Gəncə şəhər stadionunun yenidən qurulması işlərinin layihələndirilməsi скачать в хорошем качестве

Gəncə şəhər stadionunun yenidən qurulması işlərinin layihələndirilməsi

Gəncə şəhər stadionunun yenidən qurulması işlərinin layihələndirilməsi “GLOBAL ENGINEERING MANAGEMENT COMPANY” MMC şirkəti olaraq tərəfimizdən 2023-cü ildə başlanmış və 2024-cü ildə tamamlanmışdır. Təməli, ötən ilin aprelində dövlətimizin başçısı tərəfindən qoyulmuş bu layihə, 2023-cü ilin oktyabrında imzaladığı “Gəncə şəhər stadionunun yenidən qurulması ilə bağlı tədbirlər haqqında” Sərəncama uyğun olaraq icra edilmişdir. Bu ilin sentyabrın 27-də isə o, Gəncə Stadionunun açılışında iştirak edib. Memarlarımız Anar Kərimov və Səbuhi Balacayev tərəfindən modern üslubda və Gəncə şəhərinin ümumi görünüşünə xələl gətirmədən layihələndirilən stadionun ərazisi 10 hektardan çoxdur və onun ümumi azarkeş tutum 15343 nəfər olaraq nəzərdə tutulub. Stadionun 1-ci mərtəbəsində müxtəlif növ iaşə obyektləri, restoran, turniketlər, fun shoplar, fiziki məhdudiyyətli şəxslər üçün müvafiq sayda oturacaqlar, fiziki məhdudiyyətli şəxslər üçün sanitar qovşaqlar və digər zəruri obyektlər nəzərdə tutulmuşdur. Stadionun 2-ci mərtəbəsində VVİP və VİP zonalar, business lunch, bufet və digər zəruri sahələr nəzərdə tutulmuşdur. Stadionun 3-cü və 4-cü mərtəbələrdə jurnalistlər üçün iş sahələri nəzərdə tutulmuşdur. Stadion binasının fasadı həm Gəncə şəhərinin tarixi və rəng koloristikasına uyğun olaraq tərtib olunmuşdur. Fasada, ümumi fona uyğun, alüminium material istifadə edilmişdir. Ərazidə AFFA tərəfindən köməkçi məşq meydançaları və futbol akademiyasının binası tikilib. Stadionda futbolçular üçün soyunub-geyinmə, konfrans, tibb, hakimlər, texniki heyət üçün otaqlar və digər zəruri sahələr yaradılıb. UEFA-nın IV kateqoriya standartlarına uyğun inşa edilən arena müasir işıqlandırma, səs, yayım, internet, təhlükəsizlik sistemləri ilə təchiz olunub. Məlum olduğu kimi, Reqlamentə görə dünya çempionatlarının finallarının, Avropa çempionatlarının, UEFA Liqa çempionatlarının və Avropa Liqa çempionatlarının keçirilməsinə IV kateqoriyaya aid stadionlarda icazə verilir. Qeyd edək ki, bu ilin avqustunda Prezident İlham Əliyev və birinci xanım Mehriban Əliyeva stadionda aparılan tikinti işlərinin gedişi ilə tanış olublar. Beynəlxalq səviyyədə idman ölkəsi kimi nüfuzunu getdikcə möhkəmləndirən Azərbaycanın bölgələrində bu sahənin inkişafı dövlətimizin prioritet istiqamətlərindən biridir. Son illərdə regionlarda tikilən və yenidən qurulan idman kompleksləri yerlərdə idmanın kütləviləşməsinə mühüm töhfə verir, gənc nəslin sağlam böyüməsində əhəmiyyətli rol oynayır. Belə müasir idman arenalarının istifadəyə verilməsi ölkəmizin digər bölgələrində olduğu kimi, Gəncədə də istər yerli, istərsə də beynəlxalq yarışların yüksək səviyyədə keçirilməsinə hərtərəfli şərait yaradacaq. Gəncə stadionu haqqında qısa məlumat: Gəncə şəhər stadionu 1959-1963-cü illərdə tikilib 1964-cü ildə istismara verilmişdir. Burada bir sıra məşhur oyunlar keçirilib. Azərbaycan çempionatında qeydə alınmış ən yüksək azarkeş göstəricilərinin hamısı məhz bu stadionda qeydə alınıb. Kəpəz futbol klubu bütün ev oyunlarını məhz bu stadionda keçirmişdir. Arena "Dinamo Kirovabad” klubunun 1967-ci ildə SSRİ çempionatının yüksək liqasına çıxması ilə genişləndirilib. Azərbaycan premyer-liqasının 2015/2016-cı il mövsümündə tamaşaçı sayına görə rekord vuran "Kəpəz" futbol klubunun 18 ev oyununu Gəncə şəhər stadionundan 240650 azarkeş izləyib. Ən çox tamaşaçı isə 2016-cı il fevralın 14-də XXI turda keçirilən "Kəpəz"–"Qarabağ" görüşündə qeydə alınıb – 20400 tamaşaçı. Son illərdə tamaşaçı tribunaları yararsız vəziyyətə düşdüyündən və texniki cəhətdən istismarı mümkün olmadığından stadionun fəaliyyəti qismən həyata keçirilirdi. Bu səbəbdən Gəncənin Kəpəz klubu da ev oyunlarını başqa şəhərlərdə keçirməli olurdu. Cənab prezident İlham Əliyevin hər zaman idmana göstərdiyi xüsusi qayğı və diqqət nəticəsində ərsəyə gələn Gəncə şəhər stadionunun layihə işlərinin “GLOBAL ENGINEERING MANAGEMENT COMPANY” MMC olaraq tərəfimizdən ərsəyə gəlməsi bizim üçün xüsusi qürur mənbəyidir. Bundan sonrakı fəaliyyətimizdə də ölkəmiz və millətimiz üçün yararlı olmaqda davam edəcəyik. www.tfm.az