વલસાડમાં સાધુના વેશમાં લોકોને 'હિપ્નોટાઇઝ' કરી દાગીના લૂંટતી ગેંગનો પર્દાફાશ,રીઢો ગુનેગાર જેલહવાલે скачать в хорошем качестве

વલસાડમાં સાધુના વેશમાં લોકોને 'હિપ્નોટાઇઝ' કરી દાગીના લૂંટતી ગેંગનો પર્દાફાશ,રીઢો ગુનેગાર જેલહવાલે

વલસાડમાં સાધુના વેશમાં લોકોને 'હિપ્નોટાઇઝ' કરી દાગીના લૂંટતી ગેંગનો પર્દાફાશ, ૨૦થી વધુ ગુના આચરનાર રીઢો ગુનેગાર જેલહવાલે વલસાડ જિલ્લામાં સાધુનો વેશ ધારણ કરી લોકોની આસ્થા સાથે રમત રમી, તેમને હિપ્નોટાઇઝ કરીને લૂંટી લેતી એક શાતિર ગેંગ સક્રિય થઈ હતી. જોકે, વલસાડ પોલીસે સતર્કતા દાખવી ગણતરીના દિવસોમાં જ આ ગેંગના મુખ્ય સાગરીતને ઝડપી પાડી જેલના સળિયા પાછળ ધકેલી દીધો છે. પીઠા ગામ પાસે બનેલી એક ઘટના બાદ પોલીસે આ કાર્યવાહી હાથ ધરી હતી..ઘટનાની વિગત મુજબ, ગત ૭મી ફેબ્રુઆરીના રોજ ૭૩ વર્ષીય જયંતીભાઈ પટેલ અને તેમના પત્ની પોતાની એક્ટિવા પર સવાર થઈ પીઠા ગામે એક કૌટુંબિક પ્રસંગમાં જઈ રહ્યા હતા..તેઓ પીઠા ગામ નજીક પહોંચ્યા ત્યારે એક સફેદ રંગની સ્વિફ્ટ કાર તેમની પાસે આવીને ઉભી રહી હતી. કારમાં સવાર બે ઈસમો પૈકી અમરનાથ પઢિયાર નામના શખ્સે ભગવા વસ્ત્રો ધારણ કર્યા હતા. આ ઠગબાજોએ અત્યંત વિનમ્રતાથી નાસિક જવાનો રસ્તો પૂછવાના બહાને દંપતીને રોક્યું હતું. વાતચીત દરમિયાન સાધુના વેશમાં રહેલા ગઠિયાએ વૃદ્ધાને પોતાની કથિત દૈવી શક્તિઓનો ડર બતાવી અને લાલચ આપી હિપ્નોટાઇઝ કરી દીધા હતા. જેના પ્રભાવમાં આવી વૃદ્ધાએ કંઈ પણ વિચાર્યા વિના પોતાના ગળામાંથી સોનાનું મંગળસૂત્ર અને હાથની બંગડીઓ ઉતારીને સાધુને સોંપી દીધી હતી. હાથફેરો થતાં જ આરોપીઓ કારમાં ફરાર થઈ ગયા હતા. ભાનમાં આવ્યા બાદ દંપતીને છેતરાયાનો અહેસાસ થયો હતો..ભોગ બનનાર દંપતીએ વલસાડ રૂરલ પોલીસ મથકે ફરિયાદ નોંધાવતા પોલીસે તાત્કાલિક તપાસનો ધમધમાટ શરૂ કર્યો હતો. રૂરલ પોલીસ અને એલ.સી.બી. (લોકલ ક્રાઈમ બ્રાન્ચ)ની ટીમોએ સંયુક્ત રીતે તપાસ હાથ ધરી હતી. તે દરમિયાન એલ.સી.બી.ને બાતમી મળી હતી કે ગુનામાં વપરાયેલી કાર ખેડબ્રહ્મા તરફ જઈ રહી છે અને આરોપીઓ લૂંટનો માલ વેચવાની ફિરાકમાં છે. બાતમીના આધારે પોલીસે વોચ ગોઠવી કાર ચાલક નરસિંહનાથ ઉર્ફે નરેન્દ્રનાથ મદારીને દબોચી લીધો હતો. પોલીસને તેની પાસેથી લૂંટાયેલા સોનાના દાગીના પણ મળી આવ્યા છે..પકડાયેલ નરસિંહનાથ મદારી વિરુદ્ધ ગુજરાતના અલગ-અલગ જિલ્લાઓમાં ૨૦થી વધુ ગુનાઓ નોંધાયેલા હોવાનું સામે આવ્યું છે. હાલ પોલીસે આ ગેંગના અન્ય સભ્યો અને તેમણે આચરેલા અન્ય ગુનાઓ અંગે વધુ તપાસ હાથ ધરી છે.