SANOUSSY CHERIF ߛߟߊߕߌ߯ ߛߣߊ߬ߛߌ߫ ߛߋ߬ߙߌߝߎ߬ скачать в хорошем качестве

SANOUSSY CHERIF ߛߟߊߕߌ߯ ߛߣߊ߬ߛߌ߫ ߛߋ߬ߙߌߝߎ߬

ߋ߯ ߊߟߊ߫߹ ߊ߬ ߕߏߣߍ߲߫ ߛߊ߬ߦߊ ߟߋ߫ ߡߊ߬، ߊ߲ ߓߊߘߋ߲ߞߍ ߣߴߊ߲ ߘߍ߬ߢߐ߲߯ ߛߣߊ߬ߛߌ߫ ߛߋ߬ߙߌߝߎ߬ ߕߊ ߕߏ߫ ߘߊ߫ ߛߏߡߊߦߟߍߡߊ߲ ߡߊ߬ ߣߌߦߐߙߞ ߞߏ߲ߓߌߕߌ߮ ߂߀/߇߉߀/߂߀߂߅. ߊ߬ߟߋ߬ ߒ߬ ߓߊߘߋ߲ߞߍ ߣߴߊ߲ ߘߍ߬ߢߐ߲߰ߞߍ߫ ߛߟߊߕߌ߯ ߛߊ߲߬ߛߌ߫ ߛߣߊ߬ߛߌ߫ ߛߋ߬ߙߌߝߎ߬ ߡߏߦߌ߫ ߘߊ߫ ( ߁߉߅߉ ߛߙߊ߬ߟߏ߲߬ ߞߊ߲ߓߍ߲߫ ߸ ߊ߬ ߝߊ߬ ߕߐ߯ ߞߏ߫: ߊߓߘߎߙߊߤߑߡߊ߯ߣߌ߲߬ ߛߙߋ߬ߝߎ߫ ، ߊ߬ ߓߊ߫ ߕߐ߯ ߞߏ߫: ߝߊߕߎߡߊߕߊ߬ ߖߊ߰ߣߍ߫. ߞߏ߬ߣߌ߲߬߸ ߣߴߌ ߞߵߌ ߡߙߌ߫ ߞߵߊ߬ ߦߋ߫ ߞߏ߫ ߡߐ߰ ߛߌ߫ ߡߊ߫ ߣߵߊ߬ ߖߘߍ߬ ߘߌ߫ ߘߎߢߊ ߣߌ߲߬ ߘߐ߫، ߓߍ߯ ߞߵߊ߬ ߖߘߍ߬ ߦߋ߫ ߦߊ߲߬ ߊߟߊ߫ ߟߊ߫ ߟߊ߬ߢߌߣߌ߲ ߣߴߊ߬ ߟߊ߫ ߟߊ߬ߕߍ߮ ߟߋ߫ ߡߊ߬ ߸ ߕߎ߬ߡߊ ߘߏ߫ ߣߌ߫ ߦߙߐ ߘߏ߫ ߣߌ߫ ߡߏߦߌߓߊ߮ ߘߏ߫ ߓߟߏ߫ ߸ ߡߍ߲ ߕߍ߫ ߡߐ߰ ߛߌ߫ ߟߊ߫ ߢߍߥߟߊߦߊߟߌ ߘߌ߫ ߞߊ߲߬ ߞߐ߲߰ ߌ ߟߊ߫ ߣߊ߬ߟߌ ߢߍ߫ ߘߎߢߊ߫ ߘߐ߫ ߦߊ߲߬، ߏ߬ ߟߋ ߞߏߛߐ߲߬߸ ߡߐ߰ ߛߌ߫ ߝߣߊ߫ ߛߋ߫ ߕߍ߫ ߞߐߛߊߦߌ߲ߠߌ߲ ߘߐ߫ ߞߊ߬ ߓߐ߫ ߘߎߢߊ߫ ߘߐ߫ ߦߊ߲߬ ، ߏ߬ ߝߣߊ߫ ߓߍ߯ ߦߋ߫ ߝߘߊ߫ ߟߊ߫ ߡߊ߰ߙߌ߬ߓߊ߬ ߞߟߊߒߞߋ߫ ߘߊ߲ߓߊ߯ ߛߋߕߌ߮ ߟߊ߫ ߢߍߥߟߊ ߣߴߊ߬ ߟߊ߫ ߟߊ߬ߕߍ߮ ߟߋ߬ ߟߊ߫. ߊ߲ ߓߍ߯ ߞߏ߬ߣߌ߲ ߞߵߊ߬ ߟߐ߲߫ ߞߏ߫ ߛߊ߬ߦߊ ߕߍ߫ ߡߐߣߍ߫ ߛߌ߫ ߘߏ߲߬ ߠߊ߫ ߓߊ߯ߙߊ߫ ߞߍ߲ߘߍ߫ ߞߍߟߊ ߘߐ߫ ߝߊ ߲ ߝߌ߬ߟߊ ߣߌ߲߬ ߛߌ߫ ߘߐ߫، ߞߌߢߍ߲߫ ߣߌ߫ ߛߎ߬ߟߊ߫ ߞߊ߬ߣߌ߲، ߓߊߏ߬ ߡߐ߱ ߡߍ߲ ߠߎ߬ ߟߐ߲ߣߍ߲߫ ߘߎߢߊ ߣߌ߲߬ ߘߐ߫߸ ߏ߬ ߟߋ ߞߏߢߣߡߊ߫ ߞߍߟߊ ߟߎ߬ ߘߌ߫، ߤߊߟߌ߬ ߡߍ߲ ߠߎ߬ ߟߊ߫ ߛߊ߬ߦߊ ߓߘߊ߫ ߛߊ߲߬ ߥߊ߯ ߦߙߌߞߊ ߓߐ߫، ߏ߬ ߘߏ߲߬ ߦߋ߫ ߕߋ߲߬ ߠߋ߬ ߝߏ߫ ߞߊ߬ ߘߎߢߊ߫ ߓߊ߲߫، ߛߎ߬ߟߊ߬ ߕߊ ߘߏ߲߬ ߝߣߊ߫ ߦߋ߫ ߢߊ߫ ߞߋߟߋ߲ ߏ߬ ߟߋ ߡߊ߬، ߓߊߏ߬ ߛߎ߬ߟߊ߫ ߢߊ ߦߋ߫ ߓߐ߫ ߟߊ߫ ߞߌߢߍ߲߫ ߢߊ߬ߟߌ ߟߋ߬ ߘߐ߫، ߦߏ߫ ߊߟߊ߫ ߞߵߏ߬ ߝߐ߫ ߘߐ߬ߛߊ߬ߙߌ߬ߓߊ ߞߣߐ߫ ߢߊ ߡߍ߲ ߞߏ߫: ߏ߬ ߘߐ߫߸ ߣߴߌ ߞߊ߬ ߓߍ߯ ߦߋ߫ ߞߎߡߊ߫ ߟߊ߫ ߓߌ߬ ߞߏ߫ ߛߊ߲߬ߛߌ߫ ߛߙߋ߬ߝߎ߫، ߏ߬ ߟߊߒߡߊ ߟߋ߬ ߦߏ߫ ߌߓߎ߬ߙߊ߬ߤߌߡߊ߫ ߣߴߊ߬ ߘߋ߲ߞߍ߫ ߌߛߌ߬ߡߊ߬ߌߟߊ߫ ߟߊ߫ ߘߐ߬ߝߐ، ߓߊߏ߬߸ ߏ߬ ߞߵߊ߬ ߝߊ߬ ߟߊߓߊߕߏ߬ ߝߏ߫ ߊ߬ ߛߐ߲߬ ߘߊ߫ ߞߊ߲ߠߊߕߍ߯ߟߌ ߡߵߊ߬ ߝߊ߬ ߟߊ߫ ߟߐ߬ߒ߬ߗߋ߬ߟߊ ߟߊ߫، ߏ߬ ߘߐ߫ ߌߛߌ߬ߡߊ߬ߌߟߊ߫ ߡߞߊߓߊߣߍ߲߫ ߕߍ߫ ߘߋ߬߸ ߊ߬ ߝߊ߬ ߟߋ߬ ߡߞߊߣߍ߲߫ ߞߊ߬ ߕߊ߬ߡߌ߲߬ ߊ߬ߟߋ ߞߊ߲߬، ߏ߬ ߘߐ߫߸ߊ߬ߟߋ ߡߊ߲ߛߊ ߟߎ߫ ߟߋ߬ ߡߊߞߓߊߣߍ߲߫ ߡߍ߲ ߠߎ߬ ߞߵߊ߬ ߘߐߓߍ߲߬ ߓߌ߬ ߢߍ߫. ߘߋ߲ ߏ߬ ߝߣߊ߫ ߓߊߢߊ߬ߟߌ ߞߏߛߐ߲߬߸ ߏ߬ ߛߋ߫ ߘߴߊ߬ ߝߊ߬ ߗߍ ߞߘߐ߫، ߓߊߏ߬ ߌ ߘߌ߫ ߘߋ߲ ߘߏ߫ ߘߐߓߍ߲߬ ߞߏ ߘߏ߫ ߞߊ߲ߡߊ߬߸ ߞߏ߬ߣߌ߲߬ ߣߴߊ߬ ߓߊ߫ ߡߊ߫ ߢߊ߬، ߊ߬ ߕߍ߫ ߛߴߏ߬ ߞߍ߫ ߟߊ߫، ߒ ߣߊ߬ ߝߊߕߎߡߊߕߊ߬ ߖߊ߰ߣߍ߫ "ߕߊ߯ߓߊ߯ߕߐߛߣߊ߬ߛߌ߫ ߛߋ߬ߙߌߝߎ߬ ߣߊ߫" ߊߟߊ߫ ߤߌߣߴߊ߬ ߟߊ߫ ߤߊߟߵߊ߲ ߛߌ߰ ߘߊ߫ ߦߊ߲߬߸ ߡߐ߰ ߕߍ߫ ߓߊ߲߫ ߊ߬ ߘߋ߲ߞߍ߫ ߟߊ߫ ߓߊ߯ߙߊ߫ ߢߌߡߊ߫ ߞߍߣߍ߲ ߠߎ߬ ߢߊߝߐ߫ ߟߊ߫ ߒߞߏߞߏ ߡߌߙߌ߲ߘߌ ߦߋ߫ ߊ߬ ߟߊ߫ ߒߞߏ ߞߊߣߌ߲ ߣߴߊ߬ ߗߋߢߊߟߌ ߣߴߊ߬ ߞߊ߲ߠߕߊߡߌ߲ ߡߛߍ߬ߞߍ߬ߡߛߍߞߍ ߸ ߊ߬ ߣߴߊ߬ ߦߋ߫ ߡߍ߲ ߞߍ߫ ߟߴߊ߬ ߘߎߢߊߘߐߕߍ߯ ߊߘߡߊߘߋ߲ ߠߎ߬ ߦߋ߫ ߊ߬ߟߎ߬ ߡߊߘߍ߬ߡߍ߲ ߘߐ߫. ߞߊ߬ߓߌ߯ ߊ߬ ߞߊ߬ ߒߞߏ ߞߊߙߊ߲ ߘߊߡߌ߬ߘߊ߬ ߞ. ߌߓߙߊߤߌߡߊ߬ ߕߙߊߥߟߋ߫ ߝߍ߬ ߞߊ߬ ߓߊ߲߫ ߞߊ߬ ߞߊ߬ߙߊ߲ ߡߊߞߊ߬ߝߏ߫ ߞ.