ရှင်သာရိပုတ္တရာနှင့်ရှင်မဟာမောဂ္ဂလန်တို့၏ အလောင်းလျာ ဥပတိဿနှင့်ကောလိတ သူကြွယ်နှစ်ဦးအကြောင်း တရားတော် скачать в хорошем качестве

ရှင်သာရိပုတ္တရာနှင့်ရှင်မဟာမောဂ္ဂလန်တို့၏ အလောင်းလျာ ဥပတိဿနှင့်ကောလိတ သူကြွယ်နှစ်ဦးအကြောင်း တရားတော်

ဘုရားရှင် မပွင့်မီကာလကပင်လျှင် ရာဇဂြိုဟ်ပြည်မှ မနီးမဝေးသောအရပ်၌ ဥပတိဿရွာ၊ ကောလိတရွာဟူ၍ နှစ်ခုရှိခဲ့သည်။ ထိုနှစ်ရွာမှ ဥပတိဿရွာ၌ ရူပသာရီအမည်ရှိသော ပုဏ္ဏေးမ၏ဝမ်းဝယ် ကိုယ်ဝန်တည်သောနေ့၌ပင်လျှင် ကောလိတရွာ မောဂ္ဂလိ အမည်ရှိသော ပုဏ္ဏေးမ၏ဝမ်း၌လည်း ကိုယ်ဝန်တည်သည်။ အမည်မှည့်အံ့သော နေ့၌ ရူပသာရီအမည်ရှိသော ပုဏ္ဏေးမ၏သားအား ဥပတိဿရွာ၌ အကြီးဖြစ်သော အမျိုး၏သားဖြစ်သောကြောင့် ဥပတိဿဟူသော အမည်ကို မှည့်ကုန်၏။ မောဂ္ဂလိပုဏ္ဏေးမ၏သားအား ကောလိတရွာ၌ အကြီးဖြစ်သော အမျိုး၏သားဖြစ်သောကြောင့် ကောလိတဟူသော အမည်ကို မှည့်ကြလေကုန်၏။ထိုအခါ ရာဇဂြိုဟ်ပြည်၌ နှစ်စဉ်မပြတ် ပြုအပ်သော တောင်ထိပ်ပွဲသဘင်မည်သည် ရှိလေ၏။ ထိုနှစ်ဦးသော လုလင်တို့အားလည်း ညောင်စောင်းကို တစ်ခုတည်းသော အရပ်၌သာ ဖွဲ့ကြ,ခင်းကြကုန်၏။ နှစ်ယောက်သော လုလင်တို့သည် တစ်ပေါင်းတည်း အတူနေ၍ ပွဲလမ်းသဘင်ကို ကြည့်ရှုကြကုန်သည်။ ထိုသို့ ပွဲလမ်းသဘင် ကြည့်ရှုစဉ် နှစ်ယောက်သောသူတို့သည် ဤသို့ ကြံကြကုန်၏။ “ဤပွဲလမ်းသဘင်၌ ကြည့်ရှုဖွယ်ရာ တစ်စုံတစ်ခုသော အခြင်းအရာသည် အဘယ်မှာ ရှိသနည်း၊ ဤအလုံးစုံသော သတ္တဝါတို့သည် အနှစ်တစ်ရာသို့ မရောက်မီ မိမိ၏ အမည်ပညတ်မျှ မရှိသည်၏အဖြစ်သို့ ရောက်ကြကုန်လတ္တံ့၊ ငါတို့သည်ကား ဝဋ်မှထွက်မြောက်ရာ တစ်ခုသောတရားကို ရှာခြင်းငှာ သင့်၏”ဟူသော အာရုံကိုယူ၍ နေကြကုန်၏။ ထို့နောက်မှ ကောလိတသည် ဥပတိဿကို “အဆွေဥပတိဿ- သင်ကား အခါတစ်ပါး အခြားသော နေ့ရက်တို့၌ကဲ့သို့ ဝမ်းမြောက်ဝမ်းသာ မရှိ၊ နှလုံးမသာခြင်း