PLENÁRIA DAHULUK MEMBRU PARLAMENTU FOINSA’E NIAN PERÍODU V 2024-2026 скачать в хорошем качестве

PLENÁRIA DAHULUK MEMBRU PARLAMENTU FOINSA’E NIAN PERÍODU V 2024-2026

Loron, 31 Fulan Jullu- 02 Agostu tinan 2025, Plenaria Dahuluk membru Parlamentu Foinsa’e Nian periodu V 2024-2026, ofisialmente abertura husi Minístru Juventude, Desportu Arte no Cultura (MJDAC) sua exelénsia sr. Nélyo Isaac Sarmento iha Salaun Ministeriu Solidariedade Sosial no Inkluzaun, Caicoli Dili. Iha sesaun abertura ne’e Sua Exelénsia Ministru Juventude, Desportu, Arte no Kultura (MJDAK), Nelyo Isaac Sarmento, enkoraja M-PFN “kontinua apredne no prepara-an ho prínsipiu hodi lori Timor ba oin, tanba imi mak futuru ba nasaun ida-ne’e”. Iha intervensaun Prezidenti APFTL Zaulino Gomes da Silva hateten, M-PFN sira sei halo diskusaun iha plenária durante loron-rua ba asuntu liman (5) mak hanesan:1. Komisaun (A), Trata Asuntu "Joven ho Edukasaun" 2. Komisaun (B) Asuntu "Joven ho Moris Saudável", 3. Komisaun (C), Asuntu "Joven ho Empregu no Empregabilidade", 4. Komisaun (D) Asuntu "Joven ho Partisipasaun Síviku", 5. Komisaun (E), Asuntu " Joven ho Violensia no Krime". Objetivu hosi Plenária ne’e, hodi debate no aprova dadus sira ne’ebé M-PFN rekolla ona iha idaidak nia Postu Administrativu no problema prinsipál sira ne’ebé identifikadu no elabora ona iha enkontru Bankada no enkontru komisaun nian. Plenária ne’e, partisipa husi membru PFN hamutuk na’in-126 husi númeru ne’e inklui ema ho kondisaun espesial nain-rua no kompostu husi feto nain-63 no mane na’in-64. Iha abertura ne’e partisipa husi: entidades Governu sira mak hanesan: MJDAC, SEI, SEFOPE, CAC, Snaem mds, INDDICA IP, MESCC, PDHJ, organizasaun Joven sira mak: CNJTL, CCYC ,PFN no membru APFTL. #JovenAtivuSaudavelProdutivuKompetitivuOrgulluNuudarTimorOan