Klan News - Rama pritet nga Netanyahu: Marrëdhëniet mes dy vendeve të shkëlqyera скачать в хорошем качестве

Klan News - Rama pritet nga Netanyahu: Marrëdhëniet mes dy vendeve të shkëlqyera

Kryeministri Edi Rama ndodhet për një vizitë zyrtare në Izrael, në kuadër të Konferencës Ndërkombëtare për Luftën kundër Antisemitizmit. Kreu i qeverisë shqiptare u prit nga homologu i tij izraelit, Benjamin Netanyahu, me të cilin zhvilloi një takim zyrtar. Pas takimit, dy kryeministrat dolën në një deklaratë të përbashkët për mediat. Gjatë deklaratës, të dy homologët vlerësuan marrëdhëniet e shkëlqyera mes Shqipërisë dhe Izraelit, duke theksuar veçanërisht rolin e Shqipërisë gjatë Holokaustit dhe trashëgiminë e saj unike të mbrojtjes së hebrenjve. “Shqiptarët mbrojtën qindra hebrenj dhe mikpritën shumë të tjerë. Ky është shpirti që ju përfaqësoni. Kjo është ajo histori që bota duhet ta njohë. Kjo është histori që frymëzon filma. Njerëzit duhet të njohin rolin e jashtëzakonshëm, moral, që Shqipëria luajti gjatë orëve të errëta të historisë njerëzore”, tha Netanyahu. “Edhe pse popullsia shqiptare me shumicë myslimane u bashkua me vuajtjen e popullit palestinez, shqiptarët nuk u mblodhën në mitingje urrejtjeje kundër Izraelit. Kjo përbën kontrast të theksuar me atë që ka ndodhur në vende të tjera të Europës. Vendi ynë qëndron në mënyrë të palëkundur kundër antisemitizmit dhe islamofobisë”, u shpreh Rama. Marrëdhëniet e mira mes dy vendeve pritet të përkthehen edhe në rritjen e bashkëpunimit ekonomik. Në këtë kuadër, dy kryeministrat njoftuan hapjen e Dhomës së Tregtisë në Jerusalem, si një hap konkret për forcimin e lidhjeve të biznesit dhe investimeve. “Kemi kompani investuese izraelite që e shohin Shqipërinë si një mundësi të madhe ekonomike. Ato kanë një orientim të qartë drejt tregut të lirë dhe ide konkrete për projekte që mund të zhvillohen në bashkëpunim me shqiptarët. Kjo pritet të çojë edhe më tej marrëdhëniet ekonomike, përfshirë hapjen e Dhomës së Tregtisë në Jerusalem”, shtoi kryeministri izraelit. “Ne po avancojmë edhe hapjen e Dhomës së Tregtisë në Jerusalem, një nismë që synon forcimin e lidhjeve ekonomike dhe të biznesit, si dhe promovimin e Shqipërisë si një vend me potencial të lartë zhvillimi dhe investimi. Ftoj popullin hebre të vizitojë Shqipërinë, të zbulojnë një tokë të jashtëzakonshme, jo vetëm nga natyra, por edhe nga shpirti”, tha kreu i qeverisë shqiptare. Kryeministri Rama foli gjithashtu për anëtarësimin e Shqipërisë në Bordin e Paqes dhe për gatishmërinë e vendit tonë për të dhënë kontribut në përpjekjet ndërkombëtare për stabilizimin e Gazës. “Shqipëria është e nderuar të bëhet pjesë e Bordit të Paqes të themeluar nga Presidenti Trump dhe unë e shoh këtë ftesë si njëkohësisht vlerësim dhe përgjegjësi morale. Ne do të vazhdojmë të mbështesim të gjitha përpjekjet, përfshirë planin e paqes për Gazën të Presidentit Trump, dhe do të japim kontributin tonë brenda Forcës Ndërkombëtare të Stabilizimit për Gazën”. Më herët, kryeministri Edi Rama dhe bashkëshortja e tij kanë vizituar Murin e Lotëve në Jerusalem, vendin e shenjtë për hebrenjtë, ku ka lënë një shënim me lutjen që përmes këtij muri të fuqishëm, Zoti t’i dërgojë këtij qyteti forcën e Paqes. Klan News SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan