盛大晚宴迎接台慶55周年 小生花旦盡出星光熠熠 скачать в хорошем качестве

盛大晚宴迎接台慶55周年 小生花旦盡出星光熠熠

盛大晚宴迎接台慶55周年 小生花旦盡出星光熠熠 每年11月都係TVB嘅台慶月，今年更加係無綫電視成立55周年，趁住台慶前夕就舉行咗盛大嘅周年晚宴慶祝喇，晚宴由特首 李家超 擔任主禮嘉賓，亦有大批政商界同本港慈善機構嘅代表出席，而各位小生花旦亦盛裝打扮到場，場面可以話係星光熠熠。 TVB多年嚟為本港同各地嘅慈善籌款節目可以話係不遺餘力，多年嚟籌得逾65億港幣，惠及各界有需要人士。 而呢晚有份出席晚宴嘅 曾志偉，被問到邀請好友 林敏驄 拍攝《下流上車族》獲亮眼收視，承諾成績好就會裸跑嘅佢，就巧妙以「螺」跑嚟回應，仲話估計往後阿驄可能會再次現身喎。至於盛裝打扮到場嘅 陳豪 同 張曦雯 就話希望往後會更多機會喺唔同活動同大家見面喇。 除咗呢晚男男女女都扮靚出席之外，星期六嘅台慶一樣係必爭鬥靚之地，其中女星間嘅競爭就更加激烈喇，呢日 陳煒 同 馬德鐘 仲有 羅子溢 受訪時，就話自己多年嚟有人協助自己打點，佢哋仲話好興奮可以同咁多朋友齊聚一堂呀。 日前同女友分前別話有對結婚有共識嘅 馬國明 ，呢日就版 林夏薇 捉住猛恭喜，不過馬明就話要澄清只係有傾向去旅行結婚，好多嘢仲未落實喎。而已經結婚第8年嘅 黎諾懿 ，每年都會送一隻顏色寶石戒指俾太太，呢晚 高海寧 就非常好奇今年會送點樣嘅禮物，仲話今年有不祥預感咁話喎。 同樣以黑色華麗性感打扮現身嘅 胡定欣 姚子羚 同 黃智雯 就話非常期待各位男性老友嘅歌唱表演，仲笑佢哋嘅合唱係「中佬好聲音」呀。 朱敏瀚 呢日同老友 張振朗 一齊受訪，啱啱去完旅行返港嘅朱仔，就大呻英國菜色唔太啱自己口味，不過去追星睇波見偶像C朗拿度嘅佢就話非常滿足喇。 《聲夢》嘅成員呢日都有份喺晚宴演出，而Chantel姚焯菲就對好快同Aska張馳豪合作嘅音樂會非常緊張，而Aska仲話已經準備咗好多大家未聽過嘅歌為大家表演，而Archie冼靖峰仲話已經約好聲夢成員齊齊去欣賞喇。 #無綫55周年晚宴 #TVB #曾志偉 #螺跑 #馬國明 #結婚 #中佬好聲音 #朱敏瀚 #姚焯菲 #張馳豪 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0