លោក សួស យ៉ារ៉ា៖ កម្ពុជា-វៀតណាម មិនមានអរិភាពជាមួយគ្នាពាក់ព័ន្ធគម្រោងព្រែកជីកហ្វូណនតេជោនោះទេ скачать в хорошем качестве

លោក សួស យ៉ារ៉ា៖ កម្ពុជា-វៀតណាម មិនមានអរិភាពជាមួយគ្នាពាក់ព័ន្ធគម្រោងព្រែកជីកហ្វូណនតេជោនោះទេ

លោក សួស យ៉ារ៉ា៖ កម្ពុជា-វៀតណាម មិនមានអរិភាពជាមួយគ្នាពាក់ព័ន្ធគម្រោងព្រែកជីកហ្វូណនតេជោនោះទេ (ភ្នំពេញ)៖ លោក សួស យ៉ារ៉ា អ្នកនាំពាក្យគណបក្សប្រជាជនកម្ពុជា បានថ្លែងបញ្ជាក់ថា ជុំវិញគម្រោងព្រែកជីកហ្វូណនតេជោ ដែលជាគម្រោងតភ្ជាប់ពីទន្លេ ទៅសមុទ្ររបស់កម្ពុជា មិនទាន់មានលិខិតផ្លូវការណាមួយរវាងកម្ពុជា និងវៀតណាម ដែលផ្លាស់ប្តូរនូវអរិភាព ឫមានការសង្ស័យគ្នានោះទេ។ លោក សួស យ៉ារ៉ា បានបញ្ជាក់ដូនេះនាព្រឹកថ្ងៃទី០៨ ខែកុម្ភៈ ឆ្នាំ២០២៦នេះ ក្នុងឱកាសដែលលោកអញ្ជើញធ្វើសន្និសីទសារព័ត៌មានស្ដីពី៖ លទ្ធផលរួមនៃកិច្ចប្រជុំទ្វេភាគី និងត្រីភាគី ថ្នាក់ដឹកនាំកម្ពុជា-ឡាវ-វៀតណាម ដែលកម្ពុជាធ្វើជាម្ចាស់ផ្ទះនាថ្ងៃទី០៦-០៧ ខែកុម្ភៈ ឆ្នាំ២០២៦ កន្លងទៅនេះ។ លោក សួស យ៉ារ៉ា បានបញ្ជាក់ថ្លែងដូចនេះថា «អំពីបញ្ហាព្រែកជីកហ្វូណនតេជោនេះ មិនមានលិខិតផ្លូវការណាមួយរវាងកម្ពុជា និងវៀតណាម ដែលផ្លាស់ប្តូរនូវអរិភាព ឫការសង្ស័យគ្នានោះទេ មិនមានទេ ហើយអ្វីដែលយើងធ្វើនេះគឺយើងធ្វើការដោយការយោគយល់គ្នា។ ទាំងអស់គ្នាយល់ថាពីមុនមកមិនមានការយោគយល់គ្នាដោយសារជាសារព័ត៌មាន ដែលនេះហើយជាព័ត៌មានក្លែងក្លាយ, ព័ត៌មានមិនពិត ព័ត៍មានក្លែងក្លាយមានន័យថា ជនទុច្ចរិតបានបង្កើតឡើង ហើយព័ត៌មានមិនពិតមានន័យថា ស្តាប់ព័ត៌មានមិនល្អ»។ លោក សួស យ៉ារ៉ា បានបន្ថែមទៀតថា ព្រែកជីកហ្វូណនតេជោ ជាព្រែកជីកមួយដែលធ្វើការសម្រាប់កិច្ចការគ្រប់គ្រងទឹកជំនន់ ធ្វើការថែរក្សានិងលំហូរទឹក ដើម្បីគ្រប់គ្រងចែកចាយទឹកសម្រាប់កសិកម្ម និងប្រព័ន្ធធារាសាស្ត្រ ហើយព្រែកជីកនេះសម្រាប់ប្រើប្រាស់ដើម្បីជួយបំពេញគ្នាទៅវិញទៅមក។ លោក សួស យ៉ារ៉ា បានបញ្ជាក់ទៀតថា