Rusiya Azərbaycana nə qədər təzminat ödəyəcək? скачать в хорошем качестве

Rusiya Azərbaycana nə qədər təzminat ödəyəcək?

Putin indiyədək təyyarə hadisəsi barədə açıq danışmamışdı. Bu dəfə isə bəyan etdi ki, AZAL təyyarəsi yaxınlığında Rusiyanın hava hücumundan müdafiə raketləri partlayıb. Bəs niyə Putin sükutu indi pozdu? Rusiya böyük dövlətdir. Moskva tarix boyu çox istədiyinə nail olub. Bu və ya digər şəkildə. Tarix boyu da çox nadir hallarda hansısa ölkədən üzr istəyib. O ölkələrdən biri Azərbaycan oldu. Ötən ilin sonu Qroznı üzərində təyyarəmiz vurulanda Putin İlham Əliyevdən üzr istəmişdi. Lakin təyyarəmizin vurulduğunu etiraf etməmişdi. Həmin vaxt Rusiya məsuliyyətdən yayınmaq üçün müxtəlif bəhanələr uydururdu. Hava şəraiti, quş sürüsü və sair. Azərbaycanı bu bəhanələrlə yayındırmağa çalışmaq cəhdi alınmadı. İlham Əliyev öz qəti mövqeyində qaldı və Rusiyaya tələblər irəli sürdü. Gec də olsa, Rusiya bu tələbləri yerinə yetirir. Rusiya həm də minlərlə azərbaycanlının yaşadığı və işlədiyi ölkədir. Münasibətlərin normallaşması iki tərəf üçün də önəmlidir. Amma bu barışığın daha çox Azərbaycana lazım olduğunu düşünmək yanlış olardı. Rusiyanın da Azərbaycanla yaxşı münasibətlərə kifayət qədər ehtiyacı var. Dünyadan təcrid olunub və təklənib. Yaxın keçmişi xatırlayaq. 5 il əvvəl Azərbaycanla Ermənistanı sülh masasında görüşdürən ilk ölkə Rusiya idi. Amma sonda sülh Vaşinqtonda razılaşdırıldı. Bu isə Moskvanın geosiyasi məğlubiyyətidir. Bütün bu sadaladıqlarımı bir cümlə ilə belə ifadə edə bilərəm: Rusiyanın barışmalı olduğu Azərbaycan həqiqətləri. O həqiqətlər ki, təzyiqlə dəyişdirilə bilməz. Rusiya böyük qardaş deyil, bizimlə bərabərhüquqludur. Bizi İzləyin: Whatsapp: https://bit.ly/457kdup Facebook: https://bit.ly/3H6GtMT Instagram: https://bit.ly/46wEkoi Teleqram: https://bit.ly/3INUKP2 Sayt: https://bit.ly/3UzGQme Copyright © İCTİMAİ TV