KhuSh Aamdeed Mah e Shaban Jo Chaho waisa hi Allah Se panay Ka wazifa скачать в хорошем качестве

KhuSh Aamdeed Mah e Shaban Jo Chaho waisa hi Allah Se panay Ka wazifa

Khush Aamdeed Maah-e-Shaban jo chaho waisa hi Allah se paane ka wazifa Khudawanda! main tere naam se aaghaz karta hoon, Main tera banda hoon, teri rehmaton par naaz karta hoon. Faqat teri hi madad aur isti‘anat ke bharosay par, Mujhe urna nahin aata, magar parwaaz karta hoon. Farman-e-Hazrat Aliؓ: Agar zindagi mein kaamyab hona chahte ho to baap se duaein lo, kyon ke baap ki dua aulaad ke liye aisi hoti hai jaise Nabi Pak ﷺ ki dua ummat ke liye hoti hai. Ishq majboor ho kar nahin, balkeh masroor ho kar kiya jata hai. Yeh baat samajhne ki hai ke faraiz aur muhabbat mein bohat farq hai. Namaz farz hai — chaahe dil chaahe ya na chaahe. Roza farz hai — chaahe tabiyat aamada ho ya na ho. Zakat farz hai — sahib-e-nisab par laazim hai, majboor ho kar de ya masroor ho kar, ada karna hi hoti hai. Hajj farz hai — is ke manasik muqarrar hain, waqt muqarrar hai, dil maane ya na maane, ada karna laazim hai. Lekin… jab baat muhabbat ki aati hai, jab zikr-e-Mustafa ﷺ ka charcha hota hai, to wahan koi jabr nahin, koi pabandi nahin. Madina Hajj ka rukun nahin banaya gaya, taake Mehboob ﷺ ke dar par koi majboor ho kar na aaye, balkeh jo aaye, sirf masroor ho kar aaye. Milad, chiraaghan, durood o salaam — yeh farz nahin, wajib nahin, magar jo karte hain woh majboor nahin hotay, woh ishq mein doob kar, khushi se karte hain. Durood Pak farz nahin, magar Allah ne is ki fazilat aisi bata di ke khud Allah durood bhejta hai, farishtay durood bhejtay hain, aur farmaya: “Ae imaan walo! tum bhi durood bhejo.” Kyon ke durood ki taufeeq har aik ko nahin milti… yeh sa‘adat sirf usi ko ata hoti hai jise Allah pasand farmata hai. Isi tarah ishq ki taufeeq bhi har dil ko naseeb nahin hoti, yeh bhi Allah ki khaas ata hai. Zindagi ke har mor par jahan imtihaan hotay hain wahan Allah ki madad bhi maujood hoti hai. Sabr karein—agar aazmaane wala Allah hai to aazmaish se nikaalne wala bhi to hamara Allah hi hai. Khush Aamdeed Maah-e-Shaban Yeh teen din ka aasan, mukhtasir aur babarkat amal hai, jo InshaAllah aap ki khwahish, hasrat, arzoo, maqsad aur haajat ko Rabb-e-Kareem ki bargah mein pesh kar dega. Teen din tak Namaz-e-Isha ke baad kisi se baat kiye baghair aajizi, sukoon aur dheemi awaaz mein awal o aakhir 21 martaba Durood Pak aur 41 martaba Surah Al-Ikhlas (Qul Hu Allahu Ahad) parhein, phir Shahanshah-e-Jahan, Rabb-ul-Izzat ke huzoor dil ki gehraiyon se dua karein. Yaqeen rakhiye! Allah Kareem aisi kaamyabi ata farmayega ke aap khud bhi hairaan reh jaayenge. Har jaaiz haajat, har dil ki muraad InshaAllah poori hogi. Dil waqai Allah ke ikhtiyar mein hai. Woh dil ki baatein bin kahe parh leta hai, dil ke goshon mein chhupi khwahishen kab poori kar deta hai, banday ko khabar tak nahin hoti. Aap par bas itna wajib hai ke sabr ke saath us ke faislon ka intezaar karein aur be-fikr ho jaayein. Agar umeed ki dor tootne lage to usay baar baar girah laga liya karein, hazaar baar yaqeen kamzor ho jaaye tab bhi naata dobara jor liya karein, bas dor ko tootne na dein. Kya khabar… Allah ko toot toot kar baandhi gayi yeh umeedon ki dor kitni pasand aa jaaye, kya khabar… Allah ko aap ka baar baar rona aur usay pukarna kitna azeez ho. Allah Kareem se dua hai ke jis maqsad aur haajat ke liye aap ne yeh amal kiya, Rabb-ur-Rehman o Raheem aap ko khushkhabri, kaamyabi aur sukoon ata farmaye. Bohat si duaon ke saath salamat rahein, khush rahein Allah ki amaan mein…