HRAJCE HUDACI - Jovgen NADJ скачать в хорошем качестве

HRAJCE HUDACI - Jovgen NADJ

На памятку Яковови САЛАКОВИ (1947-1994) Яков Салак народзени 4.авґуста 1947. року у Руским Керестуре. Основну школу закончел у родним валалє а стредню електротехнїчну у Новим Садзе. Студирал, потим на Висшей управней школи а шнїл о чимшик барз розличним и од електротехнїки и од правних наукох. Литература, поезия и ґлума були його скрити любови а їх моц обняла Якова у другей половки 60-тих рокох. Кед то похопел Яков вецей нє трацел час уписал ше на Драмски студио у Новим Садзе и гладко го закончел. Постал професионални ґлумец и перши анґажман му бул у Вершцу. Отамаль, вєдно зоз супругу Кармелу о дзивочку Ивану, преселєли ше до Зеници дзе постал член тамтейшого Народного театру. Ту остал осем сезони, нє дзбаюци превельо же почала война. Жил насампредз у швеце ґлуми, пошвецени своєй професиї до конца. Кармели ше, зоз дзивку Ивану, удало пребиц на сиґурне и там чекали же ше то даяк удали и Яковови. Алє нє, хлопох нє пущали так лєгко и Яков мушел остац у войновим огню. Зло хторе ширела война уплївовало на його чувствительну душу. Перши знаки чежкей хороти ше указовали алє нїхто му нє понукал озбльну помоц. Вше було важнєйших од нього, нє було места у геликоптеру за ньго, нє могол пойсц достац комплетни прептрунок и фахову дияґнозу. А тото го можебуц могло, у вчасней фази хороти, виратовац. Зло коло нього и зла хорота у нїм однєсли побиду у тих чежких рокох Яков Салак бул поховани 5. марца 1994. року на теметове Прашнице у Зеници. Любителє театра у Вершцу и Зеници го напевно запаметали по ґлумецких витвореньох у представох Яр Ивана Ґалеба, На Божей драги, Святи Сава, Лиса шпивачка, Пасха ношача Самуила и других. Наступал Яков и на сцени Стерийового позоря, патрели зме го у улогох у вецей ТВ-драмох. И були зме горди же маме Руснака професионалного ґлумца. Голєм ми, його пайташе, мали таке чувство. Руски предняци у култури о нїм нє дзбали нєзнамяк. Ми, його приятелє, го запаметали и по його упечатлївих ґлумецких витвореньох у аматерских представох як цо то були Цифрована лабда(1966), потим На стреду ше реґиструєм (1967). Писал Яков Салак и поезию, чисту, интимну поезию алє любоморно крил теку у хторей призначовал свойо поетски роздумованя. Обявел писнї у Литературним слове, натупел на Струнох шерца зоз власну писню а кус познєйше леґендарни Яким Сивч на Яковов поетски текст компоновал прекрасну шпиванку под назву Грайце, гудаци!. Послухайце ище раз тоту шпиванку, слухайце з увагу єй стихи, и голєм по нєй запаметайце и дїло и судьбу нїґда до конца одгаднутого Якова Салака з керестурского Нового шору. Тот памятни пост поставя єден з його приятельох