လောကပါလတရား скачать в хорошем качестве

လောကပါလတရား

"လောကပါလတရား နှင့် လူတစ်ယောက်၏ ဂုဏ်သိက္ခာ" လူအများရဲ့ ယုံကြည်မှုတစ်ခု၊ လေးစားမှုတစ်ခု၊ ကြည်ညိုမှုတစ်ခုဆိုတာ နှစ်ပေါင်းများစွာ တည်ဆောက်မှ ရရှိလာနိုင်တဲ့ အကျိုးရလာဒ်များ ဖြစ်ပါတယ်။ အဲဒီလို တည်ဆောက်ရတဲ့အခါမှာလည်း သာမန်ဟန်ပြ တည်ဆောက်ရတာမျိုးမဟုတ်ဘဲ အချိန်များစွာ၊ အခြေအနေများစွာ ပေးဆပ်ပြီးမှ တည်ဆောက်ရခြင်း ဖြစ်ပါတယ်။ ဘယ်လိုပဲ နှစ်ပေါင်းများစွာ တည်ဆောက်ခဲ့ပါစေ၊ စိတ်ခံစားချက်ကို တင်္ဒဂရှေ့တန်းတင်ပြီး အမှားတစ်ခုကိုလုပ်မိရင် နှစ်ပေါင်းများစွာ တည်ဆောက်ခဲ့တဲ့ မိမိရဲ့တန်ဖိုးရှိတဲ့ အရည်အသွေးတွေဟာ တစ်မုဟုတ်ချင်း ပျောက်ကွယ်ပျက်စီးသွားနိုင်တယ်ဆိုတာ အထူးသတိပြုရပါမယ်။ ဟိရီ(မကောင်းမှု ပြုလုပ်ရမှာရှက်ခြင်း)၊ ဩတ္တပ္ပ(မကောင်းမှု ပြုလုပ်ရမှာကြောက်ခြင်း)ဆိုတဲ့ လောကပါလတရား(လောကကိုစောင့်ရှောက်သောတရား)နှစ်ပါးဟာ မိမိရဲ့တန်ဖိုးတွေကို ထာဝစဉ်တည်တံ့နေအောင် ထိန်းသိမ်းပေးထားနိုင်တဲ့ တရားများဖြစ်ပါတယ်။ မိမိ၏ ဂုဏ်သိက္ခာကို စောင့်ရှောက်သောအားဖြင့် ဟိရီတရားကို ကျင့်သုံးရမှာဖြစ်ပြီး၊ ဆရာ မိဘ ဆွေမျိုး စသူနှင့် အခြားလူများကို လေးစားသောအားဖြင့် ဩတ္တပ္ပတရားကို ကျင့်သုံးရမှာဖြစ်ပါတယ်။ အရှင်သုဒဿန(မြတ်ပါရမီ) ၁၅၊၂၊၂၀၂၆(တနင်္ဂနွေနေ့)