The Low Mays - 香港地 (生與死) To Live and Die in H.K. (Official Lyrics Video) скачать в хорошем качестве

The Low Mays - 香港地 (生與死) To Live and Die in H.K. (Official Lyrics Video)

第9首歌《香港地 (生與死) To Live and Die in H.K》收錄於 The Low Mays《人生贏家3: 酒火入魔》 Album Playlist - https://linktr.ee/thelowmays 監製：Ming Ko 編曲：Ming Ko, Nile Sun 混音：Ming Ko 封面：Jimmy Choi, Leung Yui Wai Follow The Low Mays   / thelowmays     / thelowmays   ©2024 C.W.A. Records Lyrics: [Hook - 漢和仔] 我啲女喺邊全部喺香港地 我啲錢喺邊全部喺香港地 我啲兄弟喺邊全部喺香港地 我啲OPPS係邊全部喺香港死, ooh x2 [Verse 1 - 漢和仔] 尋晚坐咗個time machine 俾我返番十年前 發現地方有好多改變 但冇改變我自己入面 初中既我係我面前出現 佢問我未來係點 我同佢講你會上台表演 你會同班friend一齊去癲 同佢講你會搵好多錢 亦都有好多嘢會令你失眠 佢地會當你係人生贏家 但唔會認識你真正一面 你嘅夢想同埋理念 我到依家都未係實踐 但你嘅努力同埋堅持 十年後都一路不變 但無論個結局係點 我哋嘅故事由我哋嚟篇 生老病死都係同一個team 包保敵黨唔會賺到一個仙 就算世界點樣變遷 班兄弟都會係你身邊 我都會係你身邊 漢和 [Hook - 漢和仔] 我啲女喺邊全部喺香港地 我啲錢喺邊全部喺香港地 我啲兄弟喺邊全部喺香港地 我啲OPPS係邊全部喺香港死, ooh x2 [Verse 2 - 奶油包] 2018年好想死 坦白講好憎自己 專心撈但係撈極唔起 有天份但冇咩人理 只係得我班兄弟 鼓勵我唔好放棄 就算場show得百幾人睇 都要堅持唱到去尾 Aye 六人一顆心，走過薄扶林道 眨吓眼走咗上麥花臣 又走咗上蘋果日報 點叫我抌低枝咪 耷低個頭去搵番份正職來做 見到個香港搞成咁 uh 我都好難唔燥 世界keep住變 經歷過幾多春秋 唔知會30歲上到紅館 定係30歲逼住退休 唔知會半島到搞慶功 定嗱住排啤酒係公園到踎 但無論點都會抵抗到尾 心嗰團火唔會俾人沒收 [Verse 3 - 蜜蜂翁] 以前個個叫我翁三姑 嗰時單身好乸艱苦 眨吓眼就已經做咗夫婦 仲有頭家要我照顧 細個陣淨係掛住追女仔 而家淨係諗點樣keep女仔 開個直播同大家傾句 計 做個好榜樣 比 我個女睇 世界真係好細 光陰真係寶貴 依家唔只係照顧我 仲有我老婆同 三歲個仔 聽朝早起身要搵麵包 所以係studio唔好夜得滯 但係每個禮拜錄完歌 都會留低陪我啲兄弟 生活嘅速度好難去跟 以前麥記甜筒賣緊兩蚊 依家去七仔都買唔到紙巾 童年舊舖全部被翻身 依然去老字號舖食雲吞 繼續學點做個好嘅父親 熱愛這片土地 因為最後都要落葉歸根 [Verse 4 - 健康華] 記得以前六個喺富林苑 睡房入面一齊rap到氣喘 快樂時光太快 光陰太短 十幾年竟然會走得咁遠 之前聽我哋嗰班小學雞 依家大個晒考埋DSE 由坐校巴後面 背我哋歌詞 到 夾緊錢 睇show買 幾件band T 過去八年 有太多回憶 係富林苑 識晒啊翁啲親戚 同漢和仔FaceTime 傾住心事 希望個電話訊號唔會kick 知道劈友方有幾忙 單獨受過唔少打擊 就算佢出嚟行 有幾咁搏 希望佢都會有時間休息 唔知你哋五個係咩現況 遊手好閑定係chur到天光 食緊龍蝦定係 兩餸便當 健康華祝你地身心健康 就算身處邊度 有咩時差 記住我哋唯一有嘅係而家 無論我 哋計劃有咩偏差 唔好唔記得欣賞路邊啲花 [Hook - 漢和仔] 我啲女喺邊全部喺香港地 我啲錢喺邊全部喺香港地 我啲兄弟喺邊全部喺香港地 我啲OPPS係邊全部喺香港死, ooh x2