ߜ. ߇߈߁/߂߀߁߅ ߟߊ߫ ߞ. ߖߌ߬ߓߙߌ߬ߟߊ߫ ߖߊ߰ߣߍ߫ ߝߍ߬ ߛߌ߬ߟߡߊ ߓߍ߯ ߟߊ߫ ߕߊ߲ߓߊ߲ ߕߌ߲ߓߌߘߌ߲ߘߊ ߟߊ߫ (ߡߊߛߑߖߘߌ ߐߟ ߡߛߌߡ ߛߍ߲ߕߊ߬) ߞߊ߬ ߛߋ߫ ߟߎߞߑߡߊ߯ߣ ߕߌ߲ߓߌߘߌ߲ߘߊ ߟߊ߫ ߝߏ߫ ߞߵߊ߬ ߞߍ߫ ߒߞߏ ߞߊ߲ߙߊ߲ߘߋ߲߫ ߞߎ߲ߕߌ߮ ߘߌ߫߸ ߞߵߏ߬ ߟߴߊ߬ ߟߊ߫ ߒߞߏ ߞߊߣߌ߲߫ ߘߍ߬ߜߍ ߣߴߊ߬ ߟߊ߫ ߡߊ߲߬ߘߋ߲߬ߞߊ߬ߦߊ ߘߐߘߌߦߊ ߞߊ߲߬ ߸ ߊ߬ ߣߴߊ߬ ߟߊ߫ ߘߎߢߊ߫ ߝߘߏ߬ߓߊ߬ߞߊ߲ ߊ߲߬ߞߌߟߋ ߓߊߓߋ߬ߟߌ߫ ߓߟߋ߬ߓߟߋ ߊ߬ ߕߎ߲߬ ߦߋ߫ ߒߠߋ ߖߌ߬ߓߙߌߟߊ߫ ߖߍ߬ߘߍ ߣߌ߫ ߒߞߏ ߞߊߙߊ߲ߡߐ߮ ߟߎ߫ ߘߍ߬ߡߍ߲߬ߓߊ ߞߍ߫ ߟߊ߫ ߏ߬ ߡߍ߲ ߘߐ߫ ߒ ߞߊ߲ ߟߊߕߊ߬ߡߌ߲߬ ߕߎߡߊ ߒߞߏ ߢߊߝߐ߫ ߘߌ߲ߞߌߙߊ ߟߎ߬ ߘߐ߫ ߊߡߙߌߞߌߞߊ ߟߎ߫ ߦߋ߫߸ ߞߊߕߙߍ߬ߕߍ߫ ߜߊ߬ߙߊ ߟߎ߬ ߞߣߍߞߊ߲ߠߊ ߡߊ߬ ߸ ߊ߲ ߕߎ߲߬ ߦߴߊ߬ ߦߋ߫ ߟߊ߫ ߟߋ߬ ߟߏ߲ ߺ ߏ ߺ ߟߏ߲߫ ߘߏ߫ ߟߋ߬ ߝߙߊ߬ ߟߴߊ߬ ߟߊ߫ ߒߞߏߞߏ ߛߣߐ߬ߡߍ߬ߘߐ߬ߦߊ ߣߴߊ߬ ߞߊ߬ߙߊ߲ ߣߴߊ߬ ߟߊߥߙߎߞߌ߫ ߓߊ߯ߙߊ ߟߎ߫ ߞߊ߲߬. ߏ߬ ߟߊߒߡߊ ߘߏ߫ ߟߎ߫ ߝߟߍ߫ ߣߌ߲߬: ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲ ߒߞߏ ߕߐ߲ ߡߙߊ߬ߘߊ ߞߎߟߊߕߍ߮ ߛߓߍߘߊ ߡߍ߲ ߛߏ߯ߙߏ߫ ߘߊ߫ ߞ.