🔴TAPS ஆடும் மங்காத்தா! ✅அரசு ஊழியர்கள் தலையில் அரைக்கப்படும் மசாலா?✅ 1 லட்சம் கோடி எங்கே? скачать в хорошем качестве

🔴TAPS ஆடும் மங்காத்தா! ✅அரசு ஊழியர்கள் தலையில் அரைக்கப்படும் மசாலா?✅ 1 லட்சம் கோடி எங்கே?

🔴TAPS ஆடும் மங்காத்தா! - ✅அரசு ஊழியர்கள் தலையில் அரைக்கப்படும் மசாலா?✅ 1 லட்சம் கோடி எங்கே? 🔥TAPS அரசாணையில் விடைதெரியாத மர்மங்கள்.! ✅ TAPS எனும் Tamilnadu Assured Pension Scheme அறிவிப்பு வெளியான நாள் தொடங்கி அதற்குண்டான சங்கத் தலைமைகளின் வரவேற்புகள் தாண்டி பெரும்பான்மை ஊழியர்கள் மத்தியில் ஐயங்களும், கேள்விகளும், எதிர்ப்புகளும் எழுந்த வண்ணமே உள்ளன. TAPSஐ முன் வைத்து உள்ளே - வெளியே என்று ஒரு மங்காத்தா ஆட்டமே நடைபெற்று வருகிறது. TAPSற்கு வெளியே, பெரும்பான்மை அரசு ஊழியர்களும் ஆசிரியர்களும் விகற்பமாகக் கருதுவது சங்கங்களின் போக்கைத்தான். பழைய வரையறுக்கப்பட்ட ஓய்வூதிய உரிமைக்காகக் களம் கண்ட சங்கத் தலைமைகள், அவ்வுரிமையைத் தவிர்த்துவிட்டு, ஊதியம் & பணிக்காலத்தில் பல்வேறு படி நிலைகளில் உள்ள இலட்சக்கணக்கான ஊழியர்களுக்கான ஒரு புத்தம்புதிய திட்டமான TAPS என்ற திட்டத்தை அறிவித்தமாத்திரத்தில், அதன் சாதகபாதகங்கள் குறித்து கூட்டமைப்பாகக் கலந்து ஆராயும் நேரங்கூட ஒதுக்காது தங்களது அளவுகடந்த மகிழ்ச்சியை இனிப்பைப் பகிர்ந்து வெளிப்படுத்தினர். ஒருசில நிமிடங்களில் TAPSஐ பகுப்பாய்வு செய்யும் தொழிற்நுட்ப வல்லமை அப்போது அவர்களிடம் இருந்தது என்றால், அந்நிகழ்வில் பங்கேற்ற தலைமைச் செயலக சங்கம் பின்னர் வெளியிட்ட தனது அறிக்கையில் TAPS ஒரு சவலைக்குழந்தை (தாய்ப்பால் எனும் அடிப்படை உணவூட்டமே இல்லாது மெலிந்த குழந்தை) என்று குறிப்பிடவேண்டிய தேவை என்ன? என்ற கேள்வியும் ஊழியர்கள் மத்தியில் தொக்கி நிற்கிறது. தலைமைச் செயலக சங்க சுட்டிக்காட்டலைத் தொழிற்சங்கப் பார்வையோடே பார்ப்போமெனில், பறிக்கப்பட்ட முழுமையான ஓய்வூதிய உரிமையைக் கேட்டுப் போராடிய களத்தில், ஊட்டமே இல்லாத ஒரு திட்டத்திற்காகக் கொண்டாடவேண்டிய தேவையே இல்லையே. எதிர்க்கட்சிகள் விமர்சிக்கின்றன / ஆளும்கட்சிகள் அறிவித்துவிட்டன என்ற காரணத்திற்காக தமது உறுப்பினர்கள் சார்ந்த எந்தவொரு அறிவிப்பையும் கண்மூடித்தனமாக ஆதரிப்பதோ / எதிர்ப்பதோ தொழிற்சங்க இலக்கணமாகாது. கோரிக்கையை வடிவமைத்துக் களம் காண்பது சங்கங்களே அன்றி கட்சிகள் அல்ல. ஆயிரம் விமர்சனங்கள் எழுந்தாலும் அதைத் தர்க்கரீதியாக ஆதாரத்துடன் மறுத்துத் தமது உறுப்பினர்களைத் தெளிவிக்க வேண்டிய பொறுப்பில் உள்ள சங்கங்கள், TAPS குறித்த மாற்றுச் சிந்தைக்குள்ளாகச் செல்ல வேண்டாம், எதிர்க்கருத்துகளுக்குச் செவிமடுக்க வேண்டாம், இதை எதிர்ப்போரெல்லாம் சமூகவிரோதிகள், TAPSஐ விமர்சிக்க வேண்டாம், விமர்சனங்களை அனுமதிக்கவும் வேண்டாமென அறிவுறுத்தி வருவதெல்லாம் தொழிற்சங்க இலக்கணத்திலேயே இல்லாத புதுவித நடைமுறையாக இருக்கிறது. இவையெல்லாம், உறுப்பினர்களால் உறுப்பினர்களுக்காக