珠海金灣毛林｜玩兒童遊樂城 + 冰雪運動城｜ 入住金灣毛林大酒店 ｜ MuiG 8歲生日 😍 ｜親子港車北上 ｜ 珠海親子遊 скачать в хорошем качестве

珠海金灣毛林｜玩兒童遊樂城 + 冰雪運動城｜ 入住金灣毛林大酒店 ｜ MuiG 8歲生日 😍 ｜親子港車北上 ｜ 珠海親子遊

家姐生日trip去咗珠海金灣毛磁場林。 點解會揀去呢度呢？因為住呢度酒店，就可以玩佢哋嘅Playhouse同埋雪場。 兩個地方都好大㗎，夠玩兩日😎。下一個post再分享。 而家首先講返間酒店先。 呢間酒店新開嘅，記憶中一年都未夠。所以其實好新淨。不過設計就好老土（我覺得）😆。 真係成間酒店都土味濃🫢，不過我哋揀咗主題房就正常啲嘅😆🤭。 普房科就會平啲，主題房就差唔多一個Double 。提提大家如果book房，記得睇清楚有冇包埋玩樂嘅門票同埋包幾多張。最好訂房嘅時候就揀啱就應該最抵。 另外對面就係華發商都商場。裏面好多嘢食同埋有卡丁車玩。 如果揸車上嚟有大把停車位置。我哋架車就正正停響大門門口🤭。 ❄️☃冰雪運動城❄️☃️ book酒店房就可以玩冰雪運動城同埋PlayHouse。 首先講返冰雪運動城先～同埋再提一提記得book房嘅時候睇清楚係包埋門票。咁樣book先至最優惠，唔好淨係book房冇包門票呀😆。 毛林金灣冰雪運動城主要係玩冰雪嘅設施。入場嘅時候可以借佢哋啲衫（交按金）。或者自己帶件厚褸都OK。 因為始終冇滑雪嘅成份，裏面唔係話十分凍。 甚至乎見到有人着T恤🫢。 溜冰鞋，頭盔，護踭護膝全部都包埋嘅。 裏面有溜冰場，3條水泡滑梯 ，冰上碰碰車，玩雪/落雪區，釣魚嘅遊戲機，同埋睇4D影片。 阿女佢哋就勁鍾意玩釣魚嗰個遊戲機（呢個好熱門，好難搵位㗎😆）同埋就好鍾意玩雪❄️☃️。 我哋嗰日冇乜人，所以就玩得好舒服✌️。 珠海毛林金灣兒童遊樂園 住酒店除咗可以玩雪場之外，仲有大型Playhouse，有兩層。有波波池，碰碰車，打機， VR，彈床，攀爬，同埋war game。 因為設施都好廣泛，所以我覺得大概1-10歲都有嘢啱玩嘅😆。 就算唔啱玩，亦都可以隨時返去雪場嗰度玩🤣。 珠海毛林金灣大酒店 📍珠海市金湾区金河东路577号