Mela Mehemedê Kavarî - Qesîde 2 скачать в хорошем качестве

Mela Mehemedê Kavarî - Qesîde 2

Mela Mehemedê Kavarî - Qesîde 02 [Zazaca Kaside] Mela Mehemedê Kavarî (1941-2025) rayîrê Dîyarbekir-Çewlîgî de yew qesîdeya zazakî (kirdkî) vano. Homa rehma xo pê bikero. Kamera: Tahir Arslan Tarîx: 12/04/2009 Ca: Diyarbekir-Çewlîg (Bingöl) © Zaza Arşivi --- HESÛDÎ Û BÊKESÎ Ez xo rê bêkes û bêwar a Birîna min zaf xeddar a Dermanê cayî rehmê to Ya Reb ez to rê deyndar a Ez deyndar a Rebbê xo rê Min ta'et nêkerdo ci rê O muhtacê ta'etê min nîyo La emrê yê esto mi rê Emrê Homay mi rê ferz o Ca nêarî mi rê derd o Ez bêkes a, gunehkar a Aye ra zerrî min serd o Zerrî veşena zey adirî Îlm û îrfan çin o mi rê Rojê heşr û mîzanî de O roj ez se kerî xo rê Ez se kerê dest min veng o Şelpê te ra nîna teng o Hem hesud o hem bexîl o Wişk kerda ro hem zey seng o Hesûdî pîs a bira-baw Lazim o ma xo tera bipaw Hesûdî xeyrî yewî bena Senî lêş beno pak bi aw Vato mal lêşê destan o En vatişê kalikan o Zerrîy' yew xo ra meverde Ena dinya siwa şan o Ti çiqas weş bî dinya de Çi feqîrî çi sefa de Rojek ti meymanê qebrî Çi hejî, çi miftîzade Ti bes vaji ey Kavarî Şew to rê roj bî, to kerd tarî Xo rê bizare, xo rê biberme Ti xo rê veynde Rabbê Barî (Dîwanê Mehemedê Kavarî, r.25) --- Biyografî: Mela Mehemedê Kavarî 1941 de dewa Dara Hênî Şatos de ame dinya. Desserrîya xo de verê Hecî Eyşane (Ayşe Değer) de dest bi wendişê elîfbê kerd. Dima verê Ap Elê Mistî (Ali Gözegeç) de wendişê Quranî dewam kerd. Badê pey, mezraya Pêçarî Herpi de keyeyê Fehmî Begê Pêçarî de verê Hafiz Hîdayetî de Quran xitim kerd. Uca ra şi deşta Mûşî, reya verêne dewa Evdilbuharî de verê seyda Evdilayî de Xayet wend. Mela Mehemdê Kavarî seydayê xo Evdilayî ser o nê rêzî nuştê: Wexto newe ti bî seyda bi hîşyarî Ti bî seydayê dewa Evdilbuharî Ez ameya mi dest kerd bi Îbnî Qasimî Ez bêkes bîya, ti mi rê bî wayîrî Mela Mehemedê Kavarî deşta Mûşî de dewanê sey Hunan, Xirba Feqîyan, Soxkom, Sorin û Tifnîg de wendişê xo dewam kerd. 1964 de ame bi Dîyarbekir. Camîya Hezretî Silêmanî de verê seyda Mela Şukrî de wend. 1965 de camîya Fatîh Paşayî (Kurşunlu Camii) de dest bi melayîya resmî kerde. Hetanî ke serra 1995 de teqawit bi, na camî de melayî kerde. Mela Mehemedê Kavarî 2001 de dest bi nuştişê şîîran kerd. Vano, “Badê ke mi kitabê Ehmedê Xasî Mewlidê Kirdî wend, mi va, ez zî eşkena şîîran binusa.” Dîwanê xo yê şîîran ey bi xo 2005 de çap kerd.* *Muhemmedê Kavarî, Dîwanê Muhammedê Kavarî, Dîyarbekir, 2005, 70 r. Zazakî.NET