Xüsusi Dövlət Mühafizə Xidməti əməkdaşlarının peşə bayramıdır скачать в хорошем качестве

Xüsusi Dövlət Mühafizə Xidməti əməkdaşlarının peşə bayramıdır

Avqustun 23-ü Azərbaycanda Xüsusi Dövlət Mühafizə Xidməti əməkdaşlarının peşə bayramı günüdür. CBC xəbər verir ki, bu gün Prezident İlham Əliyevin 2008-ci il 21 avqust tarixli sərəncamı ilə təsis edilib. Əsas vəzifələri Azərbaycan Prezidentinin, həmçinin ölkədə səfərdə olan xarici ölkələrin dövlət və hökumət başçılarının təhlükəsizliyinin təmin edilməsi, dövlət mühafizəsi obyektlərinin təhlükəsizliyinin təmin edilməsi və mühafizə olunan obyektlərin qorunması, Prezident rabitəsinin və xüsusi dövlət rabitəsinin təhlükəsizliyinin təmin edilməsi olan Xüsusi Dövlət Mühafizə Xidməti ötən dövrdə şərəfli yol keçib. Milli lider Heydər Əliyevin fərmanı ilə 1993-cü il avqustun 23-də yaradılan Ali Dövlət, Hakimiyyət və İdarəetmə Orqanları Baş Mühafizə İdarəsi ulu öndərin 2002-ci il 6 may tarixli sərəncamı ilə Xüsusi Dövlət Mühafizə Xidməti adlandırılıb. Xidmətin 1990-cı illərin əvvəllərində ölkədə mövcud olan mürəkkəb ictimai-siyasi şəraitdə mühafizə işinin yüksək peşəkarlıqla təşkil edilməsində mühüm xidmətləri olub. Beynəlxalq terrorizmin geniş vüsət aldığı müasir dövrdə Xüsusi Dövlət Mühafizə Xidməti mühafizə işinin təkmilləşdirilməsinə, müasir tələblərə cavab verən təlimlərin keçirilməsinə, yüksək peşəkar kadrların hazırlanmasına xüsusi diqqət yetirir. Qurumun yüksək döyüş qabiliyyətinə malik şəxsi heyəti öz peşəkarlığı ilə seçilir. Prezident İlham Əliyevin iştirakı ilə istifadəyə verilən Xüsusi Dövlət Mühafizə Xidmətinin təlim-tədris mərkəzi dünya standartlarına uyğun, müasir hərbi kompleks olmaqla, öz xüsusiyyətləri ilə regionda seçilir. Burada regionda ilk dəfə olaraq interaktiv atıcılıq tiri yaradılıb. Bu infrastruktur şəxsi heyətin hərbi tapşırıqları ən yüksək səviyyədə icra etmək vərdişlərinə yiyələnməyə kömək edir. Xüsusi Dövlət Mühafizə Xidmətinin tərkibindəki İxrac Neft və Qaz Boru Kəmərlərinin Təhlükəsizliyi İdarəsi Bakı-Tbilisi-Ceyhan neft, Cənubi Qafqaz ixrac qaz boru kəmərlərinin Azərbaycandan keçən 443 kilometrlik hissəsinin, Bakı-Supsa, Bakı-Novorossiysk neft kəmərlərinin ölkəmizdən keçən hissələrinin mühafizəsini uğurla təşkil edir. Хüsusi Dövlət Mühafizə Хidməti əməkdaşlarının peşə bayramı münasibətilə qurumun bir qrup əməkdaşı vəzifəsini yerinə yetirərkən əldə etdiyi yüksək nailiyyətlərə görə Prezident İlham Əliyevin sərəncamı ilə təltif edilib.