သဘောရှိသည် ဖြစ်၏၊ သင်သည် အဘယ်အာရုံကို အမှတ်အသား ပြုနေသနည်း”ဟု မေးလတ်သော် “အဆွေကောလိတ၊ ထိုပွဲသဘင်တို့ကို ကြည့်ရှုရာ၌ အနှစ်မရှိ၊ ထိုပွဲသဘင်ကို ကြည့်ရှုခြင်းသည် အကျိုးမရှိ၊ မိမိ၏ ဝဋ်မှထွက်မြောက်ရာတရားကို ရှာခြင်းငှာ သင့်သည်ဟု ကြံစည် အောက်မေ့လျက် နေပေသည်။ အသင်ကား အဘယ့်ကြောင့် နှလုံးမသာခြင်း သဘောရှိသနည်း”ဟု မေးပြန်၏။ ထိုကောလိတသည်လည်း ဥပတိဿနှင့်တူစွာ ပြောဆိုသောအခါ ဥပတိဿသည် ကောလိတ၏ မိမိနှင့်အတူတကွ အလိုတူသည့်အဖြစ်ကို သိရ၍ “နှစ်ယောက်သော ငါတို့အား ကောင်းသောအကြံကို ကြံမိ၏။ ဝဋ်မှထွက်မြောက်ရာ တရားကို ရှာလိုကုန်သော ငါတို့သည် တစ်ခုသော ရဟန်းအဖြစ်ကို ရခြင်းငှာ သင့်၏။ ထို့ကြောင့် ဘယ်ဆရာ့အထံ၌ ရဟန်းပြုကြရကုန်အံ့နည်း”ဟု ဆိုလေ၏။ထို့နောက်ရဟန်းပြုကြပြီး ရှင်သာရိပုတ္တရာမထေရ်မြတ်နှင့်ရှင်မောဂ္ဂလန်မထေရ်မြတ်ဟူ၍ ဘုရားရှင်၏ အဂ္ဂသာဝကနှစ်ဦးဖြစ်လာကြပုံအကြောင်း တရားတော်ကို ဒေါက်တာအရှင်ဣန္ဒာစရိယ (သီတဂူ) မှ ဟောကြားထားသောတရားတော်ဖြစ်ပါသည်။ မင်္ဂလာပါခင်ဗျာ ဤချန်နယ်တွင် ဆရာတော်ဘုရားကြီးများဟောကြားသော တရားတော်များ နှင့် ▶️စိတ်၀င်စားဖွယ်ရာ ဘုရားသမိုင်းကြောင်းများ၊ မြန်မာ့ရိုးရာယဉ်ကျေးမှုများ၊ ဗုဒ္ဓဘာသာဆိုင်ရာဇာတ်တော် အကြောင်းအရာများကို ▶️ပရိတ်၊ ပဌာန်း စသည့် တရားဓမ္မနှင့်ပတ်သတ်သည့် Video ,များကိုနေ့စဉ်မပျက်မကွက် တင်ဆက်ပေးနေတာကြောင့် Subscribe လုပ်ထားပေးကြဖို့တောင်းဆိုချင်ပါတယ်ခင်ဗျာ #ဓမ္မဒါန #တရားတော်များ # ပါချုပ်ဆရာတော်#သစ္စာရွှေစည်ဆရာတော် #အရှင်ကောဝိဒ#ပရိတ်ကြီး၁၁သုတ်#ပဌာန်း#videoedit#Buddha#Dhamma#Tayar #ဦးသုမင်္ဂလ #ဥူးသုမင်္ဂလ #ဒယ်အိုးဆရာတော် #သမိုင်းကြောင်း #ဗုဒ္ဓဝင် #ရှေးဟောင်းယဉ်ကျေးမှု #Historical #Bagan #documentary #သီတဂူကြယ်တပွင့် #သီတဂူ #ရှင်ဣန္ဒာစရိယ