Azərbaycanın Ən Varlı 10 KƏNDİ Hansılardır? скачать в хорошем качестве

Azərbaycanın Ən Varlı 10 KƏNDİ Hansılardır?

#azerbaycan #kənd #rayon Azərbaycanın ƏN VARLI 10 kəndi hansılardır? Hansı kəndlərimizdə pula pul demirlər? Bir kəndin varlı ya da kasıb olması necə müəyyən olunur? Yerin qulağı kanalı bu dəfə Azərbaycanda əhalinin digərlərinə nisbətən daha yaxşı yaşadığı 10 kəndi araşdırıb. Azərbaycanda ən varlı 10 rayon haqqında video hazırlamışdım. Bu dəfə ən varlı kəndləri qeyd edəcəm. Azərbaycanda ən varlı kəndlər əsasən neft-qaz infrastrukturu, kənd təsərrüfatı, biznes fəaliyyəti və coğrafi yerləşmə baxımından üstünlüklərə malik olan bölgələrdə yerləşir. Rəsmi olaraq "ən varlı kənd" statusu olmasa da, aşağıda sadalayacağım kəndlər iqtisadi inkişaf səviyyəsinə görə digərlərindən seçilir: 10-cu yerdə Astara rayonunun Pensər kəndi gəlir. Pensər kəndi Astara şəhərinin mərkəzindən 22 km aralıda, Bakı-Astara magistral yolunun yaxınlığında yerləşir. Mənası penə sözü talış dilindəki "yuxarı" və sə "baş", "hündür" sözlərindəndir Yuxarıbaş kəndi deməkdir. Qədim adı Butəsərdir. Əhalisi 5 min nəfərdən yuxarıdır. Astara rayonunun ən varlı kəndlərindədn biridir. Yerli əhalinın dediklərinə görə, ilk dəfə məhz bu kənddə “Vağzalı” mahnısı ifa edilib. Ən qədim yaşayış yerlərindən biridir. Buna sübut isə tunc dövrünə aid olan Pensər və Pir Seyid Camal kurqanlarının burada yerləşməsidir. 9-cu yer Şəki rayonunun Baş Göynük kəndi. Şəkinin əhali sayına görə ən böyük kəndidir. Əhalisi 15 min nəfərdən çoxdur. Baş Göynük kəndi Şəki rayonunun şimal-qərb hissəsində yerləşir. Azərbaycanın ən çox selli çaylarından biri olan Şin çayı da bu kəndin ərazisindən keçir. Oykonim "yuxarıda yerləşən Göynük kəndi" deməkdir. Baş Göynük kəndinin ərazisi Azərbaycan tarixindəki ən qədim Türk-Oğuz məskənlərindən biridir. Turizm baxımdan çox zəngindir. Əhalisinin böyük əksəriyyəti kənd təsərrüfatı ilə məşğul olur. Abid Şərifov, Fikrət Məmmədov, Yaqub Mahmudov, Fərman İsmayılov və bir çox ziyalı şəxs bu kənddəndir. 8-ci yerdə Masallı rayonu Boradigah kəndi gəlir. Boradigahı "bura digahdır" (yəni bura kənd yeridir) kimi izah edənlər də var. Əhalisi 10 min nəfərdən yuxarıdır. Qəsəbə statusu verilib. Boradigah qəsəbəsi Lənkəran ovalığında, rayon mərkəzindən 12 kilometr cənubda yerləşir. Azərbaycanda qızıl alveri edən kəndlər siyahısındadır. Hələ sovet dövründə də Boradigah alveri ilə çox məşhur olub. Əlverişli coğrafi mövqeyi ta qədimdən bu yaşayış yerinin iqtisadi həyatına çox müsbət təsir edib. Boradigah qədim ticarət mərkəzi olub. İqtisadiyyatında taxılçılıq (əsasən çəltikçilik), bostançılıq, maldarlıq və balıqçılıq əsas yer tutur. 7-ci yer Şəmkir rayonunun Çinarlı kəndi Şəmkir Azərbaycanda ən varlı rayonlardan biridir. Çinarlı kəndi də varlı kəndlər siyahısında yer alıb. Əhalisi 8 min nəfərə yaxındır. Kəndi varlı olması əsasən insanların Rusiyada işləməsi ilə bağlıdır. Qəsəbə statusu verilib. Kənd təsərrüfatı və heyvandarlıq inkişaf edib. Havasi sərindir. Qəsəbə rayon mərkəzindən 8 km, dəmiryol stansiyasından 4 km məsafədə yerləşir. İqlimi mülayimdir.Kənddə meyvə tərəvəz bazarı, şərab zavodu yerləşir. Üzümçülük çox inkişaf edib. 6-cı yerdə Ağcəbədi rayonunun Avşar kəndi gəlir. Məşhur Avşar tayfasının adı ilə bağlıdır. Kəndin adı qədim türk tayfalarından olan Qayı türklərinin əfşar//avşar qolunun adından götürülüb. Əhalisi 10 min nəfərdən yuxarıdır. Əhalinin əsas məşğuliyyəti əkinçilik və heyvandarlıqdır. Bölgədə tanınan varlı kəndlərdən biridir. Avşar kəndi Ağcabədi rayonunun əsas yaşayış məntəqələrindən biri olmaqla, aran zonasında, Kur-Araz ovalığının səfalı düzənliklərində yerləşir. Orta illik temperatur isə təxminən 14 dərəcə təşkil edir. Bu iqlim xüsusiyyətləri kənd təsərrüfatı üçün əlverişli zəmin yaradır. Kəndin coğrafi mövqeyi həm iqtisadi, həm də sosial həyat üçün böyük əhəmiyyət kəsb edir. Avşar kəndinin əhalisi, demoqrafik baxımdan, Azərbaycanın kənd yerlərinə xas olan sıx ailə bağları, birgə əmək və qarşılıqlı yardım ənənələri ilə seçilir. 5-ci yer Naxçıvanda yerləşən Nehrəm kəndidir. Naxçıvanın ən qədim, ən sirli kəndlərindən biri, Babək rayonunun Nehrəm kəndi. Əhalisi 15 min nəfərə yaxındır. Qəsəbə Araz çayının sol sahilində yerləşir. Nehrəm kəndi ən böyük və qədim yaşayış məskənlərindən biridir. Bu kənd həm qonaqpərbərliyi, həm məşhur insanları, həm də yaşayış səviyyəsinə görə seçilir. Azərbaycanda ən çox general bu kənddədir. Məlumatlara görə bu kənddən 24 general var. Kənd savadlı, ziyalı insanlar yetişdirməsi ilə də məşhurdur. Yerli camaatın söylədiyinə görə, Nehrəm qədim türk tayfalarının izlərini daşıyan yaşayış məskənlərindən biridir. Nehrəm kəndinin tanınmışlarından söhbət açılırsa, ilk olaraq adı çəkiləsi şəxs birmənalı şəkildə Mirzə Cəlildir.