ယနေ့ ( ၂၁ - ၂ - ၂၀၂၆ ) အတွက် မိုးလေဝသခန့်မှန်းချက်များ скачать в хорошем качестве

ယနေ့ ( ၂၁ - ၂ - ၂၀၂၆ ) အတွက် မိုးလေဝသခန့်မှန်းချက်များ

ယနေ့ ( ၂၁ - ၂ - ၂၀၂၆ ) အတွက် မိုးလေဝသခန့်မှန်းချက်များ ▪ လေဖိအားနည်ရပ်ဝန်းအသစ်တစ်ခုကြောင့် မိုးရွာသွန်းနိုင် ▪ ဧရာဝတီတိုင်းက မိုးရွာသွန်းမှုနဲ့ စိုက်ပျိုးရေး အခြေအနေ ဒီကနေ့ ဖေဖော်ဝါရီလ ၂၁ ရက်နေ့အတွက် ပြည်နယ်နဲ့ တိုင်းအသီးသီးက မိုးလေဝသ အခြေအနေတွေကို တင်ပြပေးပါ့မယ်။ အီကွေတာအနီး ဘင်္ဂလားပင်လယ်အော် အရှေ့တောင်ပိုင်းမှာ လေပွေလှိုင်းအသစ်တစ်ခု ဒီနေ့မှာ စတင်ဖြစ်ပေါ်နေပြီး ဒီလေပွေလှိုင်းဟာ နောက် ၄၈ နာရီအတွင်းမှာ လေဖိအားနည်းရပ်ဝန်းတစ်ခု ဖြစ်လာနိုင်ကာ အနောက်-အနောက်မြောက်ဘက်ကို ဆက်လက် ရွေ့လျားနိုင်မှာဖြစ်ပါတယ်။ ဒီလေဖိအားနည်းရပ်ဝန်းဟာ ဘင်္ဂလားပင်လယ်အော်အတွင်း လာမယ့်တပတ်အတွင်းအထိ ဘင်္ဂလားပင်လယ်အော်အတွင်း ရှိနေနိုင်မှာဖြစ်ပေမဲ့ ဆိုင်ကလုန်းမုန်တိုင်းအဆင့်မရောက်နိုင်ဘူးလို့ မိုးလေဝသပညာရှင်တွေက ခန့်မှန်းထားကြပါတယ်။ လေဖိအားနည်းရပ်ဝန်းရဲ့ အရှိန်ကြောင့် ဒီနေ့မှာ ပဲခူးတိုင်းအတွင်းက ပဲခူးမြို့၊ ဘုရားကြီးနဲ့ သနပ်ပင်မြို့နယ်တွေမှာ မိုးအနည်းငယ်ကနေ အသင့်အတင့် ရွာနိုင်တယ်လို့ မိုးလေဝသပညာရှင် ဦးဝင်နိုင်က ခန့်မှန်းထားပါတယ်။ ဒါ့အပြင် နေပြည်တော်၊ ရန်ကုန်တိုင်း၊ မန္တလေးတိုင်း၊ မကွေးတိုင်း၊ ဧရာဝတီတိုင်း၊ တနင်္သာရီတိုင်းတို့နဲ့အတူ ကရင်နီပြည်၊ ကရင်ပြည်၊ ချင်းပြည်၊ မွန်ပြည်နဲ့ ရှမ်းပြည် (တောင်ပိုင်းနဲ့ အရှေ့ပိုင်း) တို့မှာလည်း နေရာကွက်ကျား မိုးအနည်းငယ် ထစ်ချုန်းရွာနိုင်ပါတယ်။ အထူးသဖြင့် ပဲခူးတိုင်းမှာတော့ မိုးတိမ်တောင်တွေ ဖြစ်ထွန်းမှု အားကောင်းနေတာကြောင့် မိုးရွာတဲ့အခါ လေပြင်းတိုက်တာ၊ မိုးထစ်ချုန်းတာ၊ မိုးကြိုးပစ်တာနဲ့ မိုးသီးကြွေတာမျိုးတွေ ဖြစ်ပေါ်နိုင်လို့ အထူးသတိပြုကြဖို့ လိုအပ်ပါတယ်။ ဒါ့အပြင် ဖေဖော်ဝါရီ ၂၄ ရက်ကနေ ၂၆ ရက်အတွင်း ရှမ်းပြည်၊ ကရင်နီပြည်၊ ကရင်ပြည်၊ ပဲခူးတိုင်းနဲ့ ဧရာဝတီတိုင်းအတွင်းက ဒေသအချို့မှာ လေပြင်းတွေနဲ့အတူ နေရာကွက်ပြီး မိုးများနိုင်တဲ့ အခြေအနေတွေ ရှိနေမှာ ဖြစ်ပါတယ်။ ဒီနေ့ရဲ့ နေ့အပူချိန်တွေမှာတော့ မကွေးတိုင်း၊ ချင်းပြည်၊ ပဲခူးတိုင်းအရှေ့ခြမ်း၊ ဧရာဝတီတိုင်းနဲ့ ရန်ကုန်တိုင်းတို့မှာ မနေ့ကထက် ၂ ဒီဂရီလောက်စီ အပူချိန်တွေ ထပ်မံမြင့်တက်လာနိုင်ဖြစ်ပြီး မကွေးတိုင်းအတွင်းက ချောက်၊ ဆိပ်ဖြူ၊ စလင်း၊ ပွင့်ဖြူ၊ မင်းဘူး၊ မကွေး၊ ဆင်ပေါင်ဝဲ၊ အောင်လံ၊ သရက်နဲ့ ကံမ မြို့နယ်တွေမှာ ၃၈ ဒီဂရီဆဲလ်စီးရပ်အထိ အပူချိန် မြင့်တက်နေမှာဖြစ်ပါတယ်။ ဒါ့အပြင် ပဲခူးတိုင်းအနောက်ပိုင်းက ပေါင်းတည်၊ နတ္တလင်း၊ သာယာဝတီ၊ ပြည်နဲ့ ပန်းတောင်း မြို့နယ်တွေမှာလည်း ၃၈ ဒီဂရီအထိ မြင့်တက်နိုင်ပြီး ရခိုင်ပြည်က မင်းပြား၊ မြောက်ဦးနဲ့ ကျောက်တော် မြို့နယ်တွေမှာလည်း ၃၆ ကနေ ၃၈ ဒီဂရီကြားမှာ ရှိနေနိုင်တာကြောင့် နေ့ဘက်မှာ တော်တော်လေး အိုက်စပ်စပ် ဖြစ်လာပါလိမ့်မယ်။ ညအပူချိန်တွေမှာတော့ မန္တလေးတိုင်း ကချင်ပြည် ပဲခူးတိုင်းအနောက်ပိုင်း တို့မှာ ညအပူချိန် ၂ ဒီဂရီလောက်စီ မြင့်တက်နိုင်သလို မွန်ပြည်က ကမ်းရိုးတန်းတလျောက်မှာတော့ ၂၈ ဒီဂရီအထိ ရှိနေသလို၊ တနင်္သာရီတိုင်း၊ ဧရာဝတီတိုင်း ကမ်းရိုးတန်းဒေသတွေနဲ့ ပဲခူးတိုင်းအရှေ့ခြမ်း ကျောက်ကြီးမြို့နယ်တို့မှာ ၂၆ ဒီဂရီဝန်းကျင်အထိ ရှိနေလို့ ညဘက်မှာ အတော်လေး နွေးနေနိုင်မှာဖြစ်ပါတယ်။ မြန်မာပင်လယ်ပြင်မှာတော့ မြန်မာကမ်းရိုးတန်းတလျောက်နဲ့ ကမ်းလွန်ပင်လယ်ပြင်တို့မှာ လှိုင်းအသင့်အတင့်ရှိနိုင်ပြီး လှိုင်းအမြင့် ၄ ပေကနေ ၆ ပေလောက်အထိ ရှိနိုင်ပါတယ်။ ဆက်လက်ပြီးတော့ ဧရာဝတီတိုင်းဒေသကြီးအတွင်းမှာရှိတဲ့ စိုက်ပျိုးတောင်သူဦးကြီးတွေအတွက် ဒီတစ်ပတ်အတွင်း ဖြစ်ပေါ်လာနိုင်တဲ့ မိုးလေဝသနဲ့ မြေဆီလွှာအခြေအနေတွေကို တင်ပြပေးပါ့မယ်။ ဒီတစ်ပတ်အတွင်း ဧရာဝတီတိုင်းမှာ ထူးခြားချက်အနေနဲ့ မိုးတိမ်တွေ အုံ့ဆိုင်းနေနိုင်ပြီး နေရာအချို့မှာ မိုးအနည်းငယ်ရွာတာ ဒါမှမဟုတ် မိုးဖွဲကျတာမျိုးတွေ ဖြစ်ပေါ်လာနိုင်ပါတယ်။ ဒီလို မိုးအုံ့တဲ့အခြေအနေတွေ ရှိနေပေမဲ့လည်း နေ့လယ်ပိုင်းမှာတော့ လေထုစိုထိုင်းဆက ၂၀ ကနေ ၃၀ ရာခိုင်နှုန်းဝန်းကျင်ပဲ ရှိနေဦးမှာဖြစ်ပြီး ညနဲ့ မနက်ပိုင်းမှာတော့ ၇၀ ကနေ ၈၀ ရာခိုင်နှုန်းအထိ ရှိနေနိုင်တာကြောင့် လေထုက အသင့်အတင့် စိုစွတ်နေမှာ ဖြစ်ပါတယ်။ မြေဆီလွှာအစိုဓာတ်အနေနဲ့ ကန်ကြီးတောင့်၊ သာပေါင်းနဲ့ ဒါးကမြို့နယ်တွေမှာ မြေအောက် ၄ လက်မကနေ ၆ လက်မအနက်မှာ အစိုဓာတ် ၁၃ ဒသမ ၈ ရာခိုင်နှုန်းလောက်ပဲ ရှိနိုင်ပြီး လပွတ္တာမြို့နယ်မှာလည်း ၁၄ ဒသမ ၂ ရာခိုင်နှုန်းလောက်ပဲ ရှိနိုင်တာကြောင့် ဒါဟာ တိုင်းအတွင်းမှာ အစိုဓာတ်အနည်းဆုံး ဖြစ်နေတဲ့ ဒေသတွေပဲ ဖြစ်ပါတယ်။ ကျုံပျော်၊ ဓနုဖြူ၊ ငသိုင်းချောင်း၊ အဖျောက်၊ ဇလွန်၊ ဟင်္သာတနဲ့ လေးမျက်နှာမြို့နယ်တွေဘက်မှာတော့ အစိုဓာတ် ၁၅ ဒသမ ၃ ရာခိုင်နှုန်းလောက် ရှိနိုင်ပြီး အင်္ဂပူ၊ ထူးကြီး၊ မြန်အောင်နဲ့ ကြံခင်းမြို့နယ်တွေဘက်မှာတော့ ၂၁ ဒသမ ၈ ရာခိုင်နှုန်းအထိ ရှိနိုင်ပါတယ်။ အစိုဓာတ်အကောင်းဆုံးဒေသတွေကတော့ ဘိုကလေး၊ ဖျာပုံ၊ ဒေးဒရဲနဲ့ ကျိုက်လတ်မြို့နယ်တွေဖြစ်ပြီး မြေအောက်အစိုဓာတ် ၂၈ ဒသမ ၄ ရာခိုင်နှုန်းအထိ ရရှိနိုင်တာကို တွေ့ရပါတယ်။ တောင်သူဦးကြီးတွေအနေနဲ့ ဒီတစ်ပတ်မှာ မိုးအနည်းငယ်ရွာနိုင်တာကြောင့် စိုက်ခင်းတွေကို ရေသွင်းတဲ့အခါ မိုးလေဝသအခြေအနေကို ကြည့်ပြီး စနစ်တကျ ချိန်ဆလုပ်ကိုင်ကြဖို့ လိုသလို မိုးအုံ့ပြီး စိုထိုင်းဆများလာရင် အပင်တွေမှာ မှိုရောဂါကျရောက်နိုင်တာကိုလည်း သတိပြုကြရပါမယ်။ ဒါ့အပြင် ရေငွေ့ပျံနှုန်း ၄ မီလီမီတာအထက်မှာ ရှိနေတဲ့ အင်္ဂပူ၊ မြန်အောင်နဲ့ လပွတ္တာမြို့နယ်တွေမှာ နေပူချိန်မှာ ရေလောင်းရင် ရေဓာတ်ဆုံးရှုံးမှု များနိုင်တာကြောင့် ရေသွင်းတာကို ညနေစောင်း ဒါမှမဟုတ် ညဘက်အချိန်တွေမှာပဲ လုပ်ဆောင်ပေးကြဖို့ အကြံပြုလိုပါတယ်။ အထူးသတိပေးချင်တာကတော့ မနက်ဖြန် ဖေဖော်ဝါရီ ၂၂ ရက်နဲ့ ၂၃ ရက်တွေကစလို့ ဧရာဝတီတိုင်းရဲ့ ဒေသအချို့မှာ လေထုညစ်ညမ်းမှုအညွှန်းကိန်း AQI ဟာ ၂၀၀ အထက် အနီရောင်အဆင့်အထိ မြင့်တက်လာနိုင်ပါတယ်။ ဒါဟာ အသက်ရှူလမ်းကြောင်းဆိုင်ရာ ကျန်းမာရေးအတွက် အလွန်အန္တရာယ်ရှိတဲ့ အဆင့်ဖြစ်လို့ ကျန်းမာရေးကို အထူးဂရုစိုက်ကြဖို့လည်း တိုက်တွန်းပြောကြားလိုပါတယ်ရှင်။ မိုးလေဝသခန့်မှန်းချက်တွေဟာ များသောအားဖြင့် ၇၀% ခန့်သာမှန်နိုင်တာကြောင့် …….. #psm_news #psm_weather #psm_weather