#MUTUELLE скачать в хорошем качестве

#MUTUELLE

#MUTUELLE IFISE UMUTAHE UBUSA [0] RERO IKWIYE KUGARWA|| IVYO ABASHINGAMATEKA BASAVYE 7/01/2026 Bamwe mu bashingamateka barababazwa n’ingene ishirahamwe rivuza abakozi ba reta "Mutuelle de la Fonction Publique" ritariko rirakora ico ryashingiwe. Bafatira ku myidogo y’abanyagihugu bavuga ko bataronka imiti baba bandikiwe n’abaganga. Basanga rishobora kuba intambamyi yo gushika ku mbonakazoza y'igihugu. Hari ababona ko iryo shirahamwe ryofutwa, intererano zahora zitangwa zigashirwa mu kindi kigega. Umunyagihugu ngo yoca yivuza ku bitaro kurya babigira kw'ikarata CAM, ibitaro bikazoza birayasaba. Abandi banegura ko ivyasabwe kuri iryo shirahamwe, mu masasa y'inama nshingamateka yaheruka (yahejeje ikiringo), bitashizwe mu ngiro. Iyo myitwarariko bayishikirije, kuri uyu wa 7 Nzero 2026. Hariko harashikirizwa mu nama nshingamateka icegeranyo c’amatohoza yakozwe ku kuntu iryo shirahamwe ryifashe muri kino gihe. Umushikiranganji w’abakozi n’akazi ntahakana ko hari ibitagenda neza muri iryo shirahamwe. Gabriel Nzigama yemeza ariko ko hari ibiriko birakorwa kugira ritunganywe gushasha. Inama nshingamateka yaciye isaba ishingwa vuba ry'umurwi udasanzwe wokwiga ibijanye n'inagurwa ry'iryo shirahamwe.