Cəlilabadda 2 Fevral gənclər günü qeyd olundu скачать в хорошем качестве

Cəlilabadda 2 Fevral gənclər günü qeyd olundu

Fevralın 4-də Cəlilabad Dövlət Peşə Təhsil Mərkəzində Lənkəran - Astara Regional Gənclər və İdman İdarəsinin, Cəlilabad Rayon İcra Hakimiyyətinin, Cəlilabad Dövlət Peşə Təhsil Mərkəzinin birgə təşkilatçılığı ilə 2 Fevral – Azərbaycan Gəncləri Gününə həsr olunmuş “Gənclər Həftəsi” çərçivəsində “Heydər Əliyev ideyaları ilə başlayan 30 illik inkişaf yolu” adlı forum keçirilib. Tədbir öncəsi qonaqlar üçün ilkin infotur təşkil olunmuş, bu çərçivədə tədris emalatxanalarına baxış keçirilmişdir. Ardıcıllıqla kulinariya emalatxanası, tədris ferma sahəsi, idman kompleksi və digər infrastruktur obyektləri ziyarət olunmuş, mərkəzdə yaradılmış şərait, maddi-texniki baza və gənclər üçün mövcud imkanlar barədə ətraflı məlumat verilmişdir. Eyni zamanda, infotur zamanı peşə təhsilinin gənclərin məşğulluğunda rolu, praktik təlimin əhəmiyyəti və mərkəzin regional inkişafda töhfəsi xüsusi vurğulanmışdır. Tədbir Azərbaycan Respublikasının Dövlət himni ilə açıq elan olunub. Sonra Ümummilli lider Heydər Əliyevin və ölkəmizin suverenliyi, ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib. Forumda Cəlilabad Rayon İcra Hakimiyyətinin ictimai-siyasi və humanitar məsələlər şöbəsinin sektor müdiri Varid Əsgərov, Lənkəran - Astara Regional Gənclər və İdman İdarəsinin rəis müavini Könül Manafova, Vətən müharibəsi qəhrəmanı Rəşad Abdullayevin atası Arif Abdullayev, Cəlilabad rayonu üzrə gənclər və idman sektorunun kollektivi, ADPU Cəlilabad filialının, Cəlilabad Tibb Kollecinin, Cəlilabad Dövlət Peşə Təhsil Mərkəzinin direktoru Ramil Əmənov, müəllim və tələbələri və digər qonaqlar işktirak ediblər. Forumda çıxış edən qonaqlar Ümummilli lider Heydər Əliyev tərəfindən əsası qoyulan və bu gün Azərbaycan Respublikasının Prezidenti cənab İlham Əliyev tərəfindən uğurla davam etdrilən dövlət gənclər siyasətinin ölkəmizin 30 illik inkişaf yolundakı mühüm rolundan bəhs ediblər. Vurğulanıb ki, gənclər dövlətimizin gələcəyi, cəmiyyətin aparıcı qüvvəsi və milli inkişafın əsas dayağıdır. Çıxışlardan sonra Cəlilabad rayonunun ictimai-siyasi həyatında fəallığı ilə seçilən bir qrup gənc Lənkəran-Astara Regional Gənclər və İdman İdarəsi tərəfindən fəxri fərman və təşəkkürnamələrlə təltif olunub. Forum rəsmi hissədən sonra bədii hissə ilə davam edib. Gənc incəsənət nümayəndələrinin ifa etdikləri musiqi nömrələri iştirakçılarda xoş əhval-ruhiyyə yaradıb. Forumda 250 nəfər iştirak edib.Elməddin bağırov Samirə ismayılova #LARGII#Gənclərİdman