شيلة المنشد فهد ابن جري : حفل ال مهنا - كلمات: فرحان ناصر الوسمي скачать в хорошем качестве

شيلة المنشد فهد ابن جري : حفل ال مهنا - كلمات: فرحان ناصر الوسمي

الله الله يالقصيد اللي جناحينه حروفه الله الله لين ما ناصل على متن الغمامه فوق فردية وصوف ايحوفها الغيم وتحوفه جابها طاري الكفو ماجابها طاري الهلامه شاعرن مدهال فكره يبهر السامع وصوفه مطلق احجاجه قبل لا يطلق اعنان النعامه فارق(ن) فالجو بـ ابداعه ليا هلت قنوفه عن مطيرت الحرار وعن مطيرت الحمامه لا دعاني واجب اللي وحدّ ابكلمه صفوفه يرتفع رتم السطر واشوش واطش العمامه ساقني صيت ونبا الوافي والاتعاب امخلوفه دعوة الطيب لها شان وقدر عالي مقامه فاح ريح العود الازرق والحفل كثروا ضيوفه واعلنوا حالة طواري فالبلاد امن ازدحامه مرحبا ترحيبتن للكل ماهي بمحفوفه مرحبا من حمس بن الكيف الى صحن الكرامه عند ابو محمد سمين الفعل ماشح امعروفه بيض الله وجه من قداه للـ القمه وادامه ياولد من شال حمل الكايده على كتوفه خلّد التاريخ فعله واسمه إليوم القيامه والهقاوي في سموه مانلحقها الحسوفه شيخ قوم وشيخ طيب وشيخ جود وشيخ هامه معتلي عرش المراجل من هوا النفس الشغوفه والحمايا عادتن له والفخر ساس الزعامه وانت ياعبدالله اللي لا وقف جمّل وقوفه دون ربعه واصدقاه ايزيد قدره واحترامه عقب اللي فاللاوازم حط الاعذار بظروفه وازهم اللي فالمواقف تسبق افعاله كلامه يدحم ابجنب(ن) متين وكل الاهوال امعسوفه صيرمي(ن) لا غدا فالوقت ميله واستقامه كاسب الطالات دايم بالكرم تندا كفوفه حي والله ذا البنايد من سعاطير وقرامه راس(ن) اصوك مايلين ويطربه لحن معزوفه يطربه فعل الجميل اللي يعديه الملامه من سلايل لابتن بالطيب والعز معروفه جمّل الله حال منهو حط المهنا حزامه ال مهنا ياعجب عين الرفيق وسعد شوفه ال مهنا ياهل الامجاد عدوان الرخامه يظفر الفعل المشرّف والعدو يلقى حتوفه لا اختلط عج الرمك والوقت لا ثور عسامه لا محنه بالقسا مثل الرخا ولا مروفه لا سلامه بالحرايب يامدورة السلامه من زبنهم يرقد ويامن على غاية شفوفه من نواهم يذبحه غله وتاكله الندامه وان غزت سود الليالي واشهر الضيم ابسيوفه قابلوا سود الليالي من رهاوه ب ابتسامه كل فعلن يفعلونه ياصل النعم ويطوفه عز يامال المعزه يا مورثت الشهامه