ជាប្រវត្តិសាស្ត្រ ដែលសេណេហ្កាល់ ត្រូវដកសិទ្ធិពីតំណែងជើងឯកវិញ скачать в хорошем качестве

ជាប្រវត្តិសាស្ត្រ ដែលសេណេហ្កាល់ ត្រូវដកសិទ្ធិពីតំណែងជើងឯកវិញ

ជាប្រវត្តិសាស្ត្រ ដែលសេណេហ្កាល់ ត្រូវដកសិទ្ធិពីតំណែងជើងឯកវិញ សហព័ន្ធកីឡាបាល់ទាត់អាហ្វ្រិក (CAF) បានដកតំណែងជើងឯកអាហ្វ្រិក Africa Cup of Nations ឆ្នាំ ២០២៥ របស់សេណេហ្កាល់វិញ ដោយបដិសេធលទ្ធផលប្រកួតនៅវគ្គផ្តាច់ព្រ័ត្រ បន្ទាប់ពីការដើរចេញពីទីលានដោយគ្មានការអនុញ្ញាតរបស់កីឡាករសេណេហ្កាល់។ តំណែងនេះត្រូវផ្តល់ជូនម៉ារ៉ុកជំនួសវិញ។ សេណេហ្កាល់ បានយកឈ្នះម្ចាស់ផ្ទះម៉ារ៉ុក ១-០ ក្នុងវគ្គផ្តាច់ព្រ័ត្រ Afcon នៅថ្ងៃទី១៨ ខែមករា។ ទោះជាយ៉ាងណាក៏ដោយ លទ្ធផលនេះត្រូវបានលុបចោលបន្ទាប់ពីការសម្រេចចិត្តរបស់ក្រុមប្រឹក្សាឧទ្ធរណ៍នៅស្ថាប័នគ្រប់គ្រងបាល់ទាត់អាហ្វ្រិក។ CAF បានសរសេរក្នុងសេចក្តីប្រកាសរបស់ខ្លួនថា ដោយសារសេណេហ្កាល់ បានដើរចេញពីការប្រកួតផ្តាច់ព្រ័ត្រ ដូច្នេះលទ្ធផលត្រូវសម្រេចឱ្យម៉ារ៉ុក ឈ្នះសេណេហ្កាល់ ៣-០។ បើក្រឡែកមើលក្នុងបញ្ជីប្រវត្តិសាស្ត្របាល់ទាត់ ករណីក្រុមបាល់ទាត់ជម្រើសជាតិត្រូវបានដកតំណែងជើងឯកចេញវិញ ក្រោយពីការប្រកួតឈ្នះរួច ពុំធ្លាប់កើតមាននោះឡើយសូម្បីតែម្តង។ លើកលែងតែការប្រកួតនៅកម្រិតក្លិបប៉ុណ្ណោះ ធ្លាប់ត្រូវបានដកតំណែងជើងឯកព្រោះបញ្ហារំលោភបំពានច្បាប់ការប្រកួត ឬការកំណត់លទ្ធផលទុកជាមុន។ ១. Juventus ត្រូវបានដកតំណែងពានរង្វាន់ Serie A រដូវកាល ២០០៤-០៥ និង ២០០៥-០៦ ព្រោះករណីរៀបចំលទ្ធផលការប្រកួតទុកមុន។ ពានរង្វាន់នៅឆ្នាំ ២០០៤-០៥ ត្រូវបានទុកចោលឱ្យនៅទទេដោយគ្មានក្រុមជើងឯក ចំណែកពានរង្វាន់ឆ្នាំ ២០០៥-០៦ បានដកពី Juventus ប្រគល់តំណែងឱ្យក្រុម Inter Milan។ ២. Olympique de Marseille ដកតំណែងពានរង្វាន់ Ligue 1 ឆ្នាំ ១៩៩២-៩៣ ព្រោះតែករណីរៀបចំលទ្ធផលការប្រកួតទុកជាមុន កាលនោះជាប់ពាក់ព័ន្ធទៅនឹងប្រធានក្លិបលោក Bernard Tapie។ ទោះបីដកសិទ្ធិម្ចាស់ជើងឯក Ligue 1 ប៉ុន្តែ Marseille នៅអាចរក្សាតំណែងជើងឯក UCL នៅឆ្នាំដដែលនោះបាន។ ៣. Elgin City ត្រូវបានដកតំណែងជាក្រុមជើងឯកលីគបាល់ទាត់ Highland League ឆ្នាំ ១៩៩២-៩៣ ប្រចាំស្កុតឡែន ក្រោយរកឃើញថា បានដាក់កីឡាករដែលគ្មានសិទ្ធិចូលលេងឱ្យចូលប្រកួត។ ព្រោះតែបញ្ហាបន្លំកីឡាករចូលលេងនោះ បានធ្វើឱ្យការប្រកួត Highland League នោះគ្មានក្រុមជើងឯក លើកដំបូងបង្អស់ក្នុងរយៈពេល ១០០ឆ្នាំ។ ផលិតដោយសារព័ត៌មានឌីជីថលថ្មីៗ សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Social Media: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Digital Media (thmeythmey.com) #thmeythmey #thmeythmeynews #cambodianess #thmeythmey25 #angkorwat #cambodia #ថ្មីៗ