Ang Ating Kaaliwan sa Bawat Araw: Pagbubuod ng Ikapitong Araw ng Panginoon скачать в хорошем качестве

Ang Ating Kaaliwan sa Bawat Araw: Pagbubuod ng Ikapitong Araw ng Panginoon

Araw ng Panginoon 7 Tanong: Kung gayon, ang lahat bang tao na napahamak kay Adan, ay naligtas sa pamamagitan ni Cristo? Sagot: Hindi, ‘yong mga nahugpong lamang sa Kanya at tumanggap ng lahat Niyang pagpapala sa pamamagitan ng tunay na pananampalataya. Tanong: Ano ang tunay na pananampalataya? Sagot: Ang tunay na pananampalataya ay hindi lamang isang tiyak na kaalaman, kung saan ay naninindigan ako para sa katotohanan ng lahat na ipinahayag sa atin ng Dios sa Kanyang Salita, kundi isa pang tiyak na pagtitiwala, na Siyang pagkilos ng Banal na Espiritu sa aking puso sa pamamagitan ng Magandang Balita, na yaon ay hindi lamang para sa iba, kundi pati na sa akin, ang kapatawaran ng mga kasalanan, walang hanggang katuwiran at kaligtasan, na malayang ipinagkaloob ng Dios, sa Kanyang biyaya para lamang sa kapakanan ng natapos na gawain ni Cristo. Tanong: Ano kung gayon ang nararapat panampalatayaan ng isang Kristiano? Sagot: Ang lahat ng mga bagay na ipinangako sa atin ng Magandang Balita; kung saan ang mga artikulo ng ating hindi mapag-aalinlanganan na pangkalahatang Kistianong pananampalataya ang tuwirang nagtuturo sa atin. Tanong: Ano ang mga artikulong ito? Sagot: Sumasampalataya ako sa Dios Amang Makapangyarihan sa lahat, na may gawa ng langit at ng lupa. At kay Jesu-Cristo, bugtong na Anak ng Dios, ang Panginoon Ipinaglihi Siya lalang ng Espiritu Santo, ipinanganak ni Birheng Maria Nagdusa sa paglilitis ni Poncio Pilato, ipinako sa krus, namatay at inilibing, bumaba sa impierno Sa ikatlong araw ay nabuhay na muli mula sa mga patay Umakyat Siya sa langit at naluklok sa kanan ng Amang Makapangyarihan sa lahat Mula roon ay babalik Siyang muli upang hatulan ang mga buhay at mga patay Sumasampalataya ako sa Banal na Espiritu; Sumasampalataya ako sa banal na pangkalahatang Iglesya; sa kapulungan ng mga banal; Sa kapatawaran ng mga kasalanan Sa muling pagkabuhay ng katawan At sa buhay na walang hanggan. Amen.