မကြာခဏ ဗုံးကြဲမှုများကြောင့် လားရှိုးမြို့ကနေ ဒေသခံများ ပြန်လည်စွန့်ခွာနေ скачать в хорошем качестве

မကြာခဏ ဗုံးကြဲမှုများကြောင့် လားရှိုးမြို့ကနေ ဒေသခံများ ပြန်လည်စွန့်ခွာနေ

မကြာခဏ ဗုံးကြဲမှုများကြောင့် လားရှိုးမြို့ကနေ ဒေသခံများ ပြန်လည်စွန့်ခွာနေ ………… ပြီးခဲ့တဲ့ ဩဂုတ်လဆန်းပိုင်းက ကိုးကန့်တပ် MNDAA ထိန်းချုပ်လိုက်တဲ့ လားရှိုးမြို့ကို စစ်ကောင်စီလေတပ်က မကြာခဏ ဗုံးကြဲနေတာကြောင့် အရပ်သားထိခိုက်၊ သေဆုံးမှုတွေ မြင့်တက်လာပြီး ရာနဲ့ချီတဲ့မြို့ခံတွေဟာလည်း လားရှိုးမြို့ကနေ ပြန်လည်စွန့်ခွာသွားကြပြီလို့ သိရပါတယ်။ ပြီးခဲ့တဲ့ သြဂုတ်လကုန်ကနေ စက်တင်ဘာ ၃၀ရက်နေ့အထိ လားရှိုးမြို့ကို စစ်ကောင်စီက အနည်းဆုံး ၁၀ကြိမ် ဗုံးကြဲခဲ့တာကြောင့် ပြည်သူ ၃ဦးသေပြီး ၄၈ ဦး ထိခိုက်ဒဏ်ရာရခဲ့တယ်လို့ လားရှိုးလူမှုကူညီရေးအဖွဲ့တွေနဲ့ ကိုးကန့်တပ်က ထုတ်ပြန်ထားပါတယ်။ အရှေ့မြောက်တိုင်းစစ်ဌာနချုပ်(ရမခ) တည်ရှိရာ ရှမ်းပြည်မြောက်ပိုင်းရဲ့ မြို့တော် လားရှိုးကို ဩဂုတ်လဆန်းပိုင်းမှာ ကိုးကန့်တပ်(MNDAA)နဲ့ ပူးပေါင်းတပ်တွေက သိမ်းပိုက်နိုင်ခဲ့တာပါ။ မြို့သိမ်းတိုက်ပွဲတွေစတင်ခဲ့တဲ့ ဇူလိုင်လဆန်းကတည်းက ထောင်သောင်းချီတဲ့မြို့ခံတွေဟာ လားရှိုးမြို့ကနေ အလုံးအရင်းနဲ့ ထွက်ခွာသွားကြတာပါ။ ဩဂုတ်လ ၃ရက်နေ့မှာ လားရှိုးမြို့တစ်ခုလုံးနဲ့ ရခမကို ကိုးကန့်တပ်က အပြီးသတ် သိမ်းပိုက်နိုင်ခဲ့ပြီးတဲ့နောက် မြို့ခံတစ်ချို့ ပြန်လည်ဝင်ရောက်နေထိုင်ကြပြီး ကိုးကန့်တပ်ရဲ့ အုပ်ချုပ်ရေး၊ ကျန်းမာရေးယန္တယားတွေ လည်ပတ်နေတာလည်း ဖြစ်ပါတယ်။ ဒါပေမယ့် စစ်ကောင်စီက နေ့စဉ်ရက်ဆက်ဆိုသလို ဗုံးကြဲလာတာကြောင့် မြို့ခံတွေဟာ လားရှိုးမြို့ကို ပြန်လည်စွန့်ခွာလာကြပါတယ်။ သတင်း၊ တင်ဆက် - မြတ်ကြီး