ߜ. ߇߈߁ ߞߏ߲ߞߏߘߓߌ ߁߇/߂߀߁߆ ߊ߬ ߞߍ ߘߊ߫ ߏ߬ ߛߌ߲߬ߝߏ߲߬ ߞߟߏߡߊ ߘߏ߫ ߟߋ߬ ߘߌ߫ ߜߋ߬ߟߎ߲߬ߠߌ߲ ߞߟߊ߬ߕߌ߮߸ ߊ߬ ߣߌ߫ ߛߓߍߘߊ ߡߍ߲ ߛߎߥߊ߲ߘߌ߫ ߘߊ߫ (ߊߡߋߙߌߞߌ߬ ߞ.ߘ. ߒߞߏ ߕߐ߲) ߓߟߏ߫ ߝߘߏ߬ߓߊ߬ ߜߙߊ߬ ߛߓߊߣߊ߲ ߘߐ߫، ߓߍ߲ߗ ߊߡߍ߫ ߝߊߙߊ߲ߞߑߟߌ߲߫ ߝߘߏ߬ߓߊ߬ ߞߊߙߊ߲ߛߏ ߅߅ ߟߊ߫، ߄߅߀ ߛߍ߲ߔߏߟ، ߓߑߙߐ߲ߞߛ ߣߌߦߐߙߞ ߊߡߋߙߌߞߌ߬ ߞ.ߘ، ߞߊߙߌߟߏ߲ ߕߎߟߊߝߌ߲ ߃߀ ߞ.ߜ. ߇߈߃/߂߀߁߈، ߞߊ߬ ߞߍ߫ ߏ߬ ߞߏ߲߬ߘߏ߲߬ߕߌ߮ ߘߌ߫. ߊ߬ ߣߌ߫ ߛߓߍߘߊ ߡߍ߲ ߛߎߥߊ߲ߘߌ߫ ߘߊ߫ (ߊߡߋߙߌߞߌ߬ ߞ.ߘ. ߒߞߏ ߕߐ߲) ߠߊ߫ ߝߘߏ߬ߓߊ߬ ߜߙߊ߬ ߄ߣߊ߲ ߠߋ߬ ߓߟߏ ߛߌ߬ߟߊ߬ߡߊ ߓߍ߯ ߟߊ߫ ߕߊ߲ߓߊ߲ ߕߌ߲ߓߌߘߌ߲ߘߊ ߟߊ߫، ߓߑߙߐ߲ߞߛ،ߣߌߦߐߙߞ ߊߡߋߙߌߞߌ߬ ߞߊߙߌߟߏ߲، ߞߏ߲ߞߏߘߓߌ ߁߁/߇߈߆/߂߀߂߁، ߞߊ߬ ߞߍ߫ ߏ߬ ߝߣߊ߫ ߛߌ߲߬ߝߏ߲߬ ߞߟߏߡߊ ߘߌ߫، ߜߋ߬ߟߎ߲߬ߠߌ߲ ߞߟߊ߬ߕߌ߮߸ ߊ߬ ߛߏߡߊߦߟߍߡߊ߲ߣߍ߲߫ ߞߵߊ߬ ߕߏ߫ ߟߐ߬ߘߎ߮ ߏ߬ ߟߋ ߘߐ߫߸ ߊ߬ ߣߌ߫ ߒߞߏ ߡߌߞߙߏߛߐߝߕ ߘߟߊߡߌߘߊ ߓߟߏߟߊߘߍ ߡߍ߲ ߘߊߡߌ߬ߣߊ߬ ߘߊ߫ ߞ.ߜ. ߇߈߂/߁߇/߂߀߁߇، ߊ߬ ߞߊ߬ ߡߊ߬ߜߍ߲߬ߓߊ߫ ߞߍ߫ ߏ߬ ߘߐ߫ ߞߊ߬ ߓߊ߲߫ ߞߵߊ߬ ߝߐ߫ ߞߏ߫ ߊ߬ ߓߌߣߍ߲߫ ߒߞߏ ߘߍ߬ߡߍ߲ ߠߊ߫ ߕߎ߬ߡߊ߬ߓߍ߯. ߊ߬ ߞߊ߬ ߛߙߋߓߍ߫ ߛߓߊ߬ ߣߌ߫ ߛߌ߲߬ߝߏ߲߬ ߔߊߔߘߊ ߝߌ߬ߟߊ߫ ߛߐ߬ߘߐ߲߬ ߞߊ߬ ߝߘߴߊߡߋߙߌߞߌ߬ ߞ.