Top News - Epilogu i Altin Dumanit në krye të SPAK/ Goditjet e mëdha të Prokurorisë së Posaçme скачать в хорошем качестве

Top News - Epilogu i Altin Dumanit në krye të SPAK/ Goditjet e mëdha të Prokurorisë së Posaçme

Pesë anëtarë të Këshillit të Lartë të Prokurorisë në dhjetor të 2022, i besuan Altin Dumanit drejtimin e Prokurorisë së Posaçme për korrupsionin dhe krimin e organizuar për një mandat tre vjeçar, teksa në këtë garë përballej me dy kolegët e tij Adnan Xholi dhe Edvin Kondilli. Tre vite më parë ishin të pakta shpresat që Altin Dumani do të krijonte një profil të ri institucional dhe ishin thuajse zero pritshmëritë e qytetarëve që në drejtimin e tij, prokuroria e posaçme do të çonte përpara përgjegjësisë disa nga njerëzit më tëpushtetshëm në vend dhe se do të goditeshin grupe të sofistikuara kriminale, madje nuk mendohej ndërhyrja në vende që deri para pak vitesh cilësoheshin si zona të kuqe për shkak se mbizotëronte krimi. Për kryeprokurorin e hekurt nuk kishin rëndësi emrat nëse ata ishin të majtë apo të djathtë, në këtë mënyrë ai zgjodhi të godiste në zemër të pozitës dhe opozitës, duke treguar forcën si drejtues i institucionit më të rëndësishëm të drejtësisë në Republikë. Ndëshkueshmëria e zyrtarëve dhe ish zyrtarëve nga niveli më i lartë në atë lokal u bë realitet gjatë mandatit të Dumanit, madje kjo u forcua edhë më shumë mbasi SPAK vuri nën akuzë 4 prej personave më të rëndësishëm të politikës, dy nga opozita dhe dy nga mazhoranca. Në 4 muaj, me firmën e Altin Dumanit dhe të disa prokurorëve të tjerë, u mbyllën në qeli Ilir Meta dhe Erion Veliaj, të dyshuar për disa vepra penale nga korrupsioni, fshehja e mosdeklarimi i pasurisë te pastrami i parave. Kjo goditje e fuqishme nga organi hetues, solli përherë të parë reagimin e kreut të ekzekutivit Edi Rama, i cili deri përpara kësaj dite këmbëngulte në moskomentimin e çështjeve të drejtësisë. Pas arrestimit të Erion Veliaj që nga shumë figura të politikës, por edhe nga një pjesë e popullit cilësohej i paprekshëm nga drejtësia, godina e qelqtë ra nëheshje për disa muaj, derisa afroi nëntori dhe SPAK lëshoi dy masa sigurie për zëvëndëskryeministren Belinda Balluku njëherësh ministre e infrastukturës dhe enegjisë. Balluku u bë kështu zyrtarja më e lartënë vend me statusin e pandehur nga SPAK. Dy ditë përpara se Dumani të largohej nga zyra e drejtuesit, SPAK ndau publikisht për mediat se po heton Belinda Ballukun për 9 tendera, për të cilat ka dyshime se ajo ka paracaktuar fituesit, konkretisht për ndërtimin e Tunelit të Llogarasë, Qendrën e Monitorimit të Trafikut, për segmentin rrugor Sheshi Shqiponja- Bulevardi i ri- Shkozë, Urat mbi lumin Tirana si dhe për ndërtimin e Loteve të Unazës së Madhe. Në të njëjtën ditë, prokuroria e posaçme i përcolli shkresë Kuvendit duke i kërkuar heqjen e mandatit të deputetës Belinda Ballukut për të vijuar më tej me procedurën ligjore. Ndërkaq, edhe kopsitja e dosjes Partizani pas disa vitesh nga kallëzimi i dorëzuar në SPAK përballi Sali Berishën me drejtësinë në cilësinë e të pandehurit. Ndaj tij u caktua fillimisht masa detyrim paraqitje dhe më pas arresti në shtëpi, për shkak se ish kryeministri nuk iu bind urdhrit të gjykatës. Gjatë këtij viti kreu i Partisë Demokratike është paraqitur rreth 20 herë në SPAK, ku në çdo rast ka sulmuar ashpër dhe ka përdorur gjuhë denigruese ndaj Altin Dumanin dhe gjyqtares Irena Gjoka. Ministra e ish ministra, deputetë në detyrë ose jo, kryebashkiakë e ish kryebashkiakë në detyrë dhanë llogari përpara drejtësisë për implikimin e tyre në korrupsion apo edhe për pasjen dijeni mbi hetime të caktuara të prokurorisë speciale. Pjesa më e madhe e dosjeve që ishin nën hetim u përmbyllën gjatë kohës që SPAK u drejtua nga Altin Dumani, duke nisur nga Kompleksi Partizani, Cez Dia Sterilizimi, Inceneratorët, Gërcedi, duke mos lënë pas dosjet e nxehta të krimit të oranizuar, Plumbin e Artë, Metamorfozën, Revanshin apo operacionin Ura. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Epilogu#Altin#Dumani