埃及 Vlog part 1: 開羅 | Garbage City, Cave Church, Cairo |中東背包客 | 50日3000公里Honeymoon | Egypt Cairo скачать в хорошем качестве

埃及 Vlog part 1: 開羅 | Garbage City, Cave Church, Cairo |中東背包客 | 50日3000公里Honeymoon | Egypt Cairo

香港-成都-開羅 香港經成都飛開羅機票只需$2400hkd, 約18小時連轉機時間. 開羅機場超級順利, 用咗少少時間搵到shuttle bus 去T1, 坐巴士40min 出downtown. $3.7hkd. 第一站: 去搵梳化主人的酒店, 又咁啱附近街上有人俾我哋問到路, 仲帶埋我哋去, 跟住又咁啱一齊坐𨋢嘅人原來係酒店員工幫我哋順便check in…因梳化主人大老細仲瞓緊覺. Settle 咗住宿的問題, 個人都輕鬆晒, 行2.3km出發去舊城區. 原來呢度附近成個範圍都係Downtown, 日頭嘅景象只係荒廢了的死城. 成個城市感覺好似古巴, 宏偉但日久失修嘅特色建築物, 灰塵滾滾, 嚴重霧霾, 但沿途遇見埃及人super friendly. 好多人會無端端同我哋打招呼 “Welcome to Egypt!” 中途搵到間local fast food餐廳, 有個婆婆帶住佢一班侍應仔嚟迎接, 見到佢哋面上好genuine 嘅笑容, 唔坐低食都唔得. 驚喜發現個menu 有晒所有埃及菜式, 淨係佢個早餐menu 已經有排玩. 叫左Falafel, Foul, Alexandria Foul, meat shawarma (total $28hkd)重點係一個個波波Pita bread. 從未食過發酵到咁精彩嘅Pita bread! 繼續沿着沙塵滾滾的大街出發到UNESCO 世界遺產大街Al Moez Ldin Allah Al Fatmi, 充滿着伊斯蘭教重點歷史遺跡, 再去開羅埃及博物館, 竟然用咗兩個鐘睇棺材, 木乃伊同陪葬品🤣. 再去搵十災變成血的Nile River尼羅河. 回程經過間門面乜都冇寫嘅餐廳, 收銀員招手叫我哋入去, 詳細解釋, 原來淨係serve一種素食快餐, 按份量收錢. 原來係飯+通粉+意大利粉+鷹嘴豆+扁豆+乾蒜頭+蕃茄醬結合的一碗嘢, 加餸一兜埃及甜品rice pudding (Roz bil Laban). 回到酒店原本諗住早啲沖涼瞓覺, Potter 竟然發現唔記得帶風筒, 驚奇地回想我點解咁多年的背包人生, 風筒永遠不在我的packing list 內🤣🤣🤣. 原來要喺埃及搵到風筒並不簡單, 喺附近大街舖頭2200 EGP($330hkd). 為求搵到我心目中拼多多世界幾廿蚊風筒, 開始周街問年青人..第一個人嘗試喺我個google map 搵到定點但唔成功, 就話 “just go straight ten mins!”, 但佢隔籬個朋友唔忿氣, 想直接WhatsApp俾個地址我…結果我哋go straight 左 10分鐘之後, 睇佢個地址完全係相反方向😱. 迷惘地繼續問人, 幾個年青人一齊指住同一個方向, “go straight, and it’s the main street”. 竟然搵返我哋今朝經過的華強北地段! 第一間舖頭500EGP ($82hkd), 第二間1200EGP, 第三間500EGP. 行多幾步最終成交價竟然225EGP ($37)! 搵風筒變咗夜市一日遊😂, 原來開羅越夜越精彩, 當地人黃昏晚上才出沒.