Klan News - BBC në Gjirokastër dhe bunkerin e Enver Hoxhës скачать в хорошем качестве

Klan News - BBC në Gjirokastër dhe bunkerin e Enver Hoxhës

Gazetarja Bettany Hughes vazhdon rrugëtimin e saj në Shqipëri, duke eksploruar vendet arkeologjike, historinë dhe kulturën e saj të larmishme. Në këtë episod të dytë, Bettany viziton qytetin e ruajtur bukur osman të Gjirokastrës, kalanë e Ali Pashë Telepenës si dhe viziton bunkerin sekret të nëndheshëm dhe vilën madhështore luksoze të ish-diktatorit komunist, Enver Hoxha. E vendosur në Shqipërinë jugore, Gjirokastra qëndron në shpatet e pjerrëta të luginës së lumit Drino, në një pozicion mbisundues mbi një peizazh të pasur me histori. Qyteti i gurtë që përfshin qindra shtëpi- kullë të tipit otoman me çatitë dalluese të gurta, ballkonet e drunjta dhe muret e gurta. “Kjo është Gjirokastra, nuk është thjesht një perlë e Shqipërisë, por është një perlë e botës otomane.” Mes të tjerash gazetarja e BBC ndalet edhe në fshatin Alipostivan të Përmetit. Sipas Bettany nëse gjatë ditës bëhesh kurioz, sepse në largësi nuk arrin dot ta kuptosh çfarë mund të jenë ato ndërtesa aq të bukura në formë kupole, maj kodrine mbi të ngrihet Teqeja e Baba Aliut. Gjatë diktaturës ky vend u shkatërrua totalisht nga regjimi, e çdo gjë u sheshua me tokën. Pas lë Gjirokastrën gazetarja ndalet tek Kalaja e Ali Pashë Tepelenës. Kalaja ekzistuese është rindërtuar në 1819 ka tre porta, një nga të cilat ka një mbishkrim, Porta e Vezirit. Në Mesjetë shquhej për pozitën e saj strategjike, duke pasur nën kontroll rrugët, nga Gjirokastra përgjatë luginës së Drinos dhe tjetra nga Përmeti gjatë luginës së Vjosës. “Shumë shqiptarë u ngritën pozita të larta në hiearkinë otomane kryesisht ushtarake dhe diplomatike. Disa u bënë shumë fuqishëm, siç ishte Ali Pasha. Ai kishte ushtrinë e tij, marinën e tij dhe komandonte mbi 1 milionë e gjysmë njerëz.” Përshtypja më e madhe e këtij udhëtimi që bën gazetarja është edhe poema e Çajld Haroldit e realizuar nga Lord Bajroni. Në “Shtegtimin e Çajld Haroldit”, ai shkruante për shqiptarët:“Më tërheqin shumë me atë ngjashmërinë e tyre me Hajlanderët e Skocisë, në veshje, në pamje dhe në mënyrën e jetesës. Si kujtim ai mori një kostum tradicional shqiptar, ky kostum ka një histori më të gjatë. Pasi lë jugun e vendit, gazetarja Bettany Hughes zhvendoset në Tiranë. Ajo viziton Vilën e diktatorit komunist Enver Hoxha një ndërtim që i përket i periudhës së komunizmit me një arkitekturë e cila imiton në një pjesë të saj deri diku arkitekturën e viteve 30-të. Kjo shtëpi, e ndodhur në zonën e ish Bllokut, ka qenë një objekt i paprekshëm, tabu, dhe i veshur me shumë mister në kohën e diktaturës komuniste.  Mes të tjerash ajo që është vërtetë mbresëlënëse  gjatë vizitës së saj në Tiranë gazetarja viziton edhe bunkerin sekret të diktarorit Enver Hoxha. Kështu, kjo ishte më e madhe dhe më luksoze nga të gjitha dhe shërbente për të dhe bashkëshorten e tij. “Ky është bunkeri më i madh dhe sekret i Shqipërisë. U ndërtua për t’i mbijetuar sulmit kimik dhe bërthamor. Shkon rreth pesë kate poshtë në brendësi të tokës. Promovimi i Shqipërisë në BBC vjen pas disa shkrimeve të shumë gazeta prestigjose si Neë York Times, Le Monde e shumë të tjera ku e cilësojnë vendin tonë si një perlë e rrethuar jo vetëm nga mallet por edhe nga deti dhe liqene të mahnitshme që duhen vizituar përgjatë vitit 2023. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan