It’s Showtime October 18, 2025 | Full Episode скачать в хорошем качестве

It’s Showtime October 18, 2025 | Full Episode

Sugar on my tongue, sabi sa trending video online. Para tumamis ang araw n’yo, ngiti lang and think positive para walang pait at matabang na moments. Pwede rin makinig ng sweet music, o kumain ng matamis, basta huwag sosobra dahil lahat ng sobra ay masama. Deserve mo rin ng pahinga, o kung sa Bisaya, “pahuway” ba. Perfect for your chill Sabado sound trip ang kanta ni Rain Celmar na “Pahuway.” Pagkatapos ng performance, nakipagkuwentuhan si Rain with the “It’s Showtime” hosts, na curious sa meaning ng kanta niyang may mga linyang Bisaya. Sana sweet din ang kapalaran ng mga sales attendants na sumalang sa “Laro Laro Pick” at ng dalawang pangkat na tuloy ang pasiklaban sa “Tawag Ng Tanghalan” Year 9. Bentang-benta ang kulitan ng salesladies at salesmen sa “Laro Laro Pick.” Mahusay na sales talk ang kailangan nila sa trabaho. Sa larong ito, ma-convince kaya nila ang kapalaran na sa kanila ibigay ang POT na money na P450,000? Kinilala nina Jhong Hilario, Karylle, at Vhong Navarro si Ferds, isang sales attendant sa motor shop na nakahanap ng true love sa online dating. Ang ideal girlfriend daw niya, ‘yung masarap i-hug. Yakapin din kaya siya ng swerte sa game arena? Battle of the sales attendants naman ang ganap nina Christian, Anne, at Philip na nagpagalingan sa sales talk. Sino sa kanila ang makaka-convince kay Jhong na bumili ng bagong TV set? Para naman sa madlang people sa studio, sina Cianne Dominguez, Ryan Bang, Ion Perez, at guest co-host Bianca Umali ang maglalaro. Dapat wise ang pagpili sa “Illuminate or Eliminate” para swerte ay kumapit. Sa “It’s Giving,” ang category ay mga karaniwang apelyido sa Pilipinas na nasisimula sa letter “R” ayon sa isang website. Walang panghihinayang ang remaining players sa “You Gotta Lyric” dahil na-perfect nila ang missing lyrics ng kantang “Nanghihinayang” by Jeremiah. Sa “PILImination,” pahabaan ng light stick ang labanan. Ang swerte, si Basil ang dinapuan. Si salesman Basil ang naglaro sa “Laro Laro Pick” jackpot round. May tatlo siyang anak at kapag nakuha ang P450,000 POT money, ilalaan niya ito sa pag-aaral ng bunsong magtatapos na ng kolehiyo, at ang sobra ay ipambibili ng sasakyan kahit ‘yung secondhand lang para hindi mahirapan sa biyahe ‘pag umuuwi sa probinsya para bisitahin ang mga magulang. Si misis, present din sa studio. Para walang away, si mister na ang bahalang magdesisyon. At ang pinili ni Basil ay ang POT question, "Sa kasalukuyang pangalan ng mga bansa, bukod sa Zimbabwe, ano pa ang nagsisimula sa letter Z"? Sa loob ng limang segundo, ang naging hula niya ay “Zimba” na malapit-lapit sa tamang sagot na “Zambia.” Sayang! Pero winner pa rin si Basil sa piling ng kanyang magandang pamilya. Mas lalong umiinit ang laban sa ikalawang bahagi ng “Tawag ng Tanghalan” Year 9 Pangkatapatan kung saan tig-isang pambato mula sa Pangkat Luntian ni mentor Bituin Escalante at Pangkat Bughaw ni mentor Mark Bautista ang sasalang kada araw. Mula sa Pangkat Bughaw, ipinamalas ni Raquelle Macababat ang kanyang galing sa awiting “Hanggang Kailan Kita Mamahalin.” Ayon kay hurado Karylle, ramdam sa performance ang experience ni Raquelle at ang confidence na nakuha niya sa pagsali sa mga patimpalak. Marahil ang "puso" niya sa pagkanta ay galing sa pagmamahal ng pamilya, na sobrang miss na niya dahil halos isang buwan na niyang hindi nakikita. Samantala, mula sa Pangkat Luntian, inawit ni Noielle Rodriguez ang “Only Love Can Hurt Like This.” Aminado si Noielle na minsan ay puno siya ng self-doubt pero nagpapasalamat siya sa kanyang grupo sa tiwalang ibinibigay sa kanya. Komento ni Billy Crawford, kakaiba ang boses ni Noielle at maganda ang control from low notes to high notes. Dagdag pa ni Billy, may potential si Noielle to be a star. Sa pagtatapos ng laban, si Raquelle ang nagwagi matapos makakuha ng score na 97.3%, laban sa 93% ni Noielle. Dahil dito, may dalawang puntos na ang Pangkat Bughaw, habang isa pa lang ang naipon ng Luntian sa ongoing Pangkatapatan round ng “Tawag ng Tanghalan” Year 9. #ItsShowtimeOnline #ItsShowtimeFullEpisode #ABSCBNEntertainment