənd sakinlərinin sözlərinə görə, dədə-babaları yaylağa köçüblər. Əvvəlcə çadırlarda məskunlaşıblar, sonra isə gildən evlər tikib yaşamağa başlayıblar. Kənd, təxminən, XX əsrin əvvəllərində illərində heyvandarların otlağı olub. Burada 5-6 ev, 2-3 tayfa, onların da 3-4 təsərrüfatı olub. Getdikcə nəsillər artıb və Miki əmələ gəlib. Miki kəndinin adına gəlincə isə öyrəndik ki, bununla bağlı iki versiya var. Birinci versiyaya görə, təxminən XII əsrdə Monkin adlı tatar sərkərdə bu ərazilərdə gedən döyüşlərdə həlak olub və kəndin meşə ərazilərində qəbiristanlıqda dəfn edilib. Ehtimal olunur ki, kəndin adı da Monkinin öldüyü yer kimi Miki qalıb. Digər variant isə belədir: İranlı alimin "Kadusilər"in tarixi haqqında yazdığı kitabda talışların tarixi barədə məlumat verilib. Orada Miki kənd haqqında da qeyd edilib. Lakin həmin kitabda "Miyanküy" adı ilə yazılıb. "Miyan" talışca "orta", "küy" isə "dağlar" deməkdir. Yəni dağlar ortasında kənd. Sonradan isə tələffüzə uyğun olaraq dəyişdirilərək "Miki"yə çevrilib". Kənddə hazırda min nəfərə yaxın əhali yaşayır. Mikililərin əsas məşğuliyyəti arıçılıq, maldarlıq və sitrusçuluqdur. Miki balı o qədər məşhurdur ki, Rusiya çarı I Pyotr belə, bu baldan istəyib. Kənddə həyətində 200-300 arı yeşiyi olan kəndlilər var. Həvəskar arıçının belə, azı 20-30 arı yeşiyi var. Ümumilikdə Astarada 37 minə yaxın arı ailəsi var ki, bunun, təxminən, 13 mini Mikidədir. Bəli, uzun, sağlam ömür yaşamaq üçün 2 vacib düsturu qeyd etdik – təmiz hava və qidalanma. Gördüyünüz kimi, Astarada, xüsusilə Miki kəndində bu imkan çox yüksəkdir. Burdakı təmiz bal sağlamlıq üçün bir nömrəli vasitədir. Kənd sakini arıçı Vidadi Hüseynov deyir ki, arıçılıq ona ata-babadan miras qalıb: Dünyada nadir bitən ağaclardan hesab olunan Dəmirağacı və Şimşar ağacları da bu kənddə var. Bu da kəndin təbiətini daha da zənginləşdirir. Ora getmək istəyənlər üçün cəlbedici edir. Kənddə diqqət çəkən şeylərdən biri də köhnə qəbiristanlıqlardır. Bu da ərazinin necə qədim, tarixi olduğunu göstərir. Astaranın Qarabağ müharibəsindəki ilk şəhidi Teymur Rüstəmov Miki kəndindəndir. Onun adına kənddə məktəb fəaliyyət göstərir. Mikidə cır xurma, ağcaqayın, cökə ağacları da var ki, arıçılıq üçün xeyli faydalıdır. Arıçılar may balını süzəndən sonra arıları meşəyə aparırlar. Təqribən, avqustun 20-nə kimi orada saxlayırlar. Miki balını həm dadına, həm keyfiyyətinə, həm də qoxusuna görə fərqləndirən cəhətlərdən biri də elə budur. Mikidə cır xurma, ağcaqayın, cökə ağacları da var ki, arıçılıq üçün xeyli faydalıdır. Arıçılar may balını süzəndən sonra arıları meşəyə aparırlar. Təqribən, avqustun 20-nə kimi orada saxlayırlar. Miki balını həm dadına, həm keyfiyyətinə, həm də qoxusuna görə fərqləndirən cəhətlərdən biri də elə budur. Sitrusçuluq son illərdə inkişaf etdirilib. Həm gəlirli sahə, həm də sitrus ağaclarının arıçılığa çox xeyri olduğuna görə. Belə ki, arılar sitrus meyvələrinin çiçəklərindən nektar çəkir. Heyvandarlıq əvvəllər çox inkişaf etsə də, hazırda çox zəifləyib. Kəndə qaz çəkilməyib. Evlərdə odun sobasından istifadə edən kənd əhalisi, əsasən, meşədən yıxılmış və çürümüş ağacları toplayaraq qışa tədarük görürlər.