Akuzat e Nanos:Baçi largohu nga Miri i Xhikes, i kerkove prokurorit lirimin e Arben Grorit 3.12.2001 скачать в хорошем качестве

Akuzat e Nanos:Baçi largohu nga Miri i Xhikes, i kerkove prokurorit lirimin e Arben Grorit 3.12.2001

#Kpd #Nano Fatos Nano: Atëherë Baçi, miku im Baçi, meqë kam qenë gjithmonë i sinqertë, i drejtpërdrejtë dhe politikisht korrekt me ty, po të përsëris që këshillat e mia politike dhe njerëzore për ty të kanë ndihmuar. Është hera e parë në publik që ti ndahesh nga unë. Nuk më vjen keq politikisht për ty sepse më ke kuptuar me shumë vështirësi politikisht edhe kur kemi qenë në qeveri, më ke kuptuar si të kam kuptiuar jashtëzakonisht mirë politikisht, kur ishim të dy kundër Berishës. Nuk mund të harroj që qeveria e Pajtimit Kombëtar që ti kryesove përkoi me administrimin korrekt të gjendjes pas rebelimit që shkaktoi Berisha dhe të rebelimit të burgut gjithashtu nga ku unë rifitova lirinë. Pra personalisht nuk i kemi borxhe njëri-tjetrit, përkundrazi të jam shumë mirënjohës,siç më je për mbështejen reciproke, njerëzore. Ti e di mirë që unë kam bërë dallimin midis teje dhe shumë të tjerëve, në raportet personale njerëzore kur je marrë më ndonjë biznes. Të ftoj Bashkim të jesh i kujdesshëm kur thua në publik dhe forume që dollarët që do t’i përdorësh në biznes, se je ministër dhe deputet, domethënë ka ca rregulla si bëjnë biznes ministrat dhe deputet. Ndërsa tani më detyron t’iu them shokëve, që në çdo moment të marrëdhënieve të mia të ngushta njerëzore me Bashkim Finon për shkak të detyrës, e vëmendjes time politike e kam këshilluar të largohet nga disa mjedise, nga disa kontakte të cilat edhe në qeverinë që unë kryesoja e dëmtuan si imazh dhe unë ashtu si Ilir Meta nuk e lëshova, por ika bashkë me të. Ndërkaq ky largim i yni, ty Bashkim, ty Arben e shumë shokë të tjerë iu ndihmoi të dilni nga goditja e zjarrit të opozitës dhe të opozitës brenda partisë. Pra ne ia kemi marrë dorën ndryshimit të qeverive me kontribute të brendshme dhe pikërisht për shkak të rehabilitimit të imazhit tënd në rreth një vit që qëndruam jashtë qeverisë, ti u riktheve natyrshëm në qeveri, tani nuk është më faji im, as i ndonjë opozite brenda partisë, që ti je sërish mjaft sensibël në opinion politik në parti dhe në opinion publik që na voton. Unë nuk të ndihmoj dot më, aq më pak sot e tutje, se të kam këshilluar drejtpërdrejt largohu nga Miri i Xhikes se Miri i Xhikes nuk është shoku yt. Të kam këshilluar drejtpërdrejt dhe po ta përsëris, prokurori i përgjithshëm nuk është miku im, ndoshta është më shumë miku yt, kur para 4 muajsh i ke kërkuar në 15-katsh lirimin e Arben Grorit. Unë kam kërkuar nga Prokurori i Përgjithshëm të vazhdojë të më mbajë në koherent, pse është bërë kjo kërkesë. Meqënëse ti je këtu, ashtu si unë kemi vendosur të rrojmë dhe të vdesim në këtë vend, unë shpresoj të jem unë i gabuar. Meqënëse ti politikën e kupton me vështirësi, ti je administrator më shumë dhe njeri i pastër nga marrëdhëniet direkte, mos u përdor politikisht sepse mund të të largohet çdo mburojë politike që të ka mbajtur sot atje ku je. Bashkim Fino: Nano faleminderit për kontributin që dhatë për të më ndihmuar politikisht, por natyrisht unë po them që nuk janë të vërteta ato që sapo thatë dhe është normale që të mos bëhet debat pas çdo diskutanti kur flet ose kur është në mendime kundra me ju, unë nuk e mendoj që të bëhet debati i tillë. Gjithsesi unë jam plotësisht i hapur për të gjitha ato që thatë ju te jem transparent në të gjitha organet përkatëse që i përkasin Prokurori, Gjykatë dhe këtë gjë e kam treguar mjaft mirë. Se jam i zoti nga pikëpamja organizative, administrative dhe nuk jam i zoti politikisht kjo nuk është faji im. Dhe nuk është faji juaj që jeni i zoti politikisht dhe dini t’i trajtoni gjërat mirë dhe nuk jeni i zoti organizativisht, secili ka nje të mirë dhe ka një të keqe. Të gjithë bashkë siç jemi të japim kontributin tonë për të punuar dhe të për ecur përpara Partia Socialiste. Nëse unë isha në qeverinë tuaj Zv-Kryministër thjesht si administrator dhe jo si politikan, unë kam mësuar 5 gjëra nga ju si politikan dhe ti do kesh mësuar 5 gjëra nga unë si administrator. Dhe kjo nuk do të thotë aspak që disa që janë të ndarë dhe të prerë me thikë si thoni ju, mund të mos jenë pjesë përbërëse e stafeve politike dhe stafeve ekzekutive në qeverisjen tonë. Po nuk të pëlqen, unë gjërat i them hapur. Fatos Nano: Hoqa dorë nga replika e mëtjeshme. Bashkim Fino: Mirë në rregull, por pse e bën atë replikë. Fatos Nano: Hoqa dorë nga replika e mëtejshme sepse unë e kam emrin Nano dhe nëqoftëse ti e ke Fino, mbaj emrin tënd, se emrin Nano kur e lakoni përgjigjet Nano, nëqoftëse ju mendoni që emrin Nano mund të vazhdoni ta përvetësoni, të abuzoni me të, ta përdorni si licensë ose pasaportë nëpër vende të favorshme, harrojeni këtë gjë. tvklan.al Deklaratat u bënë në Mbledhjen e KPD-së së Partisë Socialiste datë 03 dhjetor 2001 “Miri i Xhikes” është pseudonimi i shtetasit Fatmir Rama, i cilësuar si një nga të fortët e rrugës së elbasanit, por edhe si drejtues I një rrjeti trafiku droge. Gjithashtu biznesmen dhe pronar i ish-kartodromi në Tiranë. Mbeti I vrarë me 29 mars të vitit 2003. Për vrasjen e tij u dënua me burg Lavdrim Tufa.