Thinkers Podcast EP03 "Социологи, Нийтийн эрх ашиг" М.Энхбадрал скачать в хорошем качестве

Thinkers Podcast EP03 "Социологи, Нийтийн эрх ашиг" М.Энхбадрал

Thinkers подкастын 3 дахь дугаарт тавтай морил. Зочноор “Цогц Хөгжлийн Үндэсний Төв”-ийн гүйцэтгэх захирал, социологич М.Энхбадрал оролцлоо. Энэ дугаарт Цогц Хөгжлийн Үндэсний Төв, судалгааны чиглэл, социологийн шинжлэх ухаан ба нийтийн эрх ашгийн сангийн тухай маш сонирхолтой ярилцлага өрнүүллээ. Бид долоот бүр подкастаараа дамжуулан сэтгэгчид, экспертүүдийн мэдлэг, гүн ойлголтыг (insight) хуваалцана. Хөтлөгчийн тухай: С.Өнөр нь Нухацтай сэтгэлгээ (2024) номын зохиогч, Thinkers.mn төслийн санаачлагч. Улс төр, экономиксийн ШУ-ны коммюникатор (science communicator) юм. Think with us, subscribe Thinkers podcast. Key insights: Мэтгэлцээний хөгжил: 📌 Ил тод, нээлттэй байдал сүүлийн жилүүдэд эрс дордсон. Нээлттэй бодлогын мэтгэлцээн нь улс төрчдөд тавих наад захын шалгуур. 📌 Мэтгэлцээнээр хичээллэдэг залуучууд угтаа нийгмийн асуудлыг зоригтой шүүмжилж дуугарч чаддаг л байх хэрэгтэй. Хүний биеэр бол дархлааны эсүүдтэй ижил үүрэгтэй. 📌 Үзэл бодол, үнэт зүйлдээ итгэлтэй зогсож чадахгүйгээр бие даасан хүн байх ямар ч боломжгүй. Социологийн шинжлэх ухаан: 📌 Нийгмийн бүтцийг хамгийн өргөн бөгөөд гүн судалдаг шинжлэх ухаан нь социологи. 📌 Хүмүүс нэр алдарт, олонд танигдахад дурладаг нь байдаг л нийтлэг зүйл. Гэвч энэ хүслээ хангахдаа шинжлэх ухааныг арга хэрэгсэл болгох нь салбарын хөгжилдөө тун хортой. 📌 Нийгмийн салбар шинжлэх ухаанууд Монголдоо, нийгэмдээ үр дүнгээ үзүүлж, үүргээ биелүүлэх хэрэгтэй. Нийгмийн олон асуудлыг шийдэхэд академик салбар ажиглагч уу, оролцогч уу гэдгээ тодорхойлъё. 📌 Социологийн шинжлэх ухаан нь нийгмийг зөвхөн тайлбарладаг биш, шүүмжилдэг, сайжруулдаг шинжлэх ухаан. Нийтийн эрх ашгийн сангийн талаар: 📌 Хараат бус, бие даасан байдлаар ажиллая гэж бодож байгаа бол ходоодоо жижиг байлгах ёстой. Өөрийгөө тоодог, үнэлдэг байж гэмээнэ худалдагдахгүй үлдэж чадна. 📌 Монголчууд нийтийн эрх ашгийн төлөөх иргэний нийгмийн байгууллагуудаа дэмждэг, хандив өгдөг болох хэрэгтэй. Энэ бол соёлын өөрчлөлт. 📌 Бид эрх чөлөөгөө хамгаалъя гэвэл гаднаас ч, дотоод улс төрөөс ч хараат бус үндэсний иргэний нийгмээ хөгжүүлэх цаг нь болсон. 📌Шударга харилцаа чухал. Үндэсний байгууллагуудын бие даасан байдлыг бодитоор дэмждэггүй, туслан гүйцэтгэгчийн түвшинд харьцдаг харилцаа бол шударга харилцаа биш ээ гээд иргэний нийгмийн байгууллагууд дуу нэгтэйгээр хүлээн зөвшөөрч байна. Төрийн ч, олон улсын байгууллагуудад ч энэ хамаатай. 📌Ингэвэл зөв, тэгэх ёстой гэдгийг мэдээж хэн ч хэлж чадна. Гагцхүү хэлсэн үгийн үнэ цэнийг бидний хийж бүтээсэн ажил, зарчим, туулж ирсэн замнал тодорхойлно. Бид энэ шалгуураа тодорхой хэмжээнд хангаж чадсан гэж үздэг. Timestamps: 00:00-03:23 Танилцуулга 03:23-08:05 Мэтгэлцээний ур чадвар 08:05-16:39 Мэтгэлцээний хөгжил 16:39-37:15 “Цогц хөгжлийн үндэсний төв”-ийн тухай 37:15-58:21 Социологийн шинжлэх ухаан 58:21-1:01:37 Социологийг хаанаас эхэлж судлах хэрэгтэй вэ? 1:01:37-1:13:59 “Монголын нийгмийн давхраажилт” номын тухайд 1:13:59-1:32:30 Нийтийн эрх ашгийн сангийн тухай