உறுப்பினர்களே இயக்கும் சங்கங்கள் அதிகாரத்தின் பக்கம் சாய்க்கப்பட்டுவிட்டனவோ என்ற ஐயத்தை மிக வலுவாக அடிப்படை உறுப்பினர்கள் மத்தியில் எழுப்பியுள்ளதால் TAPS அதன் அறிமுக நிலையிலேயே தொழிற்சங்க நடைமுறைகளுக்கு உள்ளே 100% பாதகத்தை ஏற்படுத்தியுள்ளது. அதுவரையில் உறுப்பினர்கள் உள்ளத்தில் எழுந்த ஐயங்களைக் கேள்வியாக அரசிடம் முன்வைப்பதே சங்கங்களுக்கான ஆக்கப்பூர்வ நடவடிக்கையாக இருக்க வேண்டுமே அன்றி, சொல்லாத விதிகளை கற்பனை செய்து ஊழியர்களைச் சமரசம் செய்துகொள்ள நிர்பந்திப்பது அல்ல. ஒருவேளை பின்னாளில் வெளிவரும் விதிமுறைகளில் அநேக பாதகங்கள் இருக்கும் சூழலில் சங்கங்களின் மீதான மிச்ச சொச்ச நம்பிக்கையும் அற்றுப்போய்விடும் அபாயம் உள்ளது. TETOJAC போராட்டத்தின் போது 2010ல் தரப்பட்ட 750 தனி ஊதியத்தோடே (PP) 99% சங்கங்கள் தங்களைச் சமரசம் செய்து கொண்டதன் விளைவு 16 ஆண்டுகள் கடந்தும் இடைநிலை ஆசிரியர்களின் ஊதியப் பிரச்சினை பேசுபொருளாக மட்டுமே நீடித்துக்கொண்டிருக்கிறது. மற்றொரு புறம் கொடுத்த அந்த PPயும் Incrementற்கு இல்லாது, Promotion Fixationக்கு இல்லாது, EL Surrenderக்கு இல்லாது, 'PP இருக்கு ஆனா அது POயா இல்ல' என்று மாற்றப்பட்டுவிட்டது. இதைக் கேட்கக்கூட நாதியத்துக் கிடக்கிறது இடைநிலை ஆசிரிய இனம். இன்று இதை விடக் கொடுமையாக TAPSன் வகைதொகை தெரியாத போதே கட்டவுட்டிற்கு பாக்கெட் பால் பீச்சும் ரசிக மனநிலைக்குள்ளாக தொழிற்சங்கங்க மூளைகள் ஆணியடிக்கப்பட்டுவிட்டன. ஓரிரு சங்கங்கள் மாத்திரமே எதிர்ப்பை / மாற்றத்தை வலியுறுத்தித் தங்களது உறுப்பினர்களுக்கு உண்மையாக இருக்க முன்வந்துள்ளன. வேறு சில விழுங்கவும் முடியாது துப்பவும் முடியாது வாயடைத்துக் கிடக்கின்றன. 750PPயைவிட மிகக் கொடிய வரலாற்றை எழுதிவிடாதபடி சங்கங்களின் கரங்களைத் தடுக்கப் போவது யாரோ!? ரிலீஸ் ஆகாத படங்களுக்கு விருது கொடுப்பதும், வெளியிடப்படாத விதிகளுக்கு நன்றிக் கூடுகைகள் நடத்துவதும் தேவையற்ற வகையில் - வலிந்து ஆட்சியாளர்களுக்கு எதிரான அதிருப்தியை உருவாக்கிவிட்டுள்ளன என்பதை இதில் ஈடுபட்டுள்ளோர் உணர்ந்தாலும் உணர்த்த வேண்டிய இடத்தில் உரைக்காது சாலையில் சேலைகட்டி சோலைத் தீயை மறைக்கப் பார்க்கின்றனர். இத்தகைய அதீத மதிநுட்பம் சோலை, சேலை, சாலை, சாலையில் பயணிப்போர் என அனைவருக்கும் தீங்கைத்தான் விளைவிக்கும். 10 இலட்சம் குடும்பங்களில் தாக்கத்தை ஏற்படுத்தும் TAPS, தனது மங்காத்தாவை சங்கங்களைத் தாண்டி சபையிலும் விளையாடும் வல்லமை மிக்கது. அவையோர் இக்கள எதார்த்தத்தை உணர்ந்து காலத்தே செயல்பட முன்வந்தால் மட்டுமே யாவருக்கும் நன்மை தொடரும் #Taps #pension #tngovt #tamilnadu #stalin #oldpensionschemes This is our telegram channel link https://t.me/InFormationWelFare Pls support me to get more informative updates. Please Like our Facebook Page:   / informationwelfareorg