នៅពេលដែលព្រែកជីកហ្វូណនតេជោនេះធ្វើរួច ប្រទេសកម្ពុជា, វៀតណាម, ឡាវ ក៏ដោយ ដែលជាប្រទេសមានដងទន្លេ គឺអាចប្រើប្រាស់បម្រើដល់ការធ្វើនាវាចរឱ្យកាន់តែល្អប្រសើរបន្ថែមទៀត តែមនុស្សចេះតែបកស្រាយថាធ្វើឱ្យមានការខឹងសម្បាររបស់ប្រទេសនីមួយៗ តែជាក់ស្តែងនេះគ្រាន់តែជាការបកស្រាយរបស់បុគ្គលនោះទេ មិនមានការជាស្ថាប័នទទួលខុសត្រូវរបស់ជាតិនោះទេ។ សូមបញ្ជាក់ដែរថា គម្រោងព្រែកជីកហ្វូណនតេជោ ជាគម្រោង តភ្ជាប់ពីទន្លេ ទៅសមុទ្រ មានប្រវែងប្រមាណ ១៨០គីឡូម៉ែត្រ ទទឹងមុខកាត់ផ្នែកខាងលើប្រវែង ១០០ម៉ែត្រ និងមុខកាត់ផ្នែកខាងក្រោមប្រមាណ ៨០ម៉ែត្រ ជម្រៅទឹកប្រមាណ ៥,៤ម៉ែត្រ និងមានគន្លងនាវាចរណ៍ចំនួន ២គន្លង។ ផ្លូវទឹកនេះចាប់ផ្តើមពីព្រែកតាកែវ នៃទន្លេមេគង្គ ឆ្លងកាត់តាមព្រែកពោធិ៍ នៃទន្លេបាសាក់ រួចចូលតាម ព្រែកតាហ៊ីងនៃទន្លេបាសាក់ និងបន្តរហូត​ដល់សមុទ្រខេត្តកែប ដោយឆ្លងកាត់ភូមិសាស្ត្រ ខេត្តចំនួន៤ រួមមាន ខេត្តកណ្តាល ខេត្តតាកែវ ខេត្តកំពត និងខេត្តកែប។ ព្រែកជីកហ្វូណនតេជោ នឹងត្រូវសាងសង់ស្ទើរទាំងស្រុងលើតម្រាយខ្សែផ្លូវទឹកធម្មជាតិ និងផ្លូវទឹកបុរាណ ដែលបានបន្សល់ទុកស្រាប់តាំងពីសម័យអាណាចក្រហ្វូណនមកម៉្លេះ ក្នុងនោះផ្លូវទឹក ធម្មជាតិដែលមានស្រាប់ មានប្រវែងប្រមាណ ១៣៥គីឡូម៉ែត្រ ផ្លូវទឹកត្រូវជីកតម្រង់កុំឱ្យកោងពេក មានប្រវែងប្រមាណ ៣៨គីឡូម៉ែត្រ និងផ្លូវទឹកជីកថ្មីមានប្រវែងប្រមាណ ៧គីឡូម៉ែត្រ ដើម្បីកាត់បន្ថយកំណោង និងកាត់បន្ថយចម្ងាយតភ្ជាប់ទៅកាន់សមុទ្រ។ គម្រោងនេះនឹងប្រើប្រាស់រយៈពេលសាងសង់ប្រមាណ ៤៨ខែ និងគ្រោងបញ្ចប់នៅក្នុង អំឡុងឆ្នាំ២០២៨ខាងមុខ ដោយប្រើប្រាស់ទុនវិនិយោគសរុបប្រមាណ ១,៧ពាន់លានដុល្លារអាម៉េរិក ក្នុងនោះទុនវិនិយោគរបស់សហគ្រាសសាធារណៈ និងក្រុមហ៊ុនក្នុងស្រុក មានចំនួន ៥១% និងទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន(CRBC) មានចំនួន ៤៩% ដោយការវិនិយោគនេះនឹងត្រូវអនុវត្តក្រោមរូបភាពសាងសង់-ប្រតិបត្តិការ-ផ្ទេរ (BOT)៕