DD News Mizoram Chanchinthar | 25 March 2025 | 6:30 PM скачать в хорошем качестве

DD News Mizoram Chanchinthar | 25 March 2025 | 6:30 PM

News Headlines 1. Larsap General VK Singh chuan vawiin khan Mizoram University Convocation vawi 19-na hmanpuiin MZU chu kum 2035-ah chuan ngawrh zawka research kalpuina tur University a nih theih dawn thu a sawi. 2. Chief Minister Pu Lalduhoma'n vawiin khan Zuangtuia Mizoram Badminton Centre sak thar hawngin Vision 2036-in a tum ber chu Olympic 2036-a India ram aiawh thei khawpa tha Mizo thalai lo chherchhuah a nih tu a sawi. 3. Home Minister Pu K Sapdanga'n tukin khan BSUP, Edenthar venga chengte tana Ration buhfai, an complex-ah ngeia an lakna tur bul tanna inkhawm tawi a hmanpui. 4. Health Minister Pi Lalrinpuii'n vawiin khan Saitual District Chief Medical Officer office tlawhin, Saitual District Hospital-in a mamawhte chu ziaka thlen turin Medical Officer-te a chah. 5. Rural Development Minister Prof Lalnilawma'n vawiin khan Thingsulthliah RD Block kum 50 tlin lawmna hun hmanpuiin RD Department-a thawktute chu mipui tana dawr nuam turin a chah. 6. Mamit Bialtu MLA Pu H Lalzirliana'n vawiin khan Mamit khawpui chawmtu tur tui lak hna - Augmentation of Greater Mamit Water Supply Scheme Part-II (Clear Water) hna leh Tui lakna pipe hman lai chhe zual (km 2 huam chhung) thlak hna thawh mekte bakah tui dahkhawlna Tanky siam mekte a enfiah. 7. World TB Day Commemoration, Vigyan Bhavan, New Delhi a neih-ah Mizoram chuan Exemplary Performance in TB Mukt Gram Panchayat Initiative lawmman a dawng. 8. DC Conference Hall-ah Aizawl District Disaster Management Authority (ADDMA) hnuaia Zonal Officer-te tan vawiin atang hian ni 2 awh training buatsaih a ni. 9. Kulikawn Vengthlang Branch YMА chuan thuchhuah siaminan Branch YMA member pakhat chu ruihhlo zuar an manin hektua a puh vangin March ni 23, 2025 Pathiani khan hmaituam rualin kut an thlakrawn thu an tarlang. 10. Venghlui chuan tukin khan veng chhungah all NGO hnatlang koin, Venghlui Bazar sakthak hna vawiin khan an thawk. 11. President Droupadi Murmu chuan Tribal-te chu Mahni Inrintawkna atana sawrkar Scheme hmang tangkai turin a ngen. 12. Prime Minister Narendra Modi chuan tun thla ni 30-a Mann Ki Baat programme a neih leh turah mipuite chu an rilru-a awm rawtna sawi turin a ngen. 13. Vawiin khan Lok Sabha thutkhawmah Mahatma Gandhi National Rural Employment Guarantee Scheme (MGNREGA) kaihhnawih sum pekchhuah loh nia sawi chungchangah buaina a chhuak. 14. India chuan 'Make in India' hmalakna kalpui hnu kum 2023-2024 chhung khan ralthuam siamchhuah lama hmasawnna sang ber neiin record chu cheng vaibelchhe nuai 1 sing 2 sang 7 a tling. 15. Asian Yogasana Sports Championship chu April ni 25 atanga ni 27 chhung hian Delhi-ah neih tura ruahman a ni. 16. Finance portfolio chelhtu Delhi Chief Minister Rekha Gupta chuan Delhi Assembly-ah financial year 2025-2026 atana budget a pharh. 17. Union Health Minister J P Nadda chuan 'Intensified TB Elimination Campaign' chu ramchhunga district zawng zawngah tihzauh a nih tur thu a puang. Follow DD Mizoram:   / ddnewsmizoram     / ddnews_mizoram     / ddnewsmizoram