နောက်ဆက်တွဲ ငလျင်ငယ်များ လှုပ်ခတ်နိုင်၍ သတိပြုနေထိုင်ကြရန် MOHADM အသိပေး скачать в хорошем качестве

နောက်ဆက်တွဲ ငလျင်ငယ်များ လှုပ်ခတ်နိုင်၍ သတိပြုနေထိုင်ကြရန် MOHADM အသိပေး

ရောင်နီ (မဇ္ဈိမ)။ ။ စစ်ကိုင်းတိုင်း၊ စစ်ကိုင်းမြို့အနီး ဗဟိုပြု၍ အင်အားအလွန်ပြင်းထန်သည့် ငလျင်လှုပ်ခတ်ပြီးနောက် နောက်ဆက်တွဲ ငလျင်ငယ်များ လှုပ်ခတ်နိုင်၍ သတိပြုနေထိုင်ကြရန် အမျိုးသားညီညွတ်ရေးအစိုးရ (NUG)၊ လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာန (MOHADM) က အသိပေးထားသည်။   ယနေ့ (မတ်လ ၂၈ ရက်) မွန်းလွဲ ၁၂ နာရီ ၅၀ မိနစ်အချိန်ခန့်တွင်  ပြင်းအား ရေချ်တာစကေး ၇ ဒသမ ၇ အဆင့်ရှိ Major Earthquake (ငလျင်ကြီး) သည် မြန်မာပြည်အလယ်ပိုင်း ၊ စစ်ကိုင်းမြို့အနီးကို ဗဟိုပြု၍ လှုပ်ရှားခဲ့ခြင်းဖြစ်သည်။   ထိုသို့ အင်အားအလွန်ပြင်းသည့် ငလျင်၏ နောက်ဆက်တွဲ ငလျင်ငယ်များ ထပ်မံလှုပ်ခတ်နိုင်သည့်အတွက် ယိုင်နဲ့သွားသည့် အဆောက်အအုံများနှင့် အထပ်မြင့်များတွင် ဆက်မနေကြရန် MOHADM က အသိပေးသည်။   ထို့အပြင် ငလျင်လှုပ်ခတ်မှုကြောင့် မိမိတို့ဒေသအတွင်းရှိ ဆည်တာတမံများ အက်ကွဲမှုရှိ မရှိ စစ်ဆေးပြီး လိုအပ်ပါက  ကြိုတင်ရွှေ့ပြောင်းကြရန်နှင့် အချို့ဒေသများတွင်  ငလျင်ကြောင့် သဲအရည်ပျော်ခြင်းများ ဖြစ်ပေါ်နိုင်သည့်အတွက်  သတိပြုနေထိုင်ကြပါရန် MOHADM က တိုက်တွန်းထားသည်။   ယနေ့ လှုပ်ခတ်ခဲ့သည့် ငလျင်သည်  ၁၉၁၂ ခုနှစ်က မေမြို့တွင် လှုပ်ခတ်ခဲ့သည့် ပြင်းအား ရေချ်တာစကေး ၇ ဒသမ ၆ မှ ၇ ဒသမ ၇ကြားရှိသည့် ငလျင်နောက်ပိုင်း  နှစ်ပေါင်း ၁၀၀ ကျော်အတွင်း အပြင်းထန်ဆုံးငလျင်ဖြစ်ကြောင်း ငလျင်ပညာရှင် ပါမောက္ခ ဒေါက်တာမျိုးသန့်က မဇ္ဈိမကို ပြောကြားထားသည်။   ငလျင်လှုပ်ခတ်မှုကို စစ်ကိုင်းတိုင်း၊  မန္တလေးတိုင်း၊ နေပြည်တော်၊ တောင်ကြီးနှင့် ပဲခူးတိုင်းတို့တွင် ပြင်းထန်စွာခံစားခဲ့ရသည်။   ဒေသခံများ၏ အဆိုအရ မန္တလေးတိုင်းသည် ငလျင်လှုပ်ခတ်မှုကြောင့် ထိခိုက်ပျက်စီးမှုနှင့် လူသေဆုံးမှု အများဆုံးဒေသဖြစ်လာနိုင်ပြီး လက်ရှိတွင်လည်း ဒေသခံလူမှုကူညီရေးအသင်းများနှင့် ဒေသခံများ စုပေါင်းကာ ကူညီကယ်ဆယ်မှုများ ပြုလုပ်နေရဆဲဖြစ်ကြောင်း သိရသည်။   “ မန္တလေးက တော်တော်ထိခိုက်မှုများလာနိုင်တယ်။ ဒီနေ့က သောကြာနေ့ဆိုတော့ ဗလီတက်နေတဲ့အချိန်လေ။ အဲ့မှာ ထိခိုက်သေဆုံးတာတွေရှိတယ်။ ပြိုကျတဲ့ တိုက်တွေထဲမှာလည်း ပိတ်မိနေတဲ့သူတွေရှိတယ်။ လက်ရှိလည်း မီးလောင်တဲ့ အဆောက်အဦတွေနဲ့  ပြိုတဲ့အဆောက်အဦတွေ ကူညီကယ်ဆယ်မှုတွေ လုပ်နေကြရတုန်းပါ။ မန္တလေးမြို့ရိုးနဲ့ စျေးချိုနာရီစင်လည်း ပြိုကျသွားတယ်” ဟု မန္တလေးဒေသခံတဦးက ပြောသည်။   အင်အားပြင်းငလျင်လှုပ်ခတ်မှုကြောင့် နိုင်ငံတဝန်း ထိခိုက်ပျက်စီးမှုများနေချိန်  စစ်ကောင်စီက ကယ်ဆယ်ရေးလုပ်ငန်းများအား ထိရောက်စွာ လုပ်ဆောင်ပေးခြင်းမရှိသေးသည့်အပေါ်  ဒေသခံများက ဝေဖန်နေကြသည်။   မဇ္ဈိမမှ အတည်ပြုထားနိုင်သည့် ကနဦးအချက်အလက်များအရ တောင်ငူ၊ ပျော်ဘွယ်အပါအဝင် မြို့နယ်များစွာတွင် ဘာသာရေးအဆောက်အအုံများ ပြိုကျပျက်စီးကာ အနည်းဆုံး လူ ၂၁ ဦးထက် မနည်းသေဆုံးထားပြီးဖြစ်သည်။   ယနေ့ မတ်လ ၂၈ ရက်မွန်းလွဲပိုင်းတွင်  အင်အားအလွန်ပြင်းသည့် ငလျင်လှုပ်ခတ်မှုကြောင့် ထိခိုက်ပျက်စီးမှုများပြီး စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်အရှေ့မြောက်ဒေသ၊ နေပြည်တော်၊ ပဲခူးတိုင်း တို့ရှိ ငလျင်ဒဏ်သင့်သည့် နေရာများကို အရေးပေါ်အခြေအနေသတ်မှတ်ကြောင်း စစ်ကောင်စီ၏ သဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီက ကြေညာထားသည်။ စာတည်း - သန့်ဇော်(သန်လျင်) ဗီဒိယိုအညွှန်း - ပြင်းအား ရေချ်တာစကေး ၇ ဒသမ ၇ အဆင့်ရှိ ငလျင်လှုပ်ခတ်ပြီးနောက် မန္တလေးမြို့မြင်ကွင်း။ (Video - Puneet Bhatia) #MizzimaNewsBurmese #မဇ္ဈိမသတင်း #စစ်ကိုင်းမြို့အနီး #MOHADM #ငလျင်လှုပ်ခတ် #myanmarearthquake ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါရစေ။ Mizzima TV YouTube Channel တွင် မန်ဘာဝင်ပေးခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ Https://bit.ly/2VhJ12U or https://tinyurl.com/donatemzm Join Mizzima TV membership - https://www.youtube.com/cha.../UCk9f0... One link to follow all Mizzima platforms: https://mizzima.carrd.co