【今日西鐵逼爆元朗 明日逼埋朗屏 我轟政府 : 一昩盲目起樓 但交通10年後先有】 скачать в хорошем качестве

【今日西鐵逼爆元朗 明日逼埋朗屏 我轟政府 : 一昩盲目起樓 但交通10年後先有】

元朗錦田南計劃舊年12月同今年1月上立法會攞撥款，話會起8,100個單位，住23,000人，2026年就會分階段落實，我兩次都無支持，因為11號幹線、屯門西繞道，2036年先會落實，第五條跨海鐵路，順利都要搞到2038年，所以我話錦田南計劃起早咗10年。我成日都話，西鐵元朗站嘅人，繁忙時間要等3班上都未必上到車，呢啲咁惡劣嘅情況已經過咗10幾年，而家政府覺得未夠，仲要整得更差，並且要大家捱多10年? 而家房屋發展同交通嘅次序亂晒，我多次係立法會逼問政府，發展局局長黃偉綸因此直接承認過去係有問題，話以後真係會基建先行，又舉新界北、人工島做例子，話鐵路道路等交通，唔會遲過市民搬入去嘅時間好多。 點知話口未完，政府今日又嚟話係朗邊起樓，今次仲多人住過錦田南，達到1.2萬個單位，搬3.3萬人入去，呢班人大部份都係搭小巴去西鐵朗屏站架啦，朗屏係元朗嘅前一個站，而家增加乘客，唔使諗，今日嘅元朗，就會成為明日嘅朗屏，而元朗同打後嘅站更加慘，以前等3班車，將來4班? 5班? 你叫我點忍心睇住市民日日做沙甸魚，仲要再做多10年!? 政府今日答我，10年後係無問題，但呢10年之間，都真係要諗下點處理，目前計劃係會擴闊下啲迴旋處，叫西鐵加下班次咁。 其實政府做嘢真係無為市民諗，一昧收到指令話要起樓，就周圍起，無全盤計劃，無交通配套，最後樓就起咗，但新舊居民，無一個住得安樂，官員有無人住元朗? 或者有無朋友住元朗? 住係個度嘅人就知，政府口中所講嘅改善措施，講足咁多年，根本無改善好，大家仲日日係度捱，坐等2036年呢個希望。所以我要求，政府唔好再見縫插針啦，市民無幾多個10年可以捱架，你錯失咗10年民望，係唔會追得返架。