ߘ. ߒߞߏ ߕߐ߲߫ ߠߊ߫ ߕߊ߲߬: ߛߌ߲߬ߝߏ߲߬ ߛߙߋߓߍ ߣߌ߫ ߒߞߏ ߞߊߙߊ߲ ߜߍߢߋߟߋ߲ ߛߙߋߓߍ ߣߌ߫ ߥߊߟߋߢߌߡߊߟߐ߲߫ ߛߙߋߓߍ ، ߏ߬ ߟߎ߫ ߟߋ ߖߌ߬ߦߊ߬ߓߍ ߛߙߍߘߍ ߟߎ߬ ߝߟߍ߫ ߘߎ߰ߟߊ߫ ߣߌ߲߬. ߒߞߏ ߣߌ߫ ߒߞߏ ߕߐ߲ ߠߊ߫ ߕߏ߰ߝߏ ߛߌ߫ ߡߊ߫ ߝߐ߫ ߊ߬ ߞߐ߫ ߊߡߋߙߌߞߌ߬ ߦߊ߲߬߸ ߞߵߊ߬ ߘߊߡߌ߬ߘߊ߬ ߟߊ߬ߘߍ ߟߎ߬ ߣߌ߫ ߓߟߏߟߊߘߍ ߟߎ߫ ߡߊ߬ ߞߊ߬ ߛߋ߫ ߜߊ߬ߙߊ ߟߎ߬ ߣߌ߫ ߞߊ߬ߙߊ߲ ߠߎ߫ ߡߊ߬ ߸ ߏ߬ ߞߘߐ ߟߋ߬ ߞߏ ߒߞߏ ߞߊߙߊ߲ ߣߴߊ߬ ߟߊ߬ߞߐ߰ߟߌ ߟߎ߬ ߛߌ߫ ߡߊ߬ ߝߐ߫ ߊ߬ ߞߐ߫ ߣߌߦߐߙߞ ߞߣߐ߫ ߊ߬ ߣߌ߫ ߞߊ߬ߝߏ߬ ߜߘߍ ߘߏ߫ ߟߎ߫ ߦߏ߫: ߓߐߛߑߕߐ߲߫ ߤߊߙߑߝߊߘ ߖߊ߯ߓߊ ߣߌ߫ ߡߛߌߜ ߊ߲߫ ߣߌ߫ ߝߌߟߊߘߍߟߑߝߌߦߊ߫ ߣߌ߫ .... ߊ߬ ߛߏߛߊߦߌ߲ߣߍ߲߫ ߞߊ߬ ߒߞߏ ߡߌߙߌ߲ߘߌ ߓߟߏߝߊߣߍ߲ߓߊ ߣߌ߲߬ ߠߋ߬ ߕߏ߫ ߊ߬ ߟߊ߫ ߘߊߞߎ߲߫ ߛߌߦߊߡߊ߲߫ ߘߐ߫ ߸ ߡߍ߲ ߠߎ߬ ߓߍߣߊ߬ ߕߐ߬ߝߍ߬ߦߊ߫ ߕߎ߬ߡߊ߬ ߜߘߍ߫، ߏ߬ ߘߐ߫ ߸ ߊ߲ ߢߊߖߌߕߐ ߦߋ߫ ߞߎߡߊ ߟߊߟߐ߬ ߟߊ߫ ߦߊ߲߬ ߕߋ߲߬، ߓߊߏ߬ ߓߊߘߍߘߊ ߟߋ߬ ߸ ߣߴߊߟߊ߫ ߛߐ߲߬ ߘߊ߫ ߕߎ߬ߡߊ߬ ߜߘߍ߫ ߊ߲ ߘߌ߫ ߢߍߓߊ߮ ߞߊ߲߬ߞߎߡߊ ߕߐ ߘߝߊ߫ ، ߓߊߏ߬ ߝߐ ߕߍ߫ ߞߎߡߊ ߓߊ߲߫ ߠߊ߫ ߦߟߌ ߟߴߊ߬ ߕߐ ߘߝߊ߫ ߟߊ߫. ߊߡߋߙߌߞߌ߬ ߞ.ߘ. ߒߞߏ ߕߐ߲ ߠߋ߬ ߟߐ߬ߣߍ߲߫ ߓߊߘߍ ߣߌ߲߬ ߖߐ߬ߣߍ ߣߌ߫ ߕߐ߲ ߛߌ߲߬ߝߏ߲߬ ߘߝߊߣߍ߲ ߓߍ߯ ߟߊ߫ ߓߊߘߍ ߖߐ߬ߣߍ ߟߎ߬ ߟߴߊߡߋߙߌߞߌ߬ ߞߣߐ ߣߴߊ߬ ߞߐߞߊ߲ߠߊ ߓߍ߯ ߘߐ߫ ߊߟߊߡߊ߬ ߦߝߊ߬ ߞߍ߫ ߘߴߊ߬ ߡߊ߬، ߞߵߊ߬ ߟߊߦߙߐ ߛߎߡߊ߫، ߞߵߊ߬ ߝߙߊ߬ ߞߎ߲߬ߠߊ߲߬ߘߌ߬ ߝߎߙߋ ߟߎ߫ ߞߊ߲߬، ߞߵߊ߬ ߞߐ ߣߴߊ߬ ߢߍ ߘߐߓߍ߲߬،ߞߵߊ߬ ߓߐ߲ߛߐ߲ ߠߎ߬ ߟߊߢߊ߬، ߞߊ߬ ߦߝߊ߬ ߞߍ߫ ߞߊ߬ߙߊ߲߬ߡߐ߯ ߛߟߏ߬ߡߊ߰ߣߊ߬ ߞߊ߲ߕߍ߫ ߣߌ߫ ߒߞߏ ߞߊߙߊ߲ߘߋ߲ ߝߎߙߋ ߕߐ ߟߎ߬ ߣߌ߫ ߡߐ߰ ߓߘߍ ߓߍ߯ ߡߊ߬، ߞߵߊ߲ ߕߐ ߟߎ߬ ߝߣߊ߫ ߟߊߓߊ߲ ߢߊ߬، ߞߵߊ߲ ߓߍ߯ ߟߊߘߍ߬ ߡߍ߲ߘߌߦߊ ߣߊߞߐߘߐ߫. ߕߌ߲ߞߌ ߣߌ߫ ߖߐ ߦߋ߫ ߞߋߟߓߊ߫ ߡߊ߬ߡߊߘߌ߫ ߡߊ߬. ߞ/ ߖߌ߬ߓߙߌ߬ߟߊ߫ ߖߊ߰ߣߍ߬، ߒߞߏ ߕߐ߲ ߖߊ߯ߓߡߊ ߣߴߊߡߋߙߌߞߌ߬ ߞ.ߘ ߒߞߏ ߕߐ߲߫ ߝߘߏ߬ߓߊ߬ ߞߟߊ߬ߕߌ߮/ߣߌߦߐߙߞ ߊߡߋߙߌߞߌ߬ ߞ.ߘ. ߒ߬ ߓߊߘߋ߲ ߣߌ߫ ߒ߬ ߘߍ߬ߢߐ߲߮ ߣߌ߫ ߒߞߏ ߞߊ߬ߣߌ߲߬ߓߊ߯ ߛߣߊ߬ߛߌ߫ ߛߋ߬ߙߌߝߎ߬ ߓߊߘߍ ߘߐ߫ ߞ.ߜ. ߇߉߀/߂߀߂߅ ߞߏ߲ߓߌߕߌ߮